هل يجوز أم لا

[** سدرة المنتهي **]

يا اختي لعزيزة راك تكبري فيها برك و مكان والو .........لكان علي الفليزا ايجيبوهالك و ماينعتوش لحوايج وفرات كيما يديرو معضمهم

ربي ايهنيك يا اختي وربي يعطيك الدرية الصالحة.......سهلي علي روحك ومتصعبيهاش

[منى84]

شكرا اخت تسنيم عندك حق احكلي أنتم في عنابة كيفاه ديروا خاطر أنا أهل زوجي من قالمة و انا من قسنطينة و هذه العادات تاع يوروا الفاليزة و الفضح منحبوش أفهموني انا منيش احندخل في معركة بصح نخاف على روحي فهمتوا درك علاه لأنوا علاه هم محبوش يمدوا قندورة أخت زوجي ؟؟؟ لذلك قلت أخ الحيطه و الحذر خير و ناس زمان قالوا الي خاف نجى .
وردوا بحل ليس بنقدي .

[منى84]

المشاركة الأصلية كتبت بواسطة بنت سكيكدة

و انا نقول علاش البنات يطلقوا قبل و بعد الدخول

علاه يا أختي تفايليلي بالطلاق عيب عليك

[بنت سكيكدة]

المشاركة الأصلية كتبت بواسطة منى84

علاه يا أختي تفايليلي بالطلاق عيب عليك

ما نيش نفايل عليك رانا نطلب منك تستعقلي هذا ما كان

اغلب الزيجات تفشل بسبب التفاهات و العتاد و المكابرة فحافظي على زوجك و اهله هم اهلك اخيتي و الله يتمم لك على خير

بالنسبة لزوجك انت عين و عائلتو عين....و لو كان اخاك اترضين ان يحدث معه ما يحدث مع زوجك؟؟؟

[الحنين إلى الماضي]

يا اختي هم اهل زوجكي يعني اهلك في المستقبل حتى ولو جابو الخاتم وأختارولك ملابس داخلية كهدية في الفاليزا تقبليها وخليهم يجيبولك الفاليزا هذه عاداتنا ..فلماذا تعاندي وتعترضي وإذا لم ترتاحي لإختيارهم فلا تلبسيها وروحي بدليها من بعد ...
يا أختي زيني نيتك علاش راكي خايفة منهم لو كان ماهمش حابينك تكوني كنتهم وبنتهم ما يجوش أصلا يخطبوك لإبنهم ...ما تكبريش المسألة وسايسي خطيبك وطيعيه وخليه يفرح ما تزعفيهش في اجمل ايام حياتو ما تخليهش يحس بلي أخطأفي إختيارو ...ساليني أنا الراجل مهما حب الوحدة لكن بكثرة عنادها وكلامها ستخسره فاحذري من هذا ...إستمتعي بأيامك الحلوة هذه فهي من أجمل الايام في حياتك ...اسأل الله لكي ان يصلح حالكي ويسعدكي مع زوجكي ويتمم لكما على خير ...

[منى84]

نشكركم على نصائحكم ولقد لقتنعت بكلامكم ولكن ولا واحد فهمني و الا واحد فهم لا انا حابة ندير هكذا أرجعوا لمواضيعي قبل الرد و راني خممت مليح وراني ندير بنصائحكم
و فيما يخص .و لو كان اخاك اترضين ان يحدث معه ما يحدث مع زوجك؟؟؟ موحال أحن نديروا لكنتنا واش دارولي قبل ما يخطبوا أرجعوا لمواضيعي تعرفوا واش صرالي الحمد لله تخطبت و درك راني عاقده و قريب عرسي و لعقوبه لكل عازبه و عازب .

[عُضو مُحترم]

مع ان الفرق بين
تقاليد قسنطينة و قالمة
شبه معدوم

[منى84]

بدلت رايي وندير واش قلتوابصح واحد ما فهمني واحد ما قرى مواضيعي و تفهموا القصة و اله انا حابة ندير هكذا أفهموني درك تفهموا ومكانش وحده ناس ملاح مع الناس قدي أني نهدر و مبعد نبدل رايي شكرا كي شاركتوني مشكلتي الصغيرة و حابة برك تقراو مواضيعي و تفهموني علاه

[sabrina el-chark]

سلام اخت منى84
انا و الله غير فاهماتك مليح و الله العظيم لو تشوفي انا واش دارولي غير تبقي حايرة....لكن راني صابرة و موكلة عليهم ربي ....
انا كي خطبوني مهبوش يهنو علي يعني يديرو العطية معناها حفل الخطوبة و قالولي منجيبوش خاتم لي جبناه النهار لول يكفي ....و يحرشو في خطيبي و قالولو حتى الكبش تاع العقد مكاش....و الكسوة تاني......حبسولي راسي ....راني معاه غير بالعقل و نفهم فيه.....و موكلة ربي ...و مانيش حابة نفسد على روحي على جال فاليزة تاع قش هوما هادي فهامتهم و الغيرة هي لي دارت هكدا......سامحيني طولت عليك و دخلت في موضوع الاخر.....لكن ...استخدمي عقلك و كوني ادكى منهم و متفسديش على روحك و تعطيهم فرصة يستشفو فيك.....و ربي يفرج علينا كامل

[samasima]

ربي يهدي ما خلق واش هذا اللي نسمع خوفتوني وقيل ماكان لاه نتزوج

[نينا الجزائرية]

هذي امور تافهة حوايج محوايج وانتي وعلاش يعجبك فستان لوستك
شوفي حاجة لازم تكبري عقلك ختي
مش ي حاجة تافهة كيما هذي تخسري دارك قبل ما تتزوجي
واش فيها اصبري امهاتنا مصبروش وراهم نالو
علابيها بنات ضوكة يطلقو بلخف
شوفي مدام الزوج مليح
الام عمرها متحاول تخسر حيات وليدها
لازم تعامليها بطيبة مشي بخشانة الراس وتتكبري اعتبريها امك ساعفيها

[نينا الجزائرية]

المشاركة الأصلية كتبت بواسطة منى84

شكرا اخت تسنيم عندك حق احكلي أنتم في عنابة كيفاه ديروا خاطر أنا أهل زوجي من قالمة و انا من قسنطينة و هذه العادات تاع يوروا الفاليزة و الفضح منحبوش أفهموني انا منيش احندخل في معركة بصح نخاف على روحي فهمتوا درك علاه لأنوا علاه هم محبوش يمدوا قندورة أخت زوجي ؟؟؟ لذلك قلت أخ الحيطه و الحذر خير و ناس زمان قالوا الي خاف نجى .
وردوا بحل ليس بنقدي .

ههههههههههه
ضحكتيني تشوفي غير لحاجات تافهمة
ياحي عيا يحي علي بنات ضوك

[صُبح الأندلس]

حكايتك حكاية يا أختي ، لقد قرأت مواضيعك و بالأحرى مشاكلك و عرفت أنك تعانين رفض و تدخلات أهل الزوج قبل الخطبة و بعدها و إلى اليوم ، كان الله في عونك ، اصبري فقط و حافظي على زوجك

[منى84]

المشاركة الأصلية كتبت بواسطة اعتماد13

حكايتك حكاية يا أختي ، لقد قرأت مواضيعك و بالأحرى مشاكلك و عرفت أنك تعانين رفض و تدخلات أهل الزوج قبل الخطبة و بعدها و إلى اليوم ، كان الله في عونك ، اصبري فقط و حافظي على زوجك

نشكرك كثيرا أنك قرأت مواضيعي و فهمتيني و الي محبش يفهمني معليش انا غير حبيت نفرغ واش كاين في قلبي و مشكورة مرة اخرى

[منى84]

المشاركة الأصلية كتبت بواسطة نينا الجزائرية

ههههههههههه
ضحكتيني تشوفي غير لحاجات تافهمة
ياحي عيا يحي علي بنات ضوك

أرى بأن معضم مواضيعك دينية و لكنك بهذا الرد عكس كل شيئ ، كيف تستهزئين بي و عن موضوعي و الله تأسفت منك كان منك تقديم نصح وقبل هذا تقراي مواضيعي لكي تفهمي مشكلتي من الأول هذا اذا حبيتي أنا و أعوذ من كلمة أنا متخرجة من الجامعة ولا داعي الاستهزاء بي فمن الممكن يسرالك واش سرالي حينئذ تعرفي و تحسي واش صرالي ، أنا حبيت ندي رايكم فقط ، أما فيما يخص فستان لوستي عجبني و معنيش منين نجيب المودال طلبتوا عادي لأنوا رانا نسايب .