الإدماج المهني

[bglassad]

هل من جديد في الإدماج المهني المعمول به حاليا وهل حقيقة تم إدماج بعض خرجي الجامعات
أعطوني حل لأني أريد الخروج من هذا الذل وإتخاذ إجراءات أخرى في درب الكفاح

[anise20]

بيرومنداف فيها الكلاب بزاف و الخيان

[guizmo2005]

يا خويا أنا خدمة 1 عام في اتصالات الجزائر وجابوني برة ما تعولش على بيرو مندافر

[ramoo79]

قالي شهرين على الكونترا ولا خبر بصح نخدم باربو عليهم أنا سمعت بلي تاع الكازوراك دمجوهم

[tayeb chaatane]

السلام عليكم خاوتي انا راني مستفيد من جهاز الادماج لحاملي الشهادات خدمت عام في المحكمة والعام الزاوج راني في المستشفى
ياخاوتي باش تعرفوا ان هذا النظام راه ماكانش منو يلهو فينا على صوالح بزاف
كيفاش يقدرو يخلقوا جهاز كبير بلا مايقدروا يوفروا مناصب شغل باختصار حنا الشباب رانا بين الحجرة والرزام
عندي طلب الله يخليكم شكون الي عندو القانون نتاع الادماج المهني لحاملي الشهادات حقوقنا راها ضايعة واحنا رانا باقيين نتفرجوا

[debilou]

السلام عليكم انا جربت العقود و الادماج وماكاين والو لاترسيم لا ادماج

[hakou_40]

ربي يعطيهم مو صيبة

[المستكفي بالله]

122112222222

[MANOU1]

عندى سؤال ارجو ان اجد عندكم الاجابة
شهال يخلصو اللى عندهم باك + تاع البيروموندافر

[farabi98]

والله لقد وجدنا غير الحقرة في بلدنا ....لكن ما نريد قوله هنا لماذا لا نكون نقابة خاصة بنا تدافع عن حقوق الخرجين من الجامعة أم ان مستقبلنا يبقى محصور على أصحاب النفوذ فقط أم اننا ضيعنا عمرنا هكذا لنجد انفسنا نتسول عند أبواب وكالات التشغيل هيا يا خوتي نوظوا إلى متى سنبقى نعاني من هذا الجمود...

أو أن هذا الحديث لا يعنيكم ...

[kaother]

المشاركة الأصلية كتبت بواسطة farabi98

والله لقد وجدنا غير الحقرة في بلدنا ....لكن ما نريد قوله هنا لماذا لا نكون نقابة خاصة بنا تدافع عن حقوق الخرجين من الجامعة أم ان مستقبلنا يبقى محصور على أصحاب النفوذ فقط أم اننا ضيعنا عمرنا هكذا لنجد انفسنا نتسول عند أبواب وكالات التشغيل هيا يا خوتي نوظوا إلى متى سنبقى نعاني من هذا الجمود...

أو أن هذا الحديث لا يعنيكم ...

اخي عندك الحق الحل هو تكوين نقابة خاصة بالجامعين تدافع علي حقوقنا

[kasimod]

مادام ان هناك أطر قانونية فحتما يجب علينا أن نتضافر لإستغلالها