موضوعي حول المكوك navette

جويدة2 · 2013-03-10, 16:09

لا بكم حبيباتي وان شاء الله راكم كامل ملاح

كي وصلتو لموضوع المكوك راكم قستوني بزاف انا عندي مدة وانا نبحت فيه لكن شيء لتاسفت عليه هو الاداة ليخدمو بها متنباعش في الجزائر وحتى في الخارج عندها اهمية كبيرة اوغالية و كنت كل مرة نطل على العمل و نتحسر حتى جاء اليوم لصبت فيه الحل

اولا نعرفكم بهدا العمل هو عندو 3 طرق يتخدم بها

1 الاصلية la navette هي ليجي بها العمل جميل جدا
2 الكروشي ماشي العادي كروشي خاص يجي به الشغل خشين لان العقد كتمر بالكروشي تتفتح ومجيش رقيقة
3 الابرة وهي كدلك خاصة وعندها مميزات بحيت لازم تكون رقيقة باش يجو العقد متقونين و طويلة حوالي 15سم باش تقدر تهز عدد كبير من العقد و السلبيات نتاعها انك تضطري تضيفي الخيط عدة مرات

بنسبة ليا انا جربتهم ل3 بلكروشي معجبنيش العمل و بالابرة باهي لكن مشكل الخيط يتعب كل مرة تزيدي قطعة تع خيط انا نسبتنيش مع انهم بزاف يخدمو به

لكن la navettetلا يعلى عليها منكترش عليكم و نخليكم تشوفو تجاربي راهم مش مكملين لاني رجعت للمكرامي بش نتعلمو شوي بصح حبتكم تشوفهم وتقلولي ريكم و لكان عجبكم نوريلكم العفسة نتاعي لخدمت بها حتى فرج ربي و شريت la navette و هاهم تاني صور الاداة نتاعي

amira19 · 2013-03-10, 16:12

مشكورة يا جويدة على الطرح المفيددددددددددددددد صدقيني جامي سمعت بهادي لا نافات مي اليوم راني فهمت وش هي

بارك الله فيك حنونة و فعلا اعمال مذهلة و افكارك كلها ابداع

kakpop · 2013-03-10, 16:14

موضوع مميز يعطيك صحة

elise · 2013-03-10, 16:19

yatik essaha mais habit ngoulek beli el adat tetba3 ta3 plastic wel mra li cheft dra 3andha tekhdem be adat ta3 nhass tekmondiha men la casbah,hakda 9aletli......

كرااميلا85 · 2013-03-10, 16:35

يعطيك الصحة

staifia · 2013-03-10, 17:09

يعطيك الصحة اول مرة نسمع بهاد الفن

didahe · 2013-03-10, 17:30

bravo fahmina mine fadlek kifahe yamchi hada

جيجلية · 2013-03-10, 17:46

اول مرة نسمع بهذا الفن

يعطيه الصحة اللي اخترع الانترنت خلى العالم قرية صغيرة

بصح ما فهمتش الآلة اللي يخدمو بها

وليد مولودية · 2013-03-10, 18:35

انا نسمع به بصح جاني واعر في التطبيق

تطبيقك روعة ما شاء الله

ريتاج تيارتية · 2013-03-10, 18:41

هااااااااااايل عجبتني بزاف يعطيك الصحة ياريت تزيدي تفيدينا اكثر

حمدا لله كثير · 2013-03-10, 18:54

اقتباس:

المشاركة الأصلية كتبت بواسطة amira19

مشكورة يا جويدة على الطرح المفيددددددددددددددد صدقيني جامي سمعت بهادي لا نافات مي اليوم راني فهمت وش هي

بارك الله فيك حنونة و فعلا اعمال مذهلة و افكارك كلها ابداع

duùdm hgzp
يعطيك الصحة اختي
اميرة انتي و انا

و انا اول مرة بصح عجبني و لازمني نتعلموا او يبان ساهل للللللللللللل هههههههههههههههه

الله اعلم يا اختي قوليا منين شريتيها انتي

ولا ابعتيلي وحدة ليا برك وععع

انا عجبني و اني معاك نتعلم باذن الله

قوليلي ساهل للطلوع يعني كي تقعدي تخدمي ساعة ولا زوج ديري حاجة ولا صعيب

جويدة2 · 2013-03-10, 18:58

اميرة19
كرااميلا
السطايفية
جيجلية
didah
kakpop
elise
شرفني مروركم بصفحتي وشكرا على التشجيع
شوفو اخواتي الاداة يوجد منها عدة اشكال و انواع يعني خشب او حديد وكما يقولو الحاجة ام الاختراع يمكن هدو الناس شافو الاداة و ابتكرو وحدة تشبهلها مثل لفورش
على كل حال تقدر تدخلي لقوقل و تكتبي كلمة tatting schuttle هو بلانجليزي و تشوفي الانواع بصح النوع الجيد هو البلاستيك.
اما لكان حبيت تشوفي لموديل اكنبي tatting patterns او بلعربية فن التاتينغ و تشوفي لفوطو تع الخدمة هو جد راقي و جميل وهداك الدرا لشفتيه في المعرض عبارة عن وحدات ملصقة في بعضهم
زيد هدا العمل هو عبارة عن عقدة تخدمها بالاداة و تتركب فوق خيط تاني يعني خيط تخدمي به وخيط يكون حامل لهدوك العقد.وتقدري تخترعي انت وحدك اداة كما عملت انا من السخفة اخترعت وحدة و عملت بها الحواف و لبياس الصغار وهاهم ليك لخدمتها و خدمت بها قداه نحاجة.
لعودة للموضوع بعدمتكوني اطلعتي في قوقل على العمل باش تعود عندك خلفية على الموضوع و تفهميني ان شاء الله و راني هناباه نجوبك على كل اسئلتك

وردة المنتديات · 2013-03-10, 21:19

ااااااه ياجويده عندي مده ملي شريت هذا المكوك جربت شويه عييت يخرج لي خليتو
بصح كي نشوف الاعمال تاعو نحب نهبل ههههه
يبان لي بالكروشي يخرج مليح
على العموم شكرا على الموضوع الشيق ربي يوفق الجميع .

ام مريم اسراء · 2013-03-10, 22:18

مشكورة على المعلومة الفيمة انا اول مرة نسمع على المكوك هذا يا رب يعطيك ما تتمنابه

LILI K · 2013-03-15, 18:39

بارك الله فيك
haba tkolili win cheriti la navette hata wala fi constantine kolili berk svp