اللي تنسى الوصية

[مولود حداد]

السلام عليكم ورحمة الله
هذه قصيدة حول بنت أرسلها والداها للدراسة في الجامعة فمشت في طريق الانحراف

مَاكَان حَاجَة قاسْية *** عْلَى بْنَ آدَم فَحْيَاتو
قَدْ هَذِيك الأذية *** اللي تَتْسَبَّب فيها بَنْتُو
كِي تْبِيعْ نَفْسْهَا بْدَنْيَا *** وْتَقْتُل عَفَتْهَا وْكَرَامْتُو
وَالنَّاس بَالنَّظرة الدُّونِية *** يَخُزْرُو فيه وْيَشَمْتُو

كان ثايق دايَر النية *** فيها وكانت مْأَمْلاَتُو
يْعَامَلْهَا دِيمَا بَالحُريَة *** وْنَفْسو مَتْشَوْقة يْشُوف بَذْرَاتو
ولاّت طبيبة أو محامية *** بالعلم اللي فالجامعة ادّاتو
بصح الأقدار كانت مخبية *** أشياء شينة والطفلة خذلاتو

مْشَات في طريق خالية مخلية *** ثوب الانحراف مْفَصَّل لَبْسَاتو
كَبْرَت عَالشَّرف دَارَتْلُو تعزية *** وْصَلاَّتْ عليه زادت شَيْعَاتو
فْلاَسِيتِي سيرتها صبحت حكاية *** كل اليوم السهرات الشراب شرباتو
تظل مع الذيابة صباح وعشية *** واللي ما يرضيها بالغير بدلاتو

وش ذنبو المسكين بابات البنية *** حَطَّتْلُو نيفو فَالتْراب مرغاتو
وش ذنبو قولي تْجِيه الخْطِية *** من أقرب الناس الضربة جاتو
اكتشَفْ تبخار أحلام وردية *** وعقم دعاء دعاه فصلاتو
تْكَسَّر واصطدم صدمة قوية *** واتشرب لَمْرَارْ الغُصَّة حكماتو
مادرى موتو هكذا جاية *** بخنجر لغدر تقتل طعناتو
تحسر عاللي تنسى الوصية *** وْعُودْهَا في مضمار الشر جرّاتو

ما قالت يما صاحبة الحنية *** رح نخيبها فاللي تمناتو
ونضيّع تعبها وسهرها عليا *** الدموع من عينيها دم سيلاتو
ما قَدْرَت ما فهمت كلمة خويا *** أترجى خير في سمعة خواتاتو
يابنات اليوم لا تحسبو القضية *** ساهلة الناس عالشرف ماتو
وهذي كبيرة وكبير المعصية *** يجي مالصغير إذا راكمتو
يا سعدها المستورة الحجوبية *** عرفت قيمة زينها خباتو
ماغرها مال لا غرتها دنيا *** نهج الصالحات فيها تمثلاتو
خديجة عائشة أسماء وسمية *** ماشية علخير الشر هجراتو
فالأخير نقولك ككلمة ختامية *** أحرصي على دينك،قلبك وثباتو

دعاكم وتحية لكل البنات العفيفات وما أكثرهن

[صَمْـتْــــ~]

المشاركة الأصلية كتبت بواسطة مولود حداد

السلام عليكم ورحمة الله
هذه قصيدة حول بنت أرسلها والداها للدراسة في الجامعة فمشت في طريق الانحراف

مَاكَان حَاجَة قاسْية *** عْلَى بْنَ آدَم فَحْيَاتو
قَدْ هَذِيك الأذية *** اللي تَتْسَبَّب فيها بَنْتُو
كِي تْبِيعْ نَفْسْهَا بْدَنْيَا *** وْتَقْتُل عَفَتْهَا وْكَرَامْتُو
وَالنَّاس بَالنَّظرة الدُّونِية *** يَخُزْرُو فيه وْيَشَمْتُو

كان ثايق دايَر النية *** فيها وكانت مْأَمْلاَتُو
يْعَامَلْهَا دِيمَا بَالحُريَة *** وْنَفْسو مَتْشَوْقة يْشُوف بَذْرَاتو
ولاّت طبيبة أو محامية *** بالعلم اللي فالجامعة ادّاتو
بصح الأقدار كانت مخبية *** أشياء شينة والطفلة خذلاتو

مْشَات في طريق خالية مخلية *** ثوب الانحراف مْفَصَّل لَبْسَاتو
كَبْرَت عَالشَّرف دَارَتْلُو تعزية *** وْصَلاَّتْ عليه زادت شَيْعَاتو
فْلاَسِيتِي سيرتها صبحت حكاية *** كل اليوم السهرات الشراب شرباتو
تظل مع الذيابة صباح وعشية *** واللي ما يرضيها بالغير بدلاتو

وش ذنبو المسكين بابات البنية *** حَطَّتْلُو نيفو فَالتْراب مرغاتو
وش ذنبو قولي تْجِيه الخْطِية *** من أقرب الناس الضربة جاتو
اكتشَفْ تبخار أحلام وردية *** وعقم دعاء دعاه فصلاتو
تْكَسَّر واصطدم صدمة قوية *** واتشرب لَمْرَارْ الغُصَّة حكماتو
مادرى موتو هكذا جاية *** بخنجر لغدر تقتل طعناتو
تحسر عاللي تنسى الوصية *** وْعُودْهَا في مضمار الشر جرّاتو

ما قالت يما صاحبة الحنية *** رح نخيبها فاللي تمناتو
ونضيّع تعبها وسهرها عليا *** الدموع من عينيها دم سيلاتو
ما قَدْرَت ما فهمت كلمة خويا *** أترجى خير في سمعة خواتاتو
يابنات اليوم لا تحسبو القضية *** ساهلة الناس عالشرف ماتو
وهذي كبيرة وكبير المعصية *** يجي مالصغير إذا راكمتو
يا سعدها المستورة الحجوبية *** عرفت قيمة زينها خباتو
ماغرها مال لا عرتها دنيا *** نهج الصالحات فيها تمثلاتو
خديجة عائشة أسماء وسمية *** ماشية علخير الشر هجراتو
فالأخير نقولك ككلمة ختامية *** أحرصي على دينك،قلبك وثباتو

دعاكم وتحية لكل البنات العفيفات وما أكثرهن

يـا أخي دون مجاملة..
حرفك منبعٌ للنّصحِ والارشاد
لما فيه خيرٌ وصلاحٌ لـلعِباد
أدام الله وهج كلِماتِك..
وجعلها في ميزانِ حسناتِك
،،،
أرقى تحيّـ من أختِك ـة

[الوليـد]

و عليكم السلام و رحمة الله و بركاته :

ما قالت يما صاحبة الحنية *** رح نخيبها فاللي تمناتو
ونضيّع تعبها وسهرها عليا *** الدموع من عينيها دم سيلاتو
ما قَدْرَت ما فهمت كلمة خويا *** أترجى خير في سمعة خواتاتو
يابنات اليوم لا تحسبو القضية *** ساهلة الناس عالشرف ماتو
وهذي كبيرة وكبير المعصية *** يجي مالصغير إذا راكمتو
يا سعدها المستورة الحجوبية *** عرفت قيمة زينها خباتو
ماغرها مال لا عرتها دنيا *** نهج الصالحات فيها تمثلاتو
خديجة عائشة أسماء وسمية *** ماشية علخير الشر هجراتو
فالأخير نقولك ككلمة ختامية *** أحرصي على دينك،قلبك وثباتو

لذا :

نطلب من بناتنا يخافو ربي و يحشمو شوية ما ينساوش
بللي كاين حساب مستنّي و هوما غافلات، من مراضهم ما براوش

ههههههههه.

بارك الله فيكَ أخي مولود ، دمت ناصحا ، مُصلحا بشِعرك الذي لا يُملّ.

[TITO30dz]

السلام عليكم ممكن يحيركم ردي على هذا اللي مكتوب ....
أنا نلوم الأب قبل بنتو .....
لخاطر ربي حرم خروج المرأة إلى أماكن بعيدة من غير محرم وكما يقولك المثل المعروف لدينا ومع إحترامي لكل النساء (( المرأة بقرة إبليس )) كفاه هو ن لول خلاها تقرى في أماكن مختلطة يعج في رجال كون جات جامعة مش مختلطة نورمال بصح كي ولات الجامعات مختلطة نلوم غير الأب بالدرجة الأولى وهذا كلام علابالي بلي مكل فتاة تقراه تغضب مني بصح هذا هو كلام الحق والصواب وعلاش نغطو الشمس بالغربال كاين دين ربي قالنا أمشو عليه وحنا علاه نعوجوه ونحرفوه مالا ربي يهدينا ويهدي أمة محمد أجمعين وعلابالي من الذكور ميوافقنيش هذا الرأي يا جماعة الإختلاط راه سبب المشاكل حنا مقلناش المرأة متدرسش في الجامعة لكن بيتها أفضل لها في هذا الزمان لأن الأسمى والأرقى للمرأة هو تربية أولادها أحسن تربية وإلا كانت الجامعات منظمة ومزيرة كما اللي في سعودية منرفضوش دراسة المرأة ربي يهدي ما خلق من بنات وبنين

[مولود حداد]

السلام عليكم ورحمة الله
الأخت سراب العمر هي الرسالة التي تفرض على كل واحد منا أن تتلحف قصائده ماذكرت.
ترقبوا إن شاء الله قصيدة "عندي رسالة" اوضح فيها طبيعة شعري .
موفقة وزادك الله تألقا على تألقك

[مولود حداد]

السلام عليكم
اخي الوليد قلت لك انك شاعر وربي إن شاء الله يرزقنا الحياء ذكورا وإناثا
موفق

[دموع الوفاء]

والله يعجز اللسان عن الكلام
اختلطت مشاعري مابين حسرة ودموع وآلام
على هذا الزمان وما فيه من مواقف الآثام
أناملك هذه اانتهجت طريق النصح والارشاد واختصرت مافي العوام
فشكرا لك
أسأل الله أن يستر المسلمات وأن يحفظهن من كل شر وأن يهديهن لطريق السلام

[مولود حداد]

السلام عليكم
كنت دائما لما أسأل في الإذاعات المحلية عن طبيعة شعري أقول رسائل روحية في قوالب اجتماعية وأعتقد أن من أهم ميزات القصيد القريب من نبض القلوب هو الذي يكون قريبا من نبض الشارع
موفقة