فهوني راهو راسي جمد - الصفحة 2

كاميلا · 2012-12-30, 19:22

اقتباس:

المشاركة الأصلية كتبت بواسطة سدر المنتهى

السلام عليكم
اولا ربي يهنيك و الف مبروك عليك ماتجمدي راسك ماوالو غير خليه سايح هههههههههه والله ماستغربت انا جاتني عادي نقلك علاش في هذا الزمان ماراهمش يمشو على قوانين اجتماعية معينة ........ بكري كانت تروح الام وبناتها او الجدة معاهم فقط ظرك الي عندها حبيبتها من الصغر و لا جارتها تديها .........المهم انا نحكيلك قصة الشوف نتع اختي يعني اول مرة راح تشوفها عجوزتها و نتعرفو على افراد الاسرة ..........في الاخير انبهرنا بدون سابق انذار يعني بلا ماقالولنا شحال مراة جاية تشوف جابولنا 16 مراة و الرجال تقريبا 10 و الكراريس قدام الدار وحد 6 و لا 7 مانحكيلش حقيقة خلعونا و حنا الحمد لله بيت كبيرة و دارنا كبيرة كنا مفرشين غير بالصالون ماروكان و شاريين القاطو 3 انواع قيمة مليون و زيادة و ........ تقدري تقولي فيونساي بصح مع الزحمة نتع النساء و الهاراج اختي كي دخلت ماعرفتش كيفاش تمشي و مالقاولهاش بلاصة وين تقعد و في النهاية قالتلنا عجوزتي شفتها كي المنام و اخت زوجي الكبيرة هذه ماشفتهاش قع و اخرى جات بجهة ماعقالتهاش و النساء الاخرين قع عجايز كبار يقربولو عمات باباه و نساء عمامو و نساء اخواو يعني لا علاقة مع الشوف نتع العروس ...............بصح في العرس خلفناها دينا معانا 32 مراة و بناتنا الصغار لابسات لاغوب بلونش و العزبات غي في العشرينات 7 هكذاك حصلو فينا من بعد زكارة واش دارولنا يعني ماتستغربيش و توقعي كلش في المجتمع الجزائري

ههههههههههههههههههههههه والله العظيم زاد حبس راسي من اللي حكيتيه يعني هاذو وجه تبهديل والا كيفاش ونزيد نحبسلك راسك حماتي في عرس بنتها بعد الشوفة تاعي دارت حالة لولدها علاش ماجاتش "عليا انا " كاش نهار سمعتي بوحدة ماشي مخطوبة تروح في فرح اللي تكلموه عليها مع انه والديا واخي راحولهم
وكي عيطتلها في العيد قاتلي علاش مجيتيش ؟؟؟؟؟؟؟ كون يا ربي حتى كنت مخطوبة ومتصلحش مع انه وحدة مادارتها بنتها بعد مادارتهاش
مي ضحكتني تع زكارة هههههههههههههههه ديته 32 مرا ههههههههههه

كاميلا · 2012-12-30, 19:24

اقتباس:

المشاركة الأصلية كتبت بواسطة maiar

واشكون قالك بلي تاعي جرية لالا حبيبتي اذا كنت من الشرق رايحة تفهميني الجرية عتدي يحنيولها و تلبس الفرقاني بعد ما تخلص من لاطارط و الخاتم بصح انا هاذو مكانش و اضيفي على ذلك ما عرضنا حتى و احد و بقاو يلومو حتى لذرك حاطينها جرية و حنا نفهموهم بلي قلنالهم شوفة برك بين الام و بناتها برك و فاجؤنا

ما رح نفهمك ماوالو بالشوية برك يا اختي راكي كليتيني

متزيديش عليا راه مخي صح جمد من الناس هاذوا اللي يحبوه الاصول تمشي على اللي يجيوهم بصح هوما يمكروا

كاميلا · 2012-12-30, 19:26

اقتباس:

المشاركة الأصلية كتبت بواسطة samar89

كل شي مبروك.....اختي....مي كيماراكي تقولي هاذي خطبة ماشي شوفة...يعني كيما يحبو هوما انت متقدريش تقوليلهوم لالا وبالاك عندهم غاشي بزااااااااااااف.....احنا نهار الشوفة صح مايجوش بزااااااااااااااااف مي الخطبة كيما يحبو .....متتقلقيش اختي راهي تفوت ..والصح فلهنا ...ربي يهنيك نشالله

ههههههههههه مدخلتش في راسي خطبة يجيو فيها قرابة 30؟؟؟؟؟؟؟؟؟؟؟ يعني مالين الدار يهربه منها ويخليوهم خير هههههههههههه

سدرةالمنتهى · 2012-12-30, 19:48

يا اختي ماذابيك انت باش تكوني عروسة مسلطة عليك الاضواء من النهار الاول حنا كي جاونا نتع اختي تخلعو فينا راحو هابلين من اللبسة و التحفة و السكنة و الديسار اللي حطيناه و الله قتلناهم بالقدر هوما حشمو على ارواحهم و من بعد قالتنلنا عجوزتها في المواسم الاخرى اسمحولنا واش جبنالكم جات صدفة و قدر للكبار برك بصح حنا عكسناها دينا غير الصغارات الكبيرة عندها 40 سنة صراحة انا نحب الحطة و الزوخ و نكون شابة قدام النساء ههههههههههههههههههههه هذا علاش جايين بزاف باش غير يشوفو يقرعجو عللى العروس و ماليها

maiar · 2012-12-30, 19:48

اقتباس:

المشاركة الأصلية كتبت بواسطة كاميلا

ما رح نفهمك ماوالو بالشوية برك يا اختي راكي كليتيني متزيديش عليا راه مخي صح جمد من الناس هاذوا اللي يحبوه الاصول تمشي على اللي يجيوهم بصح هوما يمكروا

انا جد اسفة اسمحيلي اذا انت قريتي ردي على اساس اني كليتك بالعكس كنت نكتبلك و نضحك لانو موقف صعيب و كل واحد كيفاه يخرط من راسو اسمحيلي مرة ثانية ربي يفك احوالك و يسهلك ان شاء الله

كاميلا · 2012-12-30, 20:25

اقتباس:

المشاركة الأصلية كتبت بواسطة سدر المنتهى

يا اختي ماذابيك انت باش تكوني عروسة مسلطة عليك الاضواء من النهار الاول حنا كي جاونا نتع اختي تخلعو فينا راحو هابلين من اللبسة و التحفة و السكنة و الديسار اللي حطيناه و الله قتلناهم بالقدر هوما حشمو على ارواحهم و من بعد قالتنلنا عجوزتها في المواسم الاخرى اسمحولنا واش جبنالكم جات صدفة و قدر للكبار برك بصح حنا عكسناها دينا غير الصغارات الكبيرة عندها 40 سنة صراحة انا نحب الحطة و الزوخ و نكون شابة قدام النساء ههههههههههههههههههههه هذا علاش جايين بزاف باش غير يشوفو يقرعجو عللى العروس و ماليها

ههههههههههه درتها في الشوفة كانه يسناو نلبس قنيدرة والا كاش خرابيط تاع النسا وندير مهرجان
لبسة simple classe لون تاعها doré avec pontalon وشعري simple وماكياج خفيف حتى ميبانش باللي دايرة بصح شوكيتهم لبست واحد sandal قريب 15 سم كي وقفت معاهم خافو مني جيت طويلة بزاااااااااف ههههههههههههههه

كاميلا · 2012-12-30, 20:27

اقتباس:

المشاركة الأصلية كتبت بواسطة maiar

انا جد اسفة اسمحيلي اذا انت قريتي ردي على اساس اني كليتك بالعكس كنت نكتبلك و نضحك لانو موقف صعيب و كل واحد كيفاه يخرط من راسو اسمحيلي مرة ثانية ربي يفك احوالك و يسهلك ان شاء الله

منسمحش

soha1987 · 2012-12-30, 20:28

ههههههههههههههه كاميلا كملت عجوزتك راح تجيبلك جيش باين راح يحاربو هههههههههههه
نقولك الصح حنا الشوفة تجي امو واختو وخالتو يعني 3 ولا 4 نسا فقط والرجال هو باباه وخاوتو حتا هوما مايفوتوش 4 ولا 5 نشرطو عليهم يالوكان يفوتو الحد مانحلولهومش الباب هههههههههههه نقولك لاكان هوما مايحشموش ماعندك ماديرلهوم اخلفيهالهم حكا تبردي قلبك وديلهم فالعرس جيش يعني وحدة بوحدة
ربي يهنيك كامليا ومبروك عليك
عندك ارواحي لقسم الحلويات حطيلي شوية وصفات نتاع القاطو لي راح ديريه ياسيدة الحلويات راني نستانكوماتنسايش حقي تبعثيه نجيك للدار

soha1987 · 2012-12-30, 20:30

كاميليا قوليلي واش هي اللبسة لي لبستيها فالشوفة واش هو هاداك المودال ؟

كاميلا · 2012-12-30, 20:36

اقتباس:

المشاركة الأصلية كتبت بواسطة soha1987

ههههههههههههههه كاميلا كملت عجوزتك راح تجيبلك جيش باين راح يحاربو هههههههههههه
نقولك الصح حنا الشوفة تجي امو واختو وخالتو يعني 3 ولا 4 نسا فقط والرجال هو باباه وخاوتو حتا هوما مايفوتوش 4 ولا 5 نشرطو عليهم يالوكان يفوتو الحد مانحلولهومش الباب هههههههههههه نقولك لاكان هوما مايحشموش ماعندك ماديرلهوم اخلفيهالهم حكا تبردي قلبك وديلهم فالعرس جيش يعني وحدة بوحدة
ربي يهنيك كامليا ومبروك عليك
عندك ارواحي لقسم الحلويات حطيلي شوية وصفات نتاع القاطو لي راح ديريه ياسيدة الحلويات راني نستانكوماتنسايش حقي تبعثيه نجيك للدار

اقتباس:

المشاركة الأصلية كتبت بواسطة soha1987

كاميليا قوليلي واش هي اللبسة لي لبستيها فالشوفة واش هو هاداك المودال ؟

ههههههههههههههه كون نخلفها نولي عديمة الاصول ونولي وحدة حاشاك متحشمش صح جات في بالي بصح انا منديرهاش في الاول والاخير خطيبي هو اللي راح يشيط لانه لحد الساعة الخاتم ومحبتش تشور عليه كيفاش مخليته يعوم بحره بصح في التفاصيل هاذي تعكس الامور هههههههههه لله ف يخلقه شؤون

بالنسبة للحلويات الحمد لله استقر رأيي على 6 اصناف وزوج هوما البقلاوة والمقروط
اما اللباس راني في حيرة كبيرة راني كتبت موضوع قلتلهم يشوروه عليا لاني مانيش حابة نلبس هادوك ليروب ليمودال اللي شفتهم ماش ملاح مزركشين هههههههه وفيهم الورد وانا اكره حاجة عندي هاد الشيء

كاميلا · 2012-12-30, 20:38

لبست une veste m3aha busti w m3aha pontalon
نقولك غدا ان شاء الله نصورهم ونحطهالكم في القسم الخاص وشوفيهم ونصورلك sandall اللي لبستها شوكيتهم بالطول ههه

soha1987 · 2012-12-30, 20:42

خلاص فهمتك حبيبتي غدوة راني نستانك

كاميلا · 2012-12-30, 20:51

اقتباس:

المشاركة الأصلية كتبت بواسطة soha1987

خلاص فهمتك حبيبتي غدوة راني نستانك

rah diri choufa ???

assia81 · 2012-12-30, 22:26

اقتباس:

المشاركة الأصلية كتبت بواسطة كاميلا

نو وووووووو هل انت من قسنطينة؟ دركا عاده يديره الخطبة وحدها ومن بعد الجرية والعرس مع بعضاهم الا تعرفين هذا؟ خرجة جديدة خرجوهالنا هههه
انتيا رح ديري خطبة وفاتحة مي انا لا راهي غير خطبة وماهيش عادي يجيو فيها جيش من النساء والرجال الى حد الساعة راهم هوما اللي ديسيداو هكدا

هيه انا من قسنطينة
العكس اختي كنا نديروا الخطبة من بعد الجرية بصح درك ولينا نديروا الجرية طول ولا الخطبة برك باش نقصوا علينا الهرج
المهم كيما تتفاهوا نتوما ولي يصاهروكم المهم هي المفاهمة شكرا

dala3 dalou3a · 2012-12-30, 22:35

السلام اختي و الله احنا في المنطقة انتاعنا عادي يجو كيما العدد الي قولتيه و الا اكتر المهم انتي اصبري و ما اتديري والو (وش بش اديرو ) هادا مكتوبك و ربي يهنيك اختي المهم انك ما اتديريش المشاكل و يتفركش كل شيء