مشكل

[dahbi01]

أختي الكريمة : أولا وقبل كل شئ انت تخالفين الشرع.مقاطعة الزواج.
المرأة تستطيع أن تستغني كل شئ ولكن لاتستطيع الإستغناء عن رجل شهم .والعكس.
- لماذا لاتفكرين أن يكون لك أبناء؟؟تسعدين بهم ................؟؟
- ولماذا لاتسترين نفسك مدام وجدت رجل طيب ؟؟؟ولماذا حتى وإن قبلت به ترفضين العيش مع أهله؟؟ انصحك بالعيش مع أهله وهم أهلك في نفس الوقت وتكوني نعم السند له ولهم وتحبينهم وتبني أسرة أخرى ويكون لك والدان آخران وبإمكانك توطدي العلاقة بين والديك ووالديه .الدنيا فانية.
- كم يكفيك تبقين بدون زوج ؟ حتى تفقدين جمالك الذي تتحدثين عنه.......................
-وهل تضمنين انك تبقين على هاته الصحة والبقاء في العمل .
حاولي مراجعة نفسك وتفاهمي معه على العمل وقرري.

[yacine-08]

انت معجبة بحياتك الحالية و ترين الزواج هو شيئ اضافي بالنسبة اليك

وربما سيفسد عليك هده الحياة الجميلة التي تعيشينها

لكن فكري فيما بعد ،، بعد مرور السنوات و تكبرين في السن .

طبعا لا نقول تزوجي هدا الشخص بالذات لاننا لا نعرفه ولا نستطيع الحكم عليه ،، لكن من يرى نفسه ان قادر على تحمل كافة جوانب الزواج فمن الافضل ان لا يتردد .

[لبيبة1]

سبحان الله!!
اذا كنتي مش مراهقة يعني تقدمتي شويا في العمر و هذا ما اتوقعه فان الكلام لي قلتيه مش طبيعي
لازمك تشوفي مختص نفسي
اي بنت بالفطرة تميل الى الارتباط و الزواج
و اما اذا راكي تغريتي بكثرة الخطاب غير نحيها من بالك على خاطر زواج مافيهش اللعب هذا كون حتى تكوني ملكة جمال كي يحبسلك ربي الفرص الله لا يقدر اكي تندمي و تشربي المر
شوفي ا حبيبتي
في هاذ الدنيا لي يرضى يعيش هذا هو شعاري منذ مدة خاطراش فهمت الدنيا مليح
تفكري حاجة ادي لي يحبك و ماتديش لي تحبيه
انا نتوقع هاذ السيد و الله اعلم رح يحطك في عينيه على خاطر راه يشوف فيك حلم
اما اذا انتظرتي وين تضمني تلقاي واحد يحبك
يا الزينة حتى الحب عاد نادر في هاذ الزمان ربي يوفقك و يهديك و يهدينا

[شخصية نرجسية]

المشاركة الأصلية كتبت بواسطة برايجية 34

أنا أبدأكلامي بكلمة لجميع البنات وهي نصيحة و اعتبروها كيما تحبوا انا أفضل البنت تكون مخطوبة وتتعرف على الشخص اللي رايحة تكون معاه و نفضل أنو الوالدين لما يتقدملهم شاب لخطبة بنتهم يسقسو عليه مليح مرتين وثلاثة و و الناس صارو يحكموا على الشاب كي يدخل دارهم ويحكي مليح ويضحك وهذا ماشي دليل على تربيتو أو لأن بنتو تحبو و تقولهم قابلة فيقبلو من غير ما يسقسيو هذي حاجة أنا مارانيش نشوف في حاجة تخليك متتزوجيش بهذا الشاب أو غيره يا أختي خليه يجي لدار يخطبك كيما العالم والناس و اذا عندك شروطك فلازم يعرفهم ويسمعهم وتتناقشو قبل ما توافقي عليه والله لو كان جات عندي سلطة في الدولة نزيد مادة في القانون شروط المرأة تكون مكتوبة وموقعة من الطرفين و بشهود ومختومة و قبل هذا كامل كاين صلاة الاستخارة توجهي للذي خلقك وربي يسهل الأمور ان شاء الله و أما فيما يخص تخوفك من الزواج يا أختي كاينين بنات يتمناو واحد بدون مستوى ميهمهاش المال المهم راجل و تزيد تصرف عليه و أنت تقولي شب طيب و موظف و خايفة اذا حكمتي على الزواج بسبب مشاكل عند ناس ثانيين متحكميش على كامل الزيجات بأنها فاشلة أو مليئة بالمشاكل اذا كنت ذكية حياتها أنت اللي تسيريها و تخليها كيما تحبي أنت اسمحيلي كثرت في الكلام

صدقت في كل كلمة بصح المشكل عقدة من الزواج أصلا

[Rima mimi25]

ربي يجيب لي فيه الخير إن شاء الله

[yako02]

على حساب واش قلت لازم تدي قرار لانك انت مش كارهة الزواج انت راكي تخمي في الجانب المادي كيما قلت انت مهندسة و تخدمي في شركة كبيرة و هو قلتي عليه يخدم في الحماية المدنية و خايفة انو ميلبيلكش شروطك كالسكن او انك تشوفي في الفرق بينكم و الله يا اختي علاه واش بيه لي يخدم في الحماية المدنية المهم عندو دخل .راني متأكدة بلي انت دخلك كبير على دخلو هذا المشكل نتاعك الفارق في المستوى
اما انك خايفة من الزواج كيما قال احد الاخوة لا تحكمي على كل الزيجات بالفشل كل واحد واش كاتبلو ربي سبحانو و اذا رضيتي بواش اعطاك الله و الله ستعيشين ملكة
الله الموفق