بنتي والصلاة ؟

[scorpionoir]

السلام للجميع .والله مشكلتي راهي متعبتني ياسر .او بالاحرى بنتي .الحمد لله راني مصلية انا والزوج وبنتي عندها 11سنة بديت نعلم فيها الصلاة من الصغر باه توالف وعلى قول الرسول عليه الف صلاة وسلام علموهم على 7 واضربوهم على 10. انا ملي كانت 7 سنين بديت نعلم فيها وتصلي معايا واحيانا جماعة مع الزوج ولكن الحين ماتنوضش تصلي وحدها ابدا تتفكر الخروج لبرا والتفراج الا الصلاة لا وكي نقوللها صليتي تقولي واه ادن؟ عييت معاها كل وقت صلاة لازمني انا لي نفيقها .راني حايرة خفت تكره الصلاة من كثر ماراني ديما صلي صلي .وفي نفس الوقت بغيتها تتعود عليها وتوالف وماتخطيهاش ؟ ارجو مساعدتي ولكم جزيل الشكر.

[minina2601]

السلام عليكم انصحك اولا بالدعاء لها كما هو مدكور في القران الكريم (( رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء ))
دلك مع مكافئتها بعد ان تؤدي صلواتها حتى تقتنع وتفهم
اسال الله ان يحببها في الصلاة.
اللهم صل على سيدنا محمد وسلم عليه تسليما كثيرا

[scorpionoir]

جزاكي الله كل خير على النصيحة واكيد راح نعمل بيها.

[ام عبودة]

الله يعينا ويعينك اختى بارك الله فيك
اكيد هذا السن لازم تصلي فيه 11سنة راهي تفهم
انا اظن حرصك او خوفك مؤثر عليها
استخدمي المكافءة او الصلاة جماعة في المسجد وان شاء الله تتوفقي وتولي بنت من الخاشعين والراكعين
على فكرة انا ابني عمره 5 سنين عندي شحال وانا نعلم فيه سورة الفاتحة والو ما بغاش يحفظها استخدمت طريقة المكافءة باللعب والهدايا راه حفظها وزاد سورة الناس والاخلاص وغيرها من الصور القصيرة والحمد لله

[yalaloulou]

ممكن بيها البرد تتفنين على الوضوء راه سخن الحال ضرك