أولا النشر
نأخدو مثلا هذه العبارة
a*(b + c)
= a*b + a*c
هذا هو النشر معناها رانا نشرنا و عطينا كل واحد حقو
الـ a كان يسنا قدام الباب لازم يتلاقا بالـ b و الـ c
حالة أخرى مثلا
a +b) * (c + d) = a*c + a*d + b*c + b*d
معناها في الخطوة الأولى نسينا الـ b و و زعنا الـ a على الجداء
"كيما درنا في المثال الأول"
بعدها حطينا علامة + و اللي هي علامة الـ b و ضربنا من جديد في الجداء
لو كان كانت مثلا قدام الـ b علامة - النشر يقعد هو هو لكن تبعي الإشارات كيفاه راح تتغير
a - b) * (c + d) = a*c + a*d - b*c - b*d
على خاطر كي نضربو الـ b نضربوه بيه بالإشارة تاعو
كاينة حاجة مهمة في النشر
هناك بعض الجداءات اللي نسموها جداءات شهيرة
(a+b)² = a² + b² + 2ab
(a-b)² = a² + b² - 2ab
هادو تحفظيهم مليييييييييييح مليييييييح على خاطر تحتاجيهم كثيرا في النشر و يساعدوك في التبسيط
ان شاء الله يكون النشر واضح الآن
و لالالالالالالالالالالازم تطبقي تمارين و تحلي العديد منها
و راني نستنا فيك ان شاء الله باش نشوف الحلول تاعك
ثانيا التبسيط
التحليل هو عكس النشر في الحقيقة
و غالبا يعطيكم علاقة و يطلب ايجادها كجداء عاملين
(..+..)*(..+..)
اللي بين قوسين كامل يسمى عامل
و باش نحللو نشوفو مع العلاقة و واش ممكن نقدرو نديروه
نقدرو مثلا نخرجو عامل مشترك
أو نقدرو نستعملو الجداءات الشهيرة
و الجداءات الشهيرة اللي كثيرا ما نستعملها في التحليل من هذا الشكل
a²-b² = (a-b)*(a+b)
(a+b)² = (a+b) * (a+b)
(a-b)² = (a-b) * (a-b)
و بالمثاااال يتضح المقاااااال
اختاري أمثلة من الكتاب المدرسي و نحلوهم مع بعض ان شااااء الله أختي مليكة
أنتظرك
( تقرير عن مشاركة سيئة )، و الموجودة أسفل كل مشاركة .
2010-05-22, 22:35
العرض العادي
