فاتت السبعة .. بيني وبين الطالبة

[مولود حداد]

السلام عليكم ورحمة الله

قصيدة اليوم هي تجسيد لقصة واقعية وقعت لي في مدخل إحدى إقامات البنات في ولاية من ولايات الشرق الجزائري، وأنا أنتظر قدوم طالبات التنظيم الذي استدعانا لإدخالي للإقامة أنا وصاحبي وعون الأمن (عمي ....) في حدود الساعة السابعة وخمس دقائق مساء -والقانون الداخلي للإقامة يقضي بغلق أبوابها على الساعة السابعة - جاءت بنت متأخرة - عند دخولنا كانت مع شاب بمحاذاة باب الإقامة - ولم يسمح لها الحارس بالدخول فطلبت مني التوسط لها كي يدخلها .. تابعوا ..........

شَفْتْ البْنِيَّـة جَايَّـة مَخْلُوعَـة *** تْطَبْطَبْ فَالبَابْ تْقُولُو يَا عَمِّي حَلْ
قَالْهَا قْبَلْ قَدَّاهْ رَاهِـي السَّاعَـة *** وْهـِيَ تْحَـاوَلْ فِيـهْ وْتَتْوَسَّـلْ
خْلاَصْ أَبَنْتِـي فَاتَـتْ السَّبْعَـة *** وْرُوحِي مَا تْدِيرِيلْنَـاشْ مَشَاكَـلْ
قَعْدَتْ تَدْعِيلُو وْتَبْكِـي بَالدَّمْعَـة *** بَالاَكْ قَلْبُو يْحَنْ يْخَلِّيهَـا تَدْخُـلْ
الله يَسُتْرَكْ وْمَا تْجِيـكْ فَزْعَـة *** وْيَحَفْظَكْ رَبِّـي وْعَايَلْتَـكْ أُكُّـلْ

هْنَا غَاضْتُـو عْطَاهَـا بْنَشْطَـة *** قَالُهَا أَدُخْلِـي يَالله فِـي سَـعْ
فَرْحَتْ وْجَاتْ دِيرَاكْـتِ هَابْطَـة *** للرِيسْتُو كَشْمَـا تَاكُـلْ تَشْبَـعْ
يَاوْ وَرَّايْحَـة هَاتِـي الكَارْطَـة *** وْغَدْوَا وَذْنَكْ عَنْدْهَا مَا تَسْمَـعْ
عَالثْمَانْيَـة تَلْقَايْهَـا مَحْطُوطَـة *** عَنْدْ شَافْ دْ سَرْفِيسْ ذَاكْ لَصْلَعْ

قَاتْلُو لاَهْ رَاكْ تْصَعَّبْ فَالحَالَـة *** مَمْبَعْد دَنْقَـتْ هَـدْرَتْ مْعَايَـا
قَاتْلِي عَاوَّنِي عْلَى هَاذْ المَسَالَة *** وْخِيرَكْ مَا نَنْسَاهْ فْهَاذْ الدَّنْيَـا
قُلْتَلْهَا أَنَا مَعْرُوضْ عَنْدِي حَفْلَة *** عَنْدْ الاِتِّحَادْ خَاطْيَتْنِي القَضِيَّـة
قَاتْلِي رَانِي كِي خْتُكْ وَلاَّ لالا؟ *** وْهَلْ تَرْضَى لَخْتُكْ حَاجَة دُونِيَّة

قُلْتَلْهَا هَاذْ المَرَّة وْعْلَى هَـاذْ الكَلْمَـة *** رَاحْ نَتْوَسـَطْـلَـكْ يَسْـمَـحْـلَـكْ
بَاهْ مَا تْقُولِي هَاذْ النَّاسْ مَا فِيهُمْ رَحْمَة *** وْمَـادَامْ قُلْتِـي رَانِـي كِـي خْـتُـكْ
أنـَا خْتِـي اللـِّي تْرَعِـى الحُرْمَـة *** وْطْرِيـقْ الزِّيقْـزَاقْ مَــا تَسْـلَـكْ
أنَـا خْتـِي الطَّفْـلَـة المَحْتَشْـمَـة *** مَاهِيـشْ الـلِّـي زَيْـهَـا يَهْـلَـكْ
أنـَـا خْـتـِي الـلـِّي فَـالإِقَـامَـة *** سِيرَتْهَـا نَاصْعـَة نَفْسْهَـا تَتْمَالـَكْ
هـَكْـذَا تْكـُونـِي خْـتـِي وَنِعِـمَّـا *** البَنـْتْ اللـِّي بَحْجَابـْهَـا تَتْمَـسـَّكْ

موفقين

[اماني1984]

مشكوووووووووور

[الوليـد]

و عليكم السلام و رحمة الله و بركاته :

عيدك مبارك ، تقبّل الله منّا و منكم و غفر لنا و لكم.

كون جيت في بلاصتك يا حمادة --- ما نفخّرهاش هي و أمثالها الفارغات
علابالك هوما سباب الكارثة --- راح في جالها الطالب و هوما ديما سالكات

قلّي أخي حمادة77 بالله عليك ، كم تستغرق في كتابة القصيدة ؟

[الفقيرة إلى ربها]

السلام عليكم و رحمة الله و بركاته.

بدون تعليق !
أعيش في اقامة جامعية و أرى ما أرى...

المهم ، مشكور أخي،أسلوبك رائع، و تعجبني ابداعاتك...
ربما تكون من آل الشيخ المميز "حمادة الوهراني"الذي سمعت عنه الكثير.......أمزح..

تحياتي...

[مولود حداد]

السلام عليكم ورحمة الله

الأخت اماني 84 مشكورة على المتابعة والرد وتبقى مدينة باتنة المدينة التي القيت فيها الشعر مرة واحدة فقط في المهرجان الدولي للأقصى منذ قرابة العامين والنصف في دار الثقافة وساكون فيها بحول الله هاذ العام في مختلف إقاماتها.

يالسي وليد ان تدخل احسن من ان تبيت خارج الإقامة حيث الذئاب، اما عن وقت القصيدة فلما تتبلور الفكرة تجي القصيدة بسرعة كيما هذي حوالي نصف ساعة إلى ساعة.

الأخت الفقيرة إلى ربها الكل يرى ويسمع لكن من يتحرك لصيانة عرض بناتنا؟ من يشعل الشمعة عوض سب الظلام.
في الحقيقة اسم حمادة هذا الذي أوقع به سماني به من علمني هاذ النوع من الشعر وقاللي راك رايح تولينا الشيخ حمادة لكني احب ان اوقع باسمي الشخصي في المنتديات.

بالتوفيق

[يوسُف سُلطان]

أعدك باني سارجع هنا ..
صديقك يوسف

[الغديرية]

كلامك فيى محلو
.والله يهدي ماخلق

[مولود حداد]

السلام عليكم
اخي يوسف وعدتنا وما رجعت ؟؟ ربي يوفقك اداك علينا جو بوسماعيل.
الأخت الغديرية هذا حالنا فماذا نحن فاعلون حياله؟
بالتوفيق