السكن مع الحماة

[منى]

المشاركة الأصلية كتبت بواسطة الفايق

شني شني تسكن وحدهااا نكسرلها ظلوعها تسكن معانا كيما بياتنا بكري ولي تحووس على الدار وحدها ساااهل نشرط فيها توليلي كيما جينفر لووووباز و شااارون ستون ولا منعرف ها ي وه كيما هاك نسكنها في قصر مش حتا لوجما في الحدائق

بناتنا راهم مسلمات ما تقارنهمش بكافرات فاجرات

[الفايق]

يا ودي واش نقلك يا مي ما الوقت صعب وما فمنالوووووووووووووووووووووووش

[منى]

المشاركة الأصلية كتبت بواسطة الفايق

شني شني تسكن وحدهااا نكسرلها ظلوعها تسكن معانا كيما بياتنا بكري ولي تحووس على الدار وحدها ساااهل نشرط فيها توليلي كيما جينفر لووووباز و شااارون ستون ولا منعرف ها ي وه كيما هاك نسكنها في قصر مش حتا لوجما في الحدائق

مع احترامي للجميع.. لكن بكري ثاني كانو العزيجات عبيدات جنة و شادين افامهم و الكنة تكون كي بنيتهم.. أما حاليا الله يستر....
أما الموضوع من ناحية المبدأ أولا عيب الوحدة تشرط دار وحدها و العيب الأكبر أنها تشاحن عزوجتها و لا ادير معاها المشاكل،، مهما يكون تبقى الكنة هي الصغيرة و العزوج هي الكبيرة و الواجب احترام الكبير.. و ربي يسهل
أما فكرة تكسرلها ضلوعها ق أهدا عليك فك روحك ضرك و ما تزيدش......

[الفايق]

ها راكم دورو في رايكم كي الحربا ومرا وتمحو ها فهمو رواحكم ومتمحوش المشااركااات

[اليتيمة العصماء]

انا نسكن معاها ان شاء الله باش ندي شوية دعوة الخير و تونسني و نونسها . هكداك كي نكبر تجي كنتي كيفي هههههههه

[شهيد غزة]

لا لا يا اخي لا تقارن الحماة ابدا بامك فهذا خطا الام ما احلاها

[منى]

المشاركة الأصلية كتبت بواسطة شهيد غزة

لا لا يا اخي لا تقارن الحماة ابدا بامك فهذا خطا الام ما احلاها

علاش الحماة ماهيش أم؟؟؟؟؟؟؟

[جولنار1000]

علاش الحماة ماهيش أم؟؟؟؟؟؟؟ايعقل هذا اختي الرسول عليه الصلاة والسلام ذكر امك 3 مرات ثم ابوك وهذا الاب كيفاه حماتك
والله امي حبيبتي واحد مايجي في مكانها مستحيل لايوجد ابدا وجه شبه الا من باب الاحترام والتقديرحقيقة هي حماتي ونقوم بجميع واجباتي معاها ونحاول قدر المستطاع اني مانغلطش فيها ونعاون زوجي مهما غلطت فيا باش يكون بار بيها وهذه معاملة انسانية مع اي واحد من باب الاخلاق الحميدة ومرضاة للرب سبحانه لكن في بلاصة امي مستحيل وعلاه هي تعبت عليا كيما امي ااكون عادلة اذا ساويت بين امي وامراة اخرى الا اذا لقيتها تعاملني كيما امي وهذي صراحة اشك بها تبالي ماكانش انسان في الكون يحبلك وش تحبلك امك وهل حقيقة في وقتنا هذا الحماة تعامل الكنة كيما بناتها؟؟؟؟؟؟؟ والله ماشفتها الا نادرا باش نكونو اكثر صراحة ومنطقية الكنة ماهي كي البنت والحماة ماهي كي الام والله شفت حالات كثيرة ربما نقولك 100 او اكثر في عائلتنا وعائلات اخرى والله ماشفت حماة تعامل لعروسة كيما بناتها ممكن صح كاينة حالة او 2 متفاهمين وكاين قدر بينهم لكن لاحظي مجرد خلاف بسيط مع احدى بناتها حتى لو كانت مخطئة في حقك علنا توقف مع بنتها وهنا تكون الاجابة عن سؤالك حبيبتي
اما رايي فيما يخص السكن مع الحماة والله من الاحسن انو كل واحد يسكن وحدو تفاديا للمشاكل والخلافات ودايما يبقى القدر بينهم عكس السكن مع بعضهم الا في حالات استثنائية مثلا الزوج هو الوحيد او توجد ظروف اخرى تحتم يكونوا مع بعض ممكن

[salah60]

خبرة زوجتي 15 سنة مع الحماة(زوجة الاب)
1..اليوم الاول او الثاني من زواجي قامت زوجتي بمسح اذنيها بالقطن الخاص فكانالرد من التي تسمونها الحماة و هل كنت تستعملينه في بيتكم?
2..اشتريت لها حجاب فكان الرد عنيفا جدا من والدي لم اعرف السبب
3..مشهد لا انساه ابدا .في يوم من الايام عادت زوجتي من بيت اهلها التي تزوره الا بشق الانفس 6 شهور او 8قامت زوجتي بتحضير القهوة فما كان من زوجة الاب (الحماة) ان صبت الماء .....الشك...
4..تذكرت انها كانت في الاسبوع الاول من زواجي ان تطرق الباب ..الغيرة من شهر العسل....
و للموضوع بقية مع زواج الاخوة من الاب فانتضروا
البيت المستقل

[منى]

المشاركة الأصلية كتبت بواسطة جولنار1000

وعلاه هي تعبت عليا كيما امي

بصح هي تعبت على وليدها رباتو و كبراتو و عطاتولك واجد... في عايلتي مكانش فرق بين الأم و الحماة تربينا هاك و كااااامل بناتنا متهليين في عزيجاتهم و الحمد لله...
دايمن البنات عكسي في الرأي و أغلب الرجال معايا:conf used:

[الحنين إلى الماضي]

أم الزوج انا نحسها نورمال تسكن معايا لكن المشكل في السلافات يعني زوجات اخوة الرجل ...إلى متى الوحدة تبقى تعيش معاهم متى تنعم بحريتها وحياتها .

[sheherazed]

انا دايما مع فكرة البيت المستقل ليس لاني اكره العيش مع ام زوجي ولكن لاني لا أحب المشاكل
أما عن معاملتي لام زوجي فسأعتبرها مثل أمي وأسعى جاهدة لنيل رضاها لانني بذلك سأضرب عصفورين بحجر واحد:رضا الام ورضا زوجي طبعا

[الحمامة البيضاء]

والله ماشفت حماة تعامل لعروسة كيما بناتها ممكن صح كاينة حالة او 2 متفاهمين وكاين قدر بينهم لكن لاحظي مجرد خلاف بسيط مع احدى بناتها حتى لو كانت مخطئة في حقك علنا توقف مع بنتها وهنا تكون الاجابة عن سؤالك حبيبتي

والله يا أختي أنا أمي عكس ما قلته ، صدقيني لي ثلاثة إخوة و كلهم متزوجين ، و منذ دخول زوجاتهم الثلاثة و أمي تفضلهم علينا و تدافع صدقيني يا أختي أكثر من مرة يكون سوء تفاهم بيننا و أحيانا هن الخاطئات و لكن أمي دائما تدافع عليهن و تلومنا نحن ، أما فيما يخص التعادل كذلك فهي تفكر و تقلق عليهن أكثر منا ، إلى درجة أنها في يوم من الأيام غضبت منا و لم تكلمنا أكثر من أسبوع بسببهن... و .... و .... الكثير من الأشياء الأخرى و كل هذا كل واحدة منهن مستقلة ببيتها فمابالك لو كنا نسكن في بيت واحد...

أما رأيي في الموضوع أنا أفضل ان أكون لوحدي مع زوجي على أن أسكن مع عائلته ، و لكن إذا أراد أن نسكن معهم أو لم يرد العيش لوحده فلست ضد الفكرة ، سأعيش معهم و أفعل كل ما بوسعي لإرضاء أم زوجي و كل العائلة لأنني سأكسبه و أكسب رضاه...

[kaother]

المشاركة الأصلية كتبت بواسطة الحمامة البيضاء

والله يا أختي أنا أمي عكس ما قلته ، صدقيني لي ثلاثة إخوة و كلهم متزوجين ، و منذ دخول زوجاتهم الثلاثة و أمي تفضلهم علينا و تدافع صدقيني يا أختي أكثر من مرة يكون سوء تفاهم بيننا و أحيانا هن الخاطئات و لكن أمي دائما تدافع عليهن و تلومنا نحن ، أما فيما يخص التعادل كذلك فهي تفكر و تقلق عليهن أكثر منا ، إلى درجة أنها في يوم من الأيام غضبت منا و لم تكلمنا أكثر من أسبوع بسببهن... و .... و .... الكثير من الأشياء الأخرى و كل هذا كل واحدة منهن مستقلة ببيتها فمابالك لو كنا نسكن في بيت واحد...

ياليت كل الحموات مثل امك ياختي
انا عن تجربتي
زوجي مسافر لفرنسا. و تركني مقيمة مع اهله وهذا منذ بداية حياتي الزوجية حاولت ارضاء حماتي لعلمي بمكانتها في حياة زوجي وكنت افضلها على امي في كثير من الاحيان لكني وجدت نفسي اخسر حياتي و حريتي و كرامتي لارضائها و كانني تزوجت لتتحكم هي بمصيري و حياتي حماتي امراة متسلطة و قادرة على شقاها

[امينة ع]

المشاركة الأصلية كتبت بواسطة sheherazed

مع احترامي لارائكم لكن انا لا ارى اي ضرورة في سكن الزوجة مع حماتها لانو من حقها ان تعيش في بيت منفرد هي وزوجها والاستمتاع بنوع من الحرية.
وكيما يقول المثل:البعد يجيب السلام والقرب يجيب الكلام.
وفيما يخص مكانة الحماة فتبقى هي هي سواء سكنت معها ام لا،لانو اذا سكنت العروسة مع حماتها هدا لايعني انها تحبها والعكس صحيح كا ان السكن المنفرد للعروسة يساعد في تجنب المشاكل اللي تقدر تكون سببا للانفصال بين الزوجين والعياذ بالله.
انا هذا رايي وشكرا على الموضوع الرائع

انا معاك اختي البيت المنفرد في الاول افضل بكثير خير مايكون العيب بين الزوجة والعجوز ومن بعد يتفارقو من النهار الاول يكون القدر علاه نوصلو للعيب
وانا مع المثل لي قالتو الاخت
مهما كنت مليحة مع العجوز لايعجبها العجب ولا الصيام في رجب للانها ديما تظن انك اخذتي ولدها وعدتي انت في بلاصتها ملا نسكن وحدي ويدللني راجلي بعيد عن الاعين وكي يروح عند يمها يحللها هكا لا الزوجة تغير ولا العجوز تغير
انا راني نعاني مع عجوزتي كيما درتلها معجبها المهم تنكد علينا وتكرهلنا في حياتنا
للانها ماشي هي لي خترتني ولدها لي خطارني الله غالب دعولي يفرج عليا ربي للان زواجي على المحكالموضوع اثارني لنو يمسني . اسفة على الاطالة