منحة للجامعيين البطالين

[وداد]

بسم الله الرحمن الرحيم
السلام عليكم ورحمة الله وبركاته
سمعت مؤخرا عن منحة مالية تقدم للشباب الجامعي البطال فكيف يتم ذلك وهل يجب على الفرد ان يقوم بالتسجيل في مكان معين؟

[aaamina]

السلام عليكم
واه كاين تسجيل في مكان معين و فيها ملف اسالي عنه و هو عوض عقود ما قبل التشغيل لاننا الان اصبحنا تابعين لوزارة التضامن الاجتماعي
هادي الي سمعتها و العلم عند ربي

[salah74]

هذه مشكلة كل يوم أرى الطوابير الكبيرة على شبابيك الحالة المدنية
سوى لاستخراج الوثائق الازمة لتكوين ملف الذي تقولي عنه
مع ان بعد فضولي على الاعلان لم اجد أي جهة قامت بالمصادقة عليه
المهم أن الجميع يحضر ملف
واذا سالته يقول لك ما تقولي
أن شاء الله تكون صح , وماتكونش ....
تحياتي بالتوفيق

[وداد]

انا حابة نعرف الفكرة هل هي منحة أم لازم يكون هناك عمل؟؟؟؟

[tarek100]

مازال ما هو بايمن والو
tareek

[tibas]

هاذي ماهيش للجامعيين برك
هاذي للقاعدين قاع قاري ولا والو

بصح الصح يبان من باعد الإنتخابات

[aaamina]

شوفي وداد حساب ما سمعت قولوا بلي كاينة منحة حساب الشهادة الي عندك يعني القيمة تختلف بين واحد مهندس و واحد حامل شهادة ليسانس و هاكا و قالوا فان انها تكون مدة الى يجدوا لكي عمل بشرط توافقي عليه مهما كان مكانه حتى و لو قالولك روحي قندهار
و الله اعلم.

[شريط 1975]

حملة انتخابية من اجل العهد الثالثة

[hamza_dh]

لخاوة يتسما حابين يرجعونا كيما ليزوروبين نخلصو شوماج
ما كاين منها ما والو هدا شي كامل على جال تروازيام موندا تاع سي بوتفليقة
و زيد قالك كي تكون كاينة خدمة يعطولك و شهرية يجيب ربي 200 الف وعلاش نطلب فيهم
تعبها غير تاع دوسي كتر منها
و ربي يجيب لخير

[وداد]

لم أجد الإجابة التي أبحث عنها هل هي منصب عمل أم منحة بطالة ومتى يبداو يقبضوا سمعت أهم في ولاية سكيكدة بداو يقبضوا فيها والله أعلم

[hamza_dh]

وداد شهريتك خالصة عليا و غير سيبالابين تعبي روحك و ديري دوسي

[وداد]

ربي يعيشك وشكرا لكن أنا حابة نعرف مناه سمعنا بزاف هدرة

[محمد الرازي]

السلام عليكم ورحمةالله تعالى وبركاته..
بالنسبة لخبر المنحة فإنه صحيح، وتسمى هذه المنحة بـ : منحة إدماج الشباب، هذه المنحة مخصصة للشباب الجامعيين أو التقنيين الساميين الذين تتراوح أعمارهم مابين 19 و35 سنة، وتمنحهم بطاقة لاقتحام الحياة العملية، ومن خلالها يمكنهم الحصول على:
- خبرة مهنية .
- منحة تقدر بـ 8000 دج للجامعيين، و 6000 دج للتقنيين الساميين.
ومن أجل التسجيل في هذه المنحة يجب التوجه إلى مديرية النشاط الاجتماعي الكائنة بالولاية (مثلا : المديرية تقع في حي بربيح - ولاية الجلفة - الهاتف: 027.87.50.61)
الملف:
- شهادة ميلاد.
- 02 صور شمسية.
- بطاقة إقامة.
- نسخة طبق الأصل ومصادق عليها من الشهادة المتحصل عليها.
- نسخة طبق الأصل ومصادق عليها من بطاقة التعريف الوطنية.
- بطاقة عائلية (للمتزوجين) أوبطاقة فردية (للعزاب).
-بطاقة التسجيل تسلم من المديرية وتملأ.
- صك مشطوب.
أرجو التوفيق للجميع، والسلام عليكم.

[fares-milev]

صايي راني سوفيت درك بهادي المنحة نتزوج وندير دار و طومابيل-------------هادي هي جزائر العزة و الكرامة