عفاريت جهنم بين عيني

[* الحلم سكر *]

المشاركة الأصلية كتبت بواسطة نورسين.داية

و ما ذا سوف تجنين من كل ثورتك هذه .........و اخلافك معه ..............................................؟؟؟؟ ؟

لن تجني شيئا ................................................

شوفي عزيزتي .....................الرجل الذي يخون ................هذا للأسف فيه مرض مزمن ...............لن يشفى إلا بدعاءك ........و مراجعتك أنتي لنفسك ....لربما انتي من اخطأ معه و قصرتي معه

فنحن نقرأ ما تكتبين أنتي ...................و لا نعرف وجهة نظره هو .....................







لي عودة للموضوع .................................................. .................................................. .......لأنه ضاع لي التركيز .............

يــا أخـــتي عــلى هـــذا الأســـاس كــل واحـــدة اتــخانـت هـــي الــسـبـب ...؟؟؟؟
و فـــرضـا لازم عــلى الــمرا تــكون كــامـلة ما تــمرض مـا تتـــعب ... ؟؟؟ و اللـــه أغــلـب الــنـساء اللــي يتــخانو هــما اللـي فــي الــقـمة
و كـــان كـــلامـك ينــطبـق عــلى الأخــت و نــعرف نيـــتك تــراجــع روحــها مـي ســامــحيـني عــلى الــتدخـل مــاراهــوش وقــتـها الــمرا ربــي يــعلـمها بــحالــها و واحــد يــقلـها بالاك انــت مــقــصـرة و اللــه تــزيـد تــجـن
آســـفـة عــلى الــتدخـل أنــا و غــيـري نــفـهمو نيـتـك تــصـلحي و بالاك هــي تــراجــع روحــهـا مــي هــي بــالعـكس ماشــي وقــتـها
تــقـبلي مــروري ......

[لكحل بلال]

صراحة ختي بالعقلية تربحيه ،،اما اذا واجهته كلمة بكلمة لن تستفيدي شيئا

الرجل طبيعته رقة الكلام ، ساعفيه غير بشوي ، قال راه عندنا اولاد التهى بزوجتك وولادك ، ونكونو اسرة كما الناس ،

والله ياختي الله يعينك

شوفي لناس بكري وامهاتنا والله شوفي صبرهم بل فعلوا اكثر مما انت عليه

لكن بصبرهن روضوا ازواجهم وكانوا من الاسر التي يضرب بها المثل

[شهاب]

صعب جدا ان نحس بما تحسين
أنا لم أتذوق طعم الخيانة لأعرف الاحساس
لكن أقول:
ربي يوفق

[knives55]

قتلتيه مات كلتي لحموا وبرد قلبك واش تربحي... حبا ولادك يكملوا يكرهوك طول حياتك

خممتي في روحك برك

خلاص خئان عندك دليل أطلبي طلاق وخلاص

والله لن تجني شيئ من المشاجرة معه

أفضل ان تتركيه وحده وتذهبي الى بيت اهلك

واش راح نقولك

الله لا تربحوا هو ومثالوا.

بعدي عليه هذ ما نقدر نقولك

[أم احمد3]

.................................................. .............................

[أم احمد3]

.................................................. ..

[دموع24]

لا حول ولا قوةالا بالله
لا تتسرعي يا اختاه
اذهبي لبيت اهلك او اهله وافضحيه ولا تقومي بشئ اخريضرك مستقبلا
الله يهيه الى صراط المستقيم
اقرئي القران لكي تهدأ نفسك
الله يعينك يا اختي

[fati 17]

يااخيتي واش نقلك حضري عقلك والعني بليس اليوم متناقشي والو صلي واقري واجلي النقاش حتان تهداي باش تعرفي واش تقولي ساعة الغضب الانسان ميعرفش واش يقول بالنسبة لتصاور ممكن مفبركة ادعيربي ينورلك طريقك

[sarah1424]

ااااااااااه والله راني خايفة عليك تمنيت كون جيتي حدايا والله راني حاسة بيك انا كي نتقلق نهيج بصح مش لدرجة القتل وخاصة زوجك موالف يضربك كون تقلقيه يضربك ضربة كبيرة بعيد الشر يخليلك عاهة انا ننصحك يا اختي اتهداي طعم الخيانة مر لكن ربي كرمك بالعقل نوضي صلي ركعتين وادعي ربي وحاولي تتجنبي متحكيش معاه اليلة يا اختي غاضاتك الخيانة ولكن فكري في مستقبلك بعد لحظة تهور وش تستفيدي كي تقتليه والا يقتلك مكيش رايحة تتوصلي لنتيجة اتهداي ونوضي صلي ياااااااااااااااااااااااااااااااااااااااااارب تتهداي ومتديريش حاجة تندمي عليها واذا شايفة رحك كيش قادرة تتحكمي في روحك كلمي اهلك يجوك

[سدرةالمنتهى]

يا اختي ربي يكون في العون علابالي ما نقدروش نحسو واش راكي حاسة ......بصح ثقلي روحك شوية و اربحيه اجر عند ربي ماتخسريش روحك علىى وحدة ماتستهالكش بينك و بينها فرق انت بنت فاميليا و ام لاولاد و طاهرة و عفيفة و شوفي هي بنت الشوارع و بنت الفنادق ماتخليهاش تتسشفى فيك و ترتكبي اكبر جريمة قتل النفس اولا الصبر يعني تدخلي الجنة من غير حساب اذا صبرتي ثانيا بلاك واحد لصق الصورة في نتاعو في هذه المراة باش يخلي دارو برك ....... شوفي ديري كلش عيطي كسري خرجي قع وشكاين في قلبك الا القتل نحيه من بالك تفكري غير قصة شيماء حرام عليك تقتلي نفس واش راح تربحي في الدنيا او في الاخرة غير العذاب و النار خالدة زيدي بلاك تفكري في الانتحار ايضا راح تروحي للنار خالدة مخلدة ......انت عاقلة و مومنة اربحي فيه اجر من عند ربي و خليه هو يتخبط في السيئات منها الخيانة و الزنا و الكذب ووووووو ....... اكثري من الاستغفار و صلي و ادعي حتى توصل العشرة هذا ما ديري لان الله سبحانه و تعالى في حالة السجود يكون اقرب ليك من الوريد اي اقرب من امك و اولادك و حتى العرق اللي ينبض في جسمك و ان شاء الله انت الرابحة مانسمعوش عليك تهور

[كاميلا]

--------- كيما هذا سامحيني على الكلمة توسخي يديك بيه ؟؟؟؟؟؟؟؟ انت درك روحي لداركم وكالمي روحك واجمع يالادلة باش ميكذبكش اذا وصل الامر وقلت يكل شيء للاهل واذا ثبت لك انه صح خانك وزنى فلك الخيار اما تحمل الوضع واما تركه
والله العظيم لوكان جا جميع اللي يدير لحرام يتجلد قدام ربي وعباده مكان حتى واحد يخمم برك يشوف مع وحدة برا هذا كله نتيجة بعدنا عن تعاليم ديننا وجايبيلنا قوانين تاع الناجسين اللي ------------------------------ استغفر الله علابالي مانيش في بلاصتك مي الغاز او طلعلي من الشي اللي هدرتيه
استحلفك بالله ديري واش قلنالك متوسخيش يدك بيه ابقاي انت رمز النقاء
حسبي الله ونعم الوكيل ف يالرجال اللي كيما هكد الوحدة ولات تخاف من هاد الشيء والله يقول العبد يبقى عازب احسن من زوج خائن ولعوب يجلب الامراض والقاذورات

[المحبُّ لأهل السُّنة]

السّلام عليكم ورحمة الله وبركاته

قال رسول الله صلى الله عليه وآله وسلّم

{ ماكان الرفق في شيء إلا زانه ، وما نُزع من شيء إلا شانه }

لا تنسي :
قال رسول الله صلّى الله عليه وآله وسلّم

نسأل الله تعالى أن تسلك الأمور على خير يا ربِّ
....

[sarra5]

nti wa9ima nawya 3la lchara mala 3lah ktebti had le sujet

ki weliti matesem3ich rayna

rana nhadiw fik w ntia haba rir lchar

ya madame wlh mameno fayda hada kamel calme toi

w rohi l darkem

w fahmihem kolchi w howa wahdo yefhemha

wladek kbar allah ybarek rayha t3a9dihom msaken khami f wladek

lokan b3id lchar chi machi mlih yesra kifeh rah ywajhouh

khami 3la wladek chuia

[خديجة الجزائرية]

السلام عليكم ورحمة الله تعالي وبركاته
أختي لا تتصرفي أي تصرف تندمين عليه وماذا تستفيدين اذا قتلته غير أن تخسري دنياك واخرتك وتتسببي في تشرد أولادك -اذا كان لديكم أولاد-
ادعيلوا ربي يهديه ان شاء الله
أختي استغفري ربك و قومي توضاي و صلي ركعتين

[النجمة القطبية]

المشاركة الأصلية كتبت بواسطة samra3

السلام عليكم ورحمة الله
لقد وجدت زوجي يخونني في الدردشة مرات ومرات يكذبها كلها كلما واجهته يضربني عندها واصر انه خائن
اليوم وجدت في بادو موقع التعارف صورته مع فتاة في مكان فندق او شيء
اليوم من الصباح وعفاريت النار وجهنم بين عيني اريد ان اقتله اريد ان اقتل نفسي اريد الشر يحدث اليوم
اريد ان اموت وانا اواجهه لم يدخل من الصباح ويغلق الهاتف بينما هو في الفنادق
وهو نار تحت تبن يظهر للناس انه ملتزم وهو يقوم بما لا يفعله الاخرين
تبا تبا تبا لو كان هناك سم الفئران لتناولته لكن بعد ان اكل لحمه اولا واليوم انا مستعدة للشر بكل تفاصيله
واريد ان تنشر صورتي غدا في اول صفحة في الجريدة
زوج قتل زوجته او قتلته ثم انتحر ت او اسي شيء

هل هذا ما هداك اليه عقلك القتل والانتحار ووو
هل تحل المشاكل بثورة الغضب والصراخ ورفع الصوت
لن تستفيدى اى شئ سوى انك ستزيدين الطين بلة وتفقدين التركيز وبالتالى التصرف يكون عشوائى
استغفرى الله وروحى صلى لله ركعتين وممبعد فكرى مع نفسك بكل هدوء
واتخذى القرار المناسب ربى جعل لكل داء دواء ولكل مشكلة حل والاهم ان ربى عطانا العقل نفكرو بيه واى حل تريدينه سيكون والقرار بيدك
كونى ام مسؤولة وحكيمة وفكرى فى اولادك فان كان زوجك والله اعلم لم يتق الله فى افعاله كونى على الاقل انتى عكسه من اجل نفسك ومن اجل اولادك
وربى يهدى الجميع