محتاجة لرايكم

[mokhto01]

لا حول ولا قوة ألأ بالله العلى العظيم

[مريم الصابرة]

المشاركة الأصلية كتبت بواسطة محمد جديدي التبسي

يجب إخبار أمها وحتى إخوانها
أنت قلت أن اخوتها لا يعلمون بما تفعله أمّهم وأختهم لذلك لازم يكونوا في الصورة وحتى إذا ذبحوها تستاهل وهم أكيد لن يفعلوا ذلك لكن سيظيقون عليها الخناق ويزوجونها أو يعملولها حل ربي يسترنا ويهدي بنات المسلمين

السلام عليكم اخي
وانا فكرت نخبر خوها الكبير كان يقرا معايا لكن خفت المشاكل وراني مريضة يعني ما نتحركش بزاف وماكانش كيفاه نتلاقاه عند الداراو نحكي معاه انا طفلة وما نقدرش نوقف ونحكي معاه فالشارع ما نقدرش لأنو والله هي عندها 18 تشوفها تقول عندها 12 أو 13 تبان صغيرة وجها برئ بزاف ولكن راهي تلعب بالنار تفطيرها خطير يعني الفلة وصلت لأبعد الحدود المهم الدراهم برك تجيبهم وتحوس تتزوج بالطفل هذا بأي طريقة حتى هو قالها إنت راكي فاسدة وما نتزوجكش راهي مصرة البارح جيتها هنا لدارنا وقرات ردود معايا شفتها بكات قتلها شفت واش كتبولك قتلها إن شاء الله ربي يهديك وعلى ربي تكونو السبب الطفلة تسقم تفكيرها شكرا اخي

[مريم الصابرة]

المشاركة الأصلية كتبت بواسطة nana27

انا نضن انو المشكل في امها ولكن مادام لجئت ليك و حكاتلك حاولي تنصحيها دايما يعني ما تكرهيش بالخف جيبيها من وراها حتى ترجع لطريق الصح و حاولي تحكي معاها بهدوء و رزانة و جيبيلها امثلة على بنات خرجو من ديارهم و النتيجة الي وصلو ليها و غير دلك المهم صمطي عليها حتى تتسقم

السلام عليكم أختي
وحتى انا قلت راهي كي جات عندي ربي بعثهالي يعني هي حاسة روحها دير في حاجة غلاط ولكن امها ربي يسامحها ناسية هذي بنتها يعني علمتها امور خطيرة بزاف تفكيرها غير محدود يعني قادرة دير كل شي حتى وهي صغيرة ووصلت دارت امور لما حكاتلي تخلعت يعني راسي راه حابس والبارح عيطتلها جات لدارنا وشافت ردودكم فالموضوع عليها ولات تبكي قتلها كامل هنا بنات مأصلات وعاقلات وشباب متربي إنعلي بليس أقراي واش كتبولك ومازال الوقت توبي لربي وما تبعيش يماك ربي يهديها سكتت وراحت ومان عرف راني كل وقت نعيطلها ونسقسيها ونحكي معاها إن شاء الله ربي يجيب الخير وما تروحش شكرا وبارك الله فيك

[مريم الصابرة]

المشاركة الأصلية كتبت بواسطة manel10

ana rani m3a khouya non matkhalihach haka bark hadri m3a khawatha khir man kach ma yasralha prcq tafla sghira ghadwa takbar w tandam yadarbouha khawatha yhabsouha fader ydirou fiha wach yhabou khir ma tahrab w tkhalilhoum .....en plus sayed hadak yastaghalha khti la chatiha mahabatch tasta3kal hadri m3a khawatha

السلام عليكم
ميم انا راني نخمم نشوف طريقة نحكي مع خوها كان يقرا معايا نعطيها شوية وقت تستعقل وتخمم وراني حكيت معاها وفهمتها ونصحتها والبارح زدت اثرت عليها بردودكم وراني نشوف فيها بدات تبدل رايها وديجا كسرت لابوس وين يعيطلها على ربي إن شاء الله تتسقم وتكونو السبب شكرا وبارك الله فيك

[مريم الصابرة]

المشاركة الأصلية كتبت بواسطة asosa

انا ننصحك تخبري خاوتها و تنصحي امها باش يوضعولها حد تفكيرها خطير بزاف بصح اللوم اكل على امها كيفاش علابالها بالشئ ومتحركش حتى ساكن سبحان الله عادو الامهات يعينو بناتهم على الفجور ولا واش

السلام عليكم
انا راني نحاول ننصحها باللين ونشوف درة فعلها كان ما سمعتش نخبر خوها ونبرأ ذمتي قدام ربي
يماها هي سبابها باباها ميت ربي يرحمو مي هي رباتها هكذا وخوتاتها قبلها تبعثهم للرجال من بعد تزوجهم راهي دير هكذا مع هذي مي هذي بزاف تحوس على الهربة والسهر في الملاهي تفكيرها خطير بزاف
ربي يهديها شكرا أختي

[مريم الصابرة]

المشاركة الأصلية كتبت بواسطة jiji_"

السلام عليكم
والله غير تحيري سيرتو كي قاتلك هاذاك تاع القلب و علاش هاذوك توع الرئة سبحان الله ربي يهديها غاضتني الطفلة كي صغيرة وراح ادير مشكل كبير لدارهم و خاوتها بصح كي يماها علابالها هاذي الي تحبسك
ربي يهديها ان شاء الله و ان شاء الله مايكون غير الخير

السلام عليكم اختي
وي واحد نتاع القلب ولاخر نتاع ليسطومة راني حايرة وين وصلو المراهقات بتفكيرهم والكارثة لما يماها تحللها عينيها على الأامور هذي وما تخافش على بنتها رانا في وقت واعر لما الخاوة يشوفو ختهم خارجة مع يماها هذا الامان كامل وهي تديها تروح للرجال خلاص ما بقا والو ربي يهديهم يا رب شكرا

[مريم الصابرة]

المشاركة الأصلية كتبت بواسطة الزيتون

هذا يحدث كثيرا في مجتمعنا للاسف وربي يستر
الله المستعان

السلام عليكم
اخي ندعو ربي يهديها وربي يهدي حال البنات في بلادنا والله كارثة
كلمة الله المستعان فكرتني في اخي الواثق ربي يهنيه يا ربو إن شاء الله يكون بخير
شكرا وبارك الله فيك

[أم شيماءْ]

ربي يهديها ويحفظ بنات المسلمين كامل

[مريم الصابرة]

المشاركة الأصلية كتبت بواسطة ouricia

ربي يهديها ويحفظ بنات المسلمين كامل

السلام عليكم اللهم آمين اختي ربي يخليك وربي يستر اخوتاتنا وبناتنا يا رب شكرا

[ليلى الجزائرية1]

يا بنتي قولها تتقي الله في نفسها وما تتهورش
السيد يقولها مش رايح نتزوج بيك يعني يفوت بيها في الوقت وهي تجري من وراه
ماخممتش نهار يمل منها ويطيشها شكون بيها وقتها

[مريم الصابرة]

المشاركة الأصلية كتبت بواسطة ليلى الجزائرية1

يا بنتي قولها تتقي الله في نفسها وما تتهورش
السيد يقولها مش رايح نتزوج بيك يعني يفوت بيها في الوقت وهي تجري من وراه
ماخممتش نهار يمل منها ويطيشها شكون بيها وقتها

السلام عليكم اختي
والله انا قلتلها وعادي هو قالها وقت ما نقولك ارواحي نتلاقاو يعني يديرها عشيقة وبرك وحتى إنها تقضي معاه الليالي بمساعدة امها طبعا زعمى لخاوتها راهي بايتة عند ختها المتزوجة
السبب في ضياعها هي امها ربي يخليك

[* الحلم سكر *]

أختي مريم هاذو تاع واحد ينصحهم و يجبد روحو ماراهمش نتاع مخالطة اختي
هادي المرا خسارة فيها كلمة ام لا حول و لا قوة الا بالله
ربي يهديهم و يعطيك على قد نيتك لي راكي حاملة هم الغير ربي معاك

[مريم الصابرة]

المشاركة الأصلية كتبت بواسطة pgcd

أختي مريم هاذو تاع واحد ينصحهم و يجبد روحو ماراهمش نتاع مخالطة اختي
هادي المرا خسارة فيها كلمة ام لا حول و لا قوة الا بالله
ربي يهديهم و يعطيك على قد نيتك لي راكي حاملة هم الغير ربي معاك

السلام عليكم اختي
اكيد انا نصحتها وما نخالطها لا هي ولا غيرها انا من الدار ما نخرجش الي حبت تجي تجي لدارنا تشوفني ما نقولهاش لالا لكن برا ما نمشي مع حتى وحدة عايشة وحدي والحمد لله والفت وألف حمد
بالنسبة ليها يماها صراحة خسارة فيها كلمة ام انا نصجتها وراني ندير في جهدي نبدللها تفطيرها ما نقدرش الطفلة جات عندي ندير روحي ما سمعتش نخاف من ربي ندير للي عليا سمعت ماذا بيا ما سمعتش راني درت اللي عليا
ربي يخليك حنونة هذا واجبي انا فت بالمراهقة ونعرف واش معنتها والطفلة هذي صغيرة وكايشة بسباب امها لازم ترجع لعقها فات فيها خرجت للزنقة خلاص راحت شكرا

[chaymafifi]

هذي مهبولة قولي لعيلتها و ما تخافيشش منها

[مريم الصابرة]

المشاركة الأصلية كتبت بواسطة chaymafifi

هذي مهبولة قولي لعيلتها و ما تخافيشش منها

السلام عليكم
تفكيرها مهبول وحكيت معها ودرت اللي عليا ربي يهديها شكرا