حادثة طريفة

اشراقة ميمي الصبح · 2010-05-25, 11:24

السلام عليكم ورحمة الله وبركاته
كيف حالكم ان شاء الله بخير
حبيت نطرح هذا الموضوع باه نضحكو شوية كل واحد يدخل يحكي على حادثة صراتلو وهو صغير نبدا انا
كي كنت صغيرة دخلت في الخزانة وقعدت نلعب بالحوايج الي فيها حتى نعست ورقدت وهما في الدار راهم يحوسوعلي و ماما تبكي و البابا يحوس هو و الجيران وانا راقدة حتى حلت ماما الخزانة تلقاني راقدة فيها
انتظر ردودكم

اسلامي سر حياتي · 2010-05-25, 11:30

ههههههههههههههه شابة الحكاية انا قصتي شوية غريبة مي دوكا ماتلاتش فيا ...............انا كي كنت صغيرة كان عندنا ولد عمي وحاط فاليزتو في الشومبرا اتاعي كان فيها شوية دراهم كنت نسهي صحاب الدار ونسرقهم ونخبيهم تحت الشجرة ونقولهم راني ندعي باه نلقا دراهم تحت الشجرة وهوما والله غي يؤمنوا فيا ..فاتت ايامات راح ولد عمي يحوس على دراهموا مالقاهم ههههههههههههههههههه الحمد الله اللي اختي كانت تخبيهم............ربي يسمحلي كنت صغيرة وماعارفاش

bilel b93 · 2010-05-25, 11:41

ههههههههه حادثة طريفة شكرا اختي على الموضوع

كانت عندي حادثة طريفة في المدرسة قالت لنا المعلمة اكتبو الاسماء التالية زعماك كيفاش نقولو لاخ الام لاخ الاب .لاخت الاب ........
كتبتلها كلش خليتها غير البلاصة تاع اخت الام سقستني المعلمة علاه قلتلها خاطرش ما عنديش خالتي فا نفجر القسم بالضحك.

اميرة الابتسامة · 2010-05-25, 11:42

واش نحكي واش نخلي...........حياتي كامل قصص..................ربي يخليك .........مشكورة على الموضوع

اميرة الابتسامة · 2010-05-25, 11:45

كانت تسرالي العفسة تاع اني نروح نقرى وننسى المحفظة..............................و كي ندخل للقسم و تقولنا الاستاذة ابداو اكتبو انا نبدى نبكي و نقولهاراهم سرقوهالي...........مسكينة هي تبدى تسكت فيا....و تحوس ..................

*أمل الجزائر* · 2010-05-25, 12:10

أنا عندي بزاف حكايات ........... واش نحكيلك

*أمل الجزائر* · 2010-05-25, 12:15

كاين واحد النهار كي كنت صغيرة ماكنت حابا نروح لليكول مالا في ذاك النهار صب لمطر كي جيت خارجة باش نروح ليكول قعدت في الأرض باش نتوسخ و نرجع لدار نبدل ونطول حتى يفوت الوقت ومانروحش
كي رجعت لدار بدلتلي ماما حوايجي بالزربة ووصلني بابا ليكول بالطونوبيل ................ ووصلت قبل صحابي هههههههههههههههههه

imad cabiste · 2010-05-25, 12:34

هههههههههه فكرتيني في العام ليفات غبت أنا و5 صحابي 15 يوم ورا بعضاهم حتى بعثولنا كونفوكاسيون لدار
أيا زهري كي جيت خارج لقيتها حذا الباب هزيتها ولقيت جارنا برا ديتو معايا باه يدخلني كي رحنا للمراقب العام مابغاش يدخلني قالو لازم باباه
أيا لعشية هذيك يا بعد عاودت رجعتلو أنا وصحابي صحابي كامل دارو سارتافيكا غير انا كي روحنالو كل واحد عطاه السارتافيكا ماقبلهاش عليهم وحاوزهم كامل أنا قتلو راني جبتلك بابا الصباح قالي ماشفيتش قتلو اشفا مليح الشيخ يخي جيناك وقتلي لعشية ارواح نعطيك بيي قالي اييييييييييه صح شفيت عليك ( شعرة قتلو علاه تكذب) وعطاني بيي وصحابي حاوزهم نتفكر اللحضة اللي قالي فيها شفيت عليك نموت بالضحك

الهام الحياة · 2010-05-25, 12:59

قتلتوني بالضحك و خاصة انت يا عماد غشيتيه حتى في الهدرة
انا عندي ياسر حكايات ....>> و تقدرو تقولو نسيتهم ...>> كيف نتفكر راني نجي نحكيلكم وعد

imad cabiste · 2010-05-25, 13:17

اقتباس:

المشاركة الأصلية كتبت بواسطة قطرة حنان

قتلتوني بالضحك و خاصة انت يا عماد غشيتيه حتى في الهدرة
انا عندي ياسر حكايات ....>> و تقدرو تقولو نسيتهم ...>> كيف نتفكر راني نجي نحكيلكم وعد

واشمن أميموار عندك واقيلا 128 غير ديري وحدة جديدة

الهام الحياة · 2010-05-25, 13:21

هههههههههههه كيف نبدلها راني نحكيلكم ...

اشراقة ميمي الصبح · 2010-05-25, 16:38

اقتباس:

المشاركة الأصلية كتبت بواسطة اسلامي سر حياتي

ههههههههههههههه شابة الحكاية انا قصتي شوية غريبة مي دوكا ماتلاتش فيا ...............انا كي كنت صغيرة كان عندنا ولد عمي وحاط فاليزتو في الشومبرا اتاعي كان فيها شوية دراهم كنت نسهي صحاب الدار ونسرقهم ونخبيهم تحت الشجرة ونقولهم راني ندعي باه نلقا دراهم تحت الشجرة وهوما والله غي يؤمنوا فيا ..فاتت ايامات راح ولد عمي يحوس على دراهموا مالقاهم ههههههههههههههههههه الحمد الله اللي اختي كانت تخبيهم............ربي يسمحلي كنت صغيرة وماعارفاش

شكراااااااااااااعلى الرد
ههههههههههههه يسمحلك ربي ماتخافيش

اشراقة ميمي الصبح · 2010-05-25, 16:39

اقتباس:

المشاركة الأصلية كتبت بواسطة bilel b93

ههههههههه حادثة طريفة شكرا اختي على الموضوع

كانت عندي حادثة طريفة في المدرسة قالت لنا المعلمة اكتبو الاسماء التالية زعماك كيفاش نقولو لاخ الام لاخ الاب .لاخت الاب ........
كتبتلها كلش خليتها غير البلاصة تاع اخت الام سقستني المعلمة علاه قلتلها خاطرش ما عنديش خالتي فا نفجر القسم بالضحك.

ههههههههههههههههههههههههههههههههه شكراهههههههههههههههههههههههههههههه

اشراقة ميمي الصبح · 2010-05-25, 16:41

اقتباس:

المشاركة الأصلية كتبت بواسطة ayir

كانت تسرالي العفسة تاع اني نروح نقرى وننسى المحفظة..............................و كي ندخل للقسم و تقولنا الاستاذة ابداو اكتبو انا نبدى نبكي و نقولهاراهم سرقوهالي...........مسكينة هي تبدى تسكت فيا....و تحوس ..................

هههههههههههههههههههههههههههه انا تصرالي بصح ننسى غير المقلمة
شكرااااااااااااااااااااا

اشراقة ميمي الصبح · 2010-05-25, 16:43

اقتباس:

المشاركة الأصلية كتبت بواسطة *أمل الجزائر*

كاين واحد النهار كي كنت صغيرة ماكنت حابا نروح لليكول مالا في ذاك النهار صب لمطر كي جيت خارجة باش نروح ليكول قعدت في الأرض باش نتوسخ و نرجع لدار نبدل ونطول حتى يفوت الوقت ومانروحش
كي رجعت لدار بدلتلي ماما حوايجي بالزربة ووصلني بابا ليكول بالطونوبيل ................ ووصلت قبل صحابي هههههههههههههههههه

هههههههههههههههههجيتي تلعبيهالهم لعبوهالك ههههههههههههههه