غير حابة نفهم واش بيكم

nawald · 2010-05-30, 11:52

والله اخواني في هاد الايام الاخيرة يعني بعد ما دينا العطلة لاحظت بلي المنتدى تبدل بزاف مارجعش كيما كان المواضيع المفيدة رجعت قليلة ونظن بلي من للقدام ترجع نادرة اغلبية المواضيع هنا ماتليقش بمنتدى تعليمي كيما منتدى الجلفة
وبلا ما نحدد هاد المواضيع ومن فضلكم ما تزعفوش لاني قلت الحق وعبرت عن رايى فقط
يعني انا ماغاديش نقلكم مانحطوش مواضيع ترفيه او اشياء صغيرة تخلي الاعضاء على الاقل يبتسمو بصح ماشي لهاد الحد ونعاود نقلكم بلا زعاف خلونا نرجعو للقدام ونزهيو المنتدى بمواضيع هايلة كيما من قبل
تقبلو اسفي اذا ازعجت احدكم

imad cabiste · 2010-05-30, 11:59

قولي والله

nawald · 2010-05-30, 12:04

يا خويا مانيش نضحك معاك ياك انا قلت الحق

floritta · 2010-05-30, 12:16

معك حق اختي مرة نضحكو و مرة نستفيدوا على خاطر اذا جبناها طول ضحك و تنسخير ماتفراش
العام لجاي نكونو ما اسفدنا وااااااالوووووووووووووووووو
تقبلي مروري

امين الاسلام · 2010-05-30, 12:23

صح والله غير عندك الحق

nawald · 2010-05-30, 12:29

الحمد لله كي لقيت اعضاء يساندوني في الراي شكرا لكما floritta.........وaaa120

امين الاسلام · 2010-05-30, 12:31

العفو لانو انا تانر راني انشوفي بلي الناس ماراهيش حاسا بلي العام الجاس الباك وراهي دايرا غير مواضيع الترفيهية وعلى الاقل نديرو خطط في علطة باه نتسعدو للعام الجاي احسن استعداد

nawald · 2010-05-30, 12:37

ادا هو الكلام اللي كان لازم ينقال من قبل شكرا اخي امين وعندك الحق في هادي لازم نحضرو روحنا بصح كيفاش عندك فكرة

امين الاسلام · 2010-05-30, 12:40

لازم كل واحد فينا يقولنا المخطط لي راح يديرو في اليف بصح لازم يكون فيه عدة نقاط تتفرغ للراحة وتحضير للسنة الدراسية المقبلة ان شاء الله

nawald · 2010-05-30, 12:45

يمكن نقدرو هادا حتى يقبلو الاعضاء الاخرين لانو مانيش حابة نديرو اي عمل اومساهمة للباك من دونهم اصلا انا من الموضوع راني خايفة لا نكون زعفت كاش واحد فيهم

floritta · 2010-05-30, 12:50

العفو اختي و مانضنش بلي الصراحة تزعف الناس منك و ماذا بيا لوكان نبداو من ضركة التحضير علا خاطر العام الجاي يا عالم اذا يكفينا الحال باش نبحثوا على ملخصات و مراجع من الاحسن من ضركة نبداو على الاقل بالحوايج تاع التحضير و هذا لا يمنع اننا مرة علا مرة نضحكو
تقبلي مروري مرة اخرى و يعطيك الصحة على هاذ الفكرة

nawald · 2010-05-30, 12:51

ربي يوفقك ان شاء الله اختي floritta

سنة4 · 2010-05-30, 12:53

عندك الحق اختي nawlad لازم علينا نديروا مواضيع تفيدنا صح شوية ترفيه وشوية قراية مهوش نجيبوها غير في التمسخير انو مايفيدناش خلاص شكرااااااااااا على الموضوع

الهام الحياة · 2010-05-30, 12:54

انا يضهرلي بلي التلاميد راهم في عطلة ...و لازم يترفهو ... و يقراو شوية و الحمد لله في المنتدى كاين مواضيع للدراسة متل الموضوع الجديد تع الفرنسية ...الخ
اما بالنسبة للترفيه ..فهدا من حق التلاميد .. و مارناش رايحين نقراو البرنامج تع العام الجاي في العطلة .. على خاطر علما العطلة للترفيه و ليست للدراسة ... الا ادا كانت دراسة خفيفة متل اللغات
اشكرك اختي و اتنمى تتقبلي وجه نضري انتي و الاعضاء

floritta · 2010-05-30, 12:56

اقتباس:

المشاركة الأصلية كتبت بواسطة nawald

ربي يوفقك ان شاء الله اختي floritta

اجمعين اختي nawald