هل تعتبر اللغة الفرنسية عائقا في كلية الطب؟؟؟

[الفقيرة إلى ربها]

بارك الله فيك أخيّة...

[dr_many]

المشاركة الأصلية كتبت بواسطة الفقيرة إلى ربّها

علابالك خوي فكرتني ب..sphenoide ..ethmoide....maxillaire.....صح كنت نحبهم...
تاع الطب كنت نسمعهم يقولو بزاف .clavicule...rotule....انتم ماشي كيما احنا حنا قرينا الراس و انتوما membre sup et inf

بصح قريناهم في السنة التانية هبلونا مع zygomatique et mandibilum
قتلك متفرنا فينا غير حنا هههههه
سلام

[justine]

بسم الله الرحمان الرحيم
السلام عليك أختي الفقيرة الى ربك أنا أشكرك على مواضيعك الممتازة والتي نحتاجها نحن الطلبة الجدد فأنت ريحتيني كثيرا واريد أن أسالك هل يمكن أن أدرس الطب مع الهندسة فأنا مسجلة في الهندسة المعمارية في السنة الماضية فما رأيك أختي الفاضلة و أريد أن أقول لك لا تنسجبي من المنتدى لان المنتدى منور بوجودك ومواضيعك فسدد الله خطاك لما هو فيه الخير وبارك الله فيك

[الاحجية]

والله العظيم وكانكم دخلتوا قلبي ... لان الشيء الوحيد الي راح شاغل بالي انوا مانتمكنش من اللغة الفرنسية لاني بكل ما للكلمة من معنى مقفولة فيها حتى اني تحصلت على علامة 5/20 فالبكالورية ..والحقيقة راني حابة نقراها او نتعلمها من قلبي وانا راني نبحث على اماكن لتدريس هذه اللغة .. فباتتت هذه المشكلة هاجسا لي .. فانا هربت من الطب او ماحطيتوش في اختيارتي مع انو معدلي يدخلني ليها وانا انحب كل ما يتعلق بالطب بصح كي نتفكر الفرنسية نتعقد فاتجهت لجراحة الاسنان قلت فيها فرنسية بصح ماشي بزاف .. بصح قالولي هي الي وخذة اكترمن طب او راني ندمانة ما علاباليش واش اندير اهربت من حفرة طحت في ختها

[امال الحياة]

ما تخافيش ماكاين والو و لاكان رايحة تقراي طب الاسنان تاكدي بان الله سبحانه هو الي اختارهولك "عسى ان تكرهوا شيئا و هو خير لكم" و ماتندميش خلاص ان شاء الله طريقك رايح يكون ساهل ..........................و ما دامك حابة تتعلمي الفرونسي و قاعدة تسعاي كوني متاكدة بانك رايحة توصلي..................بالتوفيق.

بقدر الكد تكتسب المعالي ومن طلب العلا سهر الليالي
ومن طلب العلا في غير جد اضاع العمر في طلب المحال

[الفقيرة إلى ربها]

السلام عليكم و رحمة الله و بركاته
شكرا لمروركم جميعا
لي تعقيب صغير على كلام الاخت الاحجية
قلت "جراحة اسنان وخدو على الطب"....الى قالك هادي الهدرة ما علابالو بوالو...
طب او صيدلة او جراحة اسنان، كلها تخصصات بنفس الصعوبة تقريبا، و راني نشوف هادي الهدرة كثرت بزاف تاع جراحة اسنان اصعب
لالا ما كاين والو يخوفوا فيكم برك
بالتوفيق

[sara10]

موضوع جميل استفدت منه كثيرا
الف شكر لكم يا اصحاب

[الفقيرة إلى ربها]

لا شكر على واجب أختي....نحن في الخدمة..

[طيبة القلب]

موضوعك مميز ياغالية
والف مبروك الاشراف تستاهليه

[الفقيرة إلى ربها]

وأنت أكثر تميزا غاليتي....
لعقوبة ليك...

[big-shadow]

سنة أولى جراحة أسنان في الجزائر
أرى أنه مشكل و يجر معه مشاكل أخرى و للعلم أنا أول المتضررين و أكبرهم ---- راني نروح لدرقانة للرقاد----
عندي مشكل عويييييييييييييييييييييييييييييص مع الفرنسية عندي 3 في الباك -العلامة- و راني غير نطبع

[big-shadow]

بلا ما ننسى بلي مواضيع المنتدى جد مفيدة
بارك الله فيكم

[ضيف الله1]

تشكل عائق كبير

[MIMIA90]

salam

à mon avis,le français ne pourrait jamais être un obstacle si on a de la volonté ,au début il faut utiliser les dictionnaires pour comprendre les cours mais il faut pas baisser les bras il faut essayer de s'améliorer en faisant des efforts: lire les bouquins,les romans et les journaux,regarder des films et des émissions en français...

merci beaucoup chère soeur pour le sujet

[MIMIA90]

المشاركة الأصلية كتبت بواسطة big-shadow

سنة أولى جراحة أسنان في الجزائر
أرى أنه مشكل و يجر معه مشاكل أخرى و للعلم أنا أول المتضررين و أكبرهم ---- راني نروح لدرقانة للرقاد----
عندي مشكل عويييييييييييييييييييييييييييييص مع الفرنسية عندي 3 في الباك -العلامة- و راني غير نطبع

يا اخي ما لازمش تيأس ، حاول تبذل مجهودات للتغلب على مشكل اللغة ، كيما قدرت تتحصل على الباك و تدخل جراحة اسنان اكيد راح تقدر تنجح و تتغلب على مشكل الفرنسية لازم تكون عندك شوية ارادة
و بالتوفيق ان شاء الله