كيفاه تراجعوا ؟؟

Hakou28 · 2013-03-16, 21:24

سلام عليكم جماعة حاب نسقسيكم مثلا دكا الفصل الثالث...
انا مخدمتش فصل الاول مليح (معدل 11-12) بصح صدقوني مقريت والو تلحق ثلاث ايام قبل الاختبار باش نبدا نريفيزي
بصح راني نادم على وش ضيعت حابكم يا ناس الخير تنصحوني باغسكو العام الجاي الباك ومنيش واجد لازم من ضك نريقلي روحي ... انا واثق من قدراتي انا فقط مدمن نت.
حاب نسقسي اصحاب المعدلات الجيدة 16 فما فوق
كيفاه تقراو كيفاه تنظموا وقتكم كي تديروا اسكو تقراو من بداية الفصل او او او او ....
ربي يستركم عاونوني وانصحوني

~~RIMA95~~ · 2013-03-16, 22:23

وعلكم السلام ورحمة الله تعالى وبركاته

اخي الكريم كل منا له كنوز داتية و من الجيد انك اعترفت بذلك ولست من الذين يحتقرون انفسهم ....

انصحك بمشاهدة اخر حلقة من عمار الارض ادارة الوقت

mac_tnis · 2013-03-16, 22:32

قسم وقتك إلى :
شيء عاجل و مُهم
شيء مهم و غير عاجل
شيء عاجل و غير مهم
شيء لا هو مهم و لا هو عاجل

بعدها إبدا بعمل تلك الأشياء من الأكبر إلى الأصغر .

✿❀سًجّْـدًةْ خٌشٌـوُعٍـ ❀✿ · 2013-03-17, 17:29

الحمد لله انك ممن افاق قبل فوات الاوان
وعرفت انك ان استمررت في هذا الوضع فلن تكون فرص نجاحك كبيرة
المهم
عليك اولا ان تثق بقدراتك و تقول في نفسك" فعلها الكثير وتمكن من التفوق الكثير فلم لا استطيع؟؟ اكيد ساكون لها"
هي نوع من رسالة ايجابية يجعل عقلك يتهيأ للدراسة جربها ولن تندم
كن ذا طموحات عالية ولا تقل مثلما يقول اغلبهم"10 تكفيني"

ثم ان عليك ان تبدا بالدراسة من اليوم الاول الذي تتلقى فيه الدروس
يعني يكذب عليك اللي يقولك نقرا الشهر الاخير قبل امتحان البكالوريا
لن ينفع ذلك ابدا

والمفتاح الاساسي للتفوق هو الانتباه لشرح الاستاذ في القسم
انتبه جيدا ولا تشغل نفسك باي شيء آخر ماعدا الانصات ومحاولة الفهم
اسأل عن أي شيء لم تفهمه
ولما تنتهي الحصة ستكون استوعبت حوالي 80 بالمية من الدرس
باش توصلها 100 بالمية لازم تقوم بحل التمارين في المواد العلمية لان التمارين تمنحك أفكار كثيرة جديدة لم تلتقي بها في الدرس
وذلك في المواد العلمية
واذا كنت شعبة علوم تجريبية خصص وقتا اكثر للمواد العملية يعني علوم فيزياء رياضيات
ولكن اياك ان تهمل المواد الادبية ......تاريخ و جغرافيا.... علوم شرعية..... واللغات
اللغات مالازملهمش جهد كبير فقط شوية تركيز في القسم مع حل الواجبات المعطاة و حفظ القواعد الاساسية
اما مواد الحفظ كذلك لازم تهتم بها وتفهم واش تشرح الاستاذة او الاستاذ
لانك لن تتمكن من الحفظ ان لم تكن تفهم الدروس
وباش تحفظ كاين عدة طرق لكل طريقته شوف انت واش يخرج عليك
ممكن بالتلخيص او حفظ الدرس واعادة كتابته دون الرؤية للدرس او ان يسمعك الدرس احدهم ان كان لديك ذاكرة سمعية

اظن ان هذا كل شيء
راني جردت ان شاء الله تقدر تقرا كلش
والمهم والاهم يا اخي ان تتكل على الله فهو ولي التوفيق

AMN-Dz · 2013-03-17, 20:41

و الله يا خويا راك كيفي تماما في كل شيء و راني فاهمك 100%
أنا تاني هكذا . و هادا واش راني راح ندير :

لازم الحاجة الأولى تحبس من النت و كل شيء فيها . و لا احتجت حاجة ضرورية روح لمقهى الانترنيت (صح صعيبة شوي معا الأول مي لازم خاطراكش مادوملكش و الباك خطرا واحدا و لازم تجيبو بمعدل مليح)

نظم وقت مليح و خطط لواش راك حاب دير ( في العطلة الصفية راجع كل شيء قريتو في السنة الثانية و حل تمارين باش متنساهومش وشوف برقرام تاع الباك )

علابالي الفهامة تفهم كل شي بصح كي تجي تحل يتلفلك كلش هكذا أنا و في التصحاح تقول ساهلة مرا كيفاش مادرتهاش هههه
لازم تراجع واش درت من قبل و تحل تمارين قد ما قدرت و شوف الحل تاعهم طيلة الاسبوع باش توالف .

لازم ماتكوبيش مارا و اعتمد على روحك و ربي سبحانو برك ) صلي و ادعي لربي و اتكل عليه ) ماشي غير كي يقرب الباك لازم ديايمن

بعد على أصحاب السوء . و روح غير مع ليقراو و يصليو

لازم تثقف روحك ( طالع الكتب . شوف الأفلام الوثائقية ....)

حدد أهدافك مليح و اخدملهم
و باش تنجح لازم الصبر و الارادة و المثابرة

و كاشما سحقيت قولي نعاونك و بالتوفيق و ربي ينجحك إن شاء الله

المتفآئلة · 2013-03-18, 00:46

كامل رانا كيف كيف بصح شكون يقدر يبعد على النت !!بسهولة ؟؟

أنا الحمد لله نستعملها في القراية وفي الراحة شوي هههههـ (العكس)

على العموم شكرآ على النصائح استفدنا منهمـ،،وان شاء الله نحاول نظمـ وقتي !!

lamismissa · 2013-03-18, 20:08

السلام عليكم
لايجب ان تفقد الامل انا اشبهك لكن ليس مثلك تماما انا عندي مشكل في الامتحانات ميقفينيش لوقت ديما مانكملش وكي يقولولي بقاتلك 1/4 ساعة نبدا نخلط في الورقة تركيزي يطير .....................الاساتذة يقولولي هذي مشي ورقتك ..
حاول في الصيف تعاود الدروس المهمة
الرياضيات
مرجح +دراسة الدوال +المتتاليات +الجداء السلمي +التحاكي
العلوم
عاود النقل المشبكي ودروس adn
فيزياء عاود كلش غير محور الطاقة
اما الباقي تقدر تلحق بلاما تراجعهم اذا كنت فور فيهم

الأواب إلى الله · 2013-03-18, 22:44

نقولك حاجة خصص دائما على الاقل ساعة لمراجعة دروس الغد لكي لا تشق عليك وتهم بسهولةة عند الاستاذ
ونصف ساعة لمراجعة دروس التي قمت به في اليوم لكي لا تنسى
ثم حل في كل يوم تمرين واحد في مادة معينة يكون طويل نوعا ما اي يشتل على كل مادرست
رياضيات - فيزياء- علوم
اما بالنسبة للمواد الادبية خاصة اللغات حااول في اوقات الفراغ سد حاجتك من الكلمات المبهمة ومطالعة النصوص
+ ركز في القسم مع الاستاذ حتى وان كنت لا تفقه شيئا اكد لك سوف تنال مرادك
واستمر على هذه الحال
يعني المجموع كلو ساعتين في اليوم وبس

دعو لي من فضلك صديقي ولوالدي

Hakou28 · 2013-03-19, 00:04

سلامـ عليكم جماعة الخير
ربي يحفظكم وينجحكم ويوفقكم واينا في مرادنا
والله طلعتولي المورال بارك الله فيكم .... ان شاء الله يا ربي نطبق هاذا البرنامج تاع نراجع كل يوم
ندمت ندمت بزاف نشوف صحاب 17 تغيضني روحي نشفق على روحي خلاص منزيدش نعاود الغلطات
ربي يحفظكم
ان شاء الله الصيف هاذا نريكيبيري كل شيء

Hakou28 · 2013-03-19, 00:05

وانت يا خويا AmN-dz
ADN تاعك كيما تاعي فوطوكوبي حاب نحكي معاك عندك س ك ا ي ب ؟

وشكرااااااااااااااااااااااا للجميع مرة اخرى

AMN-Dz · 2013-03-19, 15:02

hhhhh . ok hada houwa

amine52009

❀مَلِيْكَة❀ · 2013-03-19, 18:14

كيما قال الاخ adn نتاعي فوطوكوبي لنتاعكم ههههههههههههه