ضحية المجهر لهذا الاسبوع أخونا*كمال الاسلام*

[كمال الاسلام]

المشاركة الأصلية كتبت بواسطة ترانيم

نسيت نجيبلك العشا......
تفضـــل ...

وقت لفطور الان ومانيش في الدار ههههههههههههههه


ومنحبش الماكلة تاع برة


شكرا اختي وفاء على هذا العشاء راح نفطر بيه

[كمال الاسلام]

المشاركة الأصلية كتبت بواسطة ع،ـبد اللـّطيف ₪ الجَــزائِــرے

ما عجباتاكش الأسئلة

جوبتك خويا

وحملتلك حتى الصورة لموصفات جهازي


واش بيكم اليوم زعفانين عليا

اختي لبنى زعفانة وانت والله ما فهمت


اسمحولي وقيل كنت ضيف ثقيل الظل عليكم


سلام

[ل..ب..ن..ى]

ياك خويا كمال انا نعزك
كما لو كنت اخا لي

هاديك العفسة اللي درتهالي غاضتني
وراني محيت بعض ردودي
خاطر ماحبيتش نشوهلك السمعة تاعك قدام الاعضاء اللي يحبوك

انا فيا حاجة ماشي مليحة
الحاجة اللي تقيسني نقولها

وماتجينيش راني نطيح بروحي منين نقولها

كنت نعزك
وتمنيت لو قلتلي اسمحيلي قبل ما نهدر ونقولك واش في قلبي

بصح الله غالب

المهم ربي يعاونك في حياتك الشخصية
وادا بيك هم ان شاء الله يروح عليك

كنت نعزك

اعدرني ولكن............
الحاجة هاديا ماتخلينيش نرجع نورمال معاك



سلااااااااااااام

[وشَـ،ـآحْ الـصـِـبـآا]

بدلت إسمك
وانا آخر من يعلمـ

جيت هنا ضيف وأنا آخر من يعلم آيا إسمحولي نروح ننتحر
بالاك نكون أول وحده في هذا المجال ههههههههههههه



أسئلتــــ،ـي جات قطـة لعندكم للدار واش تسميهــا؟؟ كلبــهـ؟؟


كيفاه حتى بدلت إسمك؟؟

واش جابولك باش يرحبو بيك هنا؟خليتلي شوية شيكولا ولا نسيتني
خلاص؟؟

[وشَـ،ـآحْ الـصـِـبـآا]

هذا مني ليك تقييم للموضوع ..هدية ولو أنها متأخرة ...بالنجوم خير باهي هههههه

[/زهرة عصفور الجنة/]

السلام عليكم كيف حال ضيفنا الكريم

[وشَـ،ـآحْ الـصـِـبـآا]

ولنا عودة..الظاهر كنتو تتفرجو فالماتش بين زامبيا وتونس ؛ شكون شجعت؟؟
ومع مصر شكون شجعت مصر ونيجيريا قول الحق

[حمـ 0418 ــزة]

السلام عليكم ورحمة الله وبركاته
واش راك يا كمــــــــال

ما تقلقلق ما والو

انا ثاني كيفك وصل الوقت الي كرهت لبلاد صح

ربي يجيب الخير
ويوفقنا اجمعين
سلام

سلام

[ل..ب..ن..ى]

اسمحلي كمال
والله غير كنت جايا ضركا نقولك

راك شاركت في كاميرا كاشي

ياك الكاميرا كاشي ماشي غير برا

حتى في المنتديات


عيش تشوف

اسمحلي

راني حشمانة منك ضركا


اسمحلي


سلااااااااام
والله مانعاودها!!!!

سلاااااااااااام

[إبتسامة أبي]

سلااااااااااااامـــ
راني جيت يا سي كمال شميت ريحتي بديت تلقا في سبايب وحصلتها في لبنى حبيبتي غير ارجع باش نسألك أزرب غاول غصب أكتيفي بكل اللهجات
لي عودة

[/زهرة عصفور الجنة/]

ضيفنا مشغوول مع الدراسة ننتظر عودته

[سلاف26]

وصلت متأخرة منور الموضوع أخي كمال و على حساب ما شفت راهم قامو بالواجب معاك شكرا لإستضافتكم الأخ المميز كمال ما عندي ما نقول فيه
مزيد من التألق و النجاح أخي كمال

[كمال الاسلام]

المشاركة الأصلية كتبت بواسطة بنت سكيكدة

السلام عليكم

وعليكم السلام

كم سؤال ع الخفيف

1_ ماذا تعني لك

الأسرة-
سكينة / عطف /راحة
كلمات اقل من توصف العائلة فها اعظم بكثير

المنتدى
اسرتي الثانية وجزء من حياتي

-الجزائر
بلادي رغم كل شئ

-فلسطين
الاخت المجروحة

-الرجل-

ليس كل ذكر رجل بل الرجولة للاناث والذكور

المرأه-
نصف المجتمع

الوفاء
اعظم معاني الحب الصادق

- الوداع-
صعب للغاية صعوبة هذه الحياة

الخيانة-
جريمة قتل لا يعاقب عليها القانون

الليل-

سكينة

الدموع

اعظم القطرات
-الصديق

من تجده بجنبك عندما تكون محتاج اليه

2ـ أهم خبر سمعته؟

الكثير لا اتذكر اهما الان

3ـ عجلة الزمن بين يديك
حركها حسب رغبتك اما إلى الأمام أو إلى الخلف
أين ستقف بنا وماذا ستخبرنا عن هذه الفترة الزمنية ؟؟؟

الى الامام ب3او 4 سنوات اكون قد عملت بعض السنوات واكون قادر على الزواج

4-أكمل ما يلي:

1 ـ أنا نادم على اني لم اتحصل على الباكلوريا
2 ـ اشعر بالراحة لأني اصلي في الوقت
3 ـ سأكون سعيد لو وجدت عملا

4 ـ أحس إني اكتفيت من البقاء بدون عمل

5 ـ لو خيرت لاخترت الشارقة

6 ـ لو كنت املك مالا كثيرا لتزوجت في الحين

7 ـ أتمنى أن تعود البسمة لاطفال غزة
8 ـ الذي يشغل بالي الآن هو الاجابة على هذه الاسألة قبل ان يقع شئ وتذهب سدا كما سبق وان ذهبت من قبل

توجد إشارة محظور في حياتك؟

الكثير من المحظورات

5-وأنت على شاطيء البحر وجدت 3 صدفات عند فتح كل واحدة تتحقق لك أمنيه
ماهي يا ترى الأماني التي ستتمناها؟

ان تتحرر القدس وانا اكون احد الجنود الذين ساهم في ذلك

ان التقي بالاخوة الذي تعرفت بيهم في هذا المنتدى في الدنيا والاخرة

ان يوفقنى الله لكل خير

6-اكتب برقيات عاجله وأرسلها لمن تريد في المنتدى ؟

بطاقات ملونه( شكر للامير- تهنئة- لترانيم تميز لهذا الموضوع - عتاب للبنى هههههههه- دعوه للتسامح لكل متخاصمين .. أرسلها لمن تشاء)

7_اذا غرق المنتدى (بعيد الشر طبعا) وحصلت على زورق لا يتسع الا الي ثلاثاشخاص من تنقذ من المنتدى ؟

انا و الامير واحد يختاره هو يراه قادر على ان يساعد في اعادت جمعنا في سفينة اخرى

8-ما هو رأيك بشباب وبنات الجيل الحالي ؟

يوجد ويوجد

لكن الاغلبية تعتقد بأن الدين هو الصلاة والصوم لكن الدين اعظم من ذلك واوسع

والاغلبية مهتمة بكرة القدم وبأمور تافهة اخرى

9-ما رأيك بعام 2009؟

مر بسرعة
10-ماذا تتمنى في عام 2010؟

ان يسود السلام وان يسترجع المسلمين كرمتهم

11-ما رايك بمقابلة مصر- نيجيريا؟

لم اشاهدها

وهنيئا لمصر بالفوز

ارشحها لنيل اللقب

12-ما رأيك بأسئلتي؟

جميلة ورائعة
واعتذر عن الاختصار

لاني اجبت بالتفصيل وذهب في مهب الريح

و بارك الله فيك

وفيك بركة اختي

[كمال الاسلام]

المشاركة الأصلية كتبت بواسطة ل..ب..ن..ى

كمال انا صريحة بزاف

مانكدبش عليك

راك قتلي هدرة ماعجبتنيش عليها
حبست الاسئلة

وندمت اللي سقسيتك اصلا

تمنيت لو انك طلبت مني ولو سماع اعتباري

ولو كلمت اسمحيلي اختي
حتى لوكان ماتخرجش من قلبك حبيت نسمعها

بصح ضركا غاضتني

ربي يسهللك

وسمحلي ادا غلطت انا في حقك



سلااااااااااام

المشاركة الأصلية كتبت بواسطة ل..ب..ن..ى

ياك خويا كمال انا نعزك
كما لو كنت اخا لي

هاديك العفسة اللي درتهالي غاضتني
وراني محيت بعض ردودي
خاطر ماحبيتش نشوهلك السمعة تاعك قدام الاعضاء اللي يحبوك

انا فيا حاجة ماشي مليحة
الحاجة اللي تقيسني نقولها

وماتجينيش راني نطيح بروحي منين نقولها

كنت نعزك
وتمنيت لو قلتلي اسمحيلي قبل ما نهدر ونقولك واش في قلبي

بصح الله غالب

المهم ربي يعاونك في حياتك الشخصية
وادا بيك هم ان شاء الله يروح عليك

كنت نعزك

اعدرني ولكن............
الحاجة هاديا ماتخلينيش نرجع نورمال معاك



سلااااااااااااام

ربي يسامحك اختي لبنى


بصح كي قريت واش كتبتي

صدقني سالتلي الدمعة


راكي بكتني ونجحت في كاميرا كاشي تاعك



نتي شكون يقدرلك من غير لخلقك


ربي يسامحك

[melissa73]

ماهي مهنتك وكم عدد اخواتك