يهددني بصوري - الصفحة 3

زينة نور · 2012-12-25, 19:10

منيش عارفة واش تقصدي بالصور اذا كانت الصور في وضع عادي متخافيش وخليه يخبط راسو في الحيط اما اذا كانت الصور .........
الحل انك تخبري اهلك باي طريقة ومتخليش القصة طول كل ماطولت راح تأثر عليك
ربي يفرج همك

amouna.sem · 2012-12-25, 20:40

Allah yasserlek amre haka khir ma darti hadek Ra"i dok tchofi kifah ykhalassha ghalya m3a darkom bah yatraba wanti thani man darkom makanech thika khlass khlass radilna bel khber gloubna okal m3ak et nad3oulak

amouna.sem · 2012-12-25, 20:41

Allah yasserlek amrek haka khir ma darti hadek Ra3i dok tchofi kifah ykhalassha ghalya m3a darkom bah yatraba wanti thani man darkom makanech thika khlass khlass, radilna bel khber gloubna okal m3ak et nad3oulak

nibrasse76 · 2012-12-25, 22:36

لما اعطيتيه الصور ........المفروض ثمه تفكري في اهلك بوك وخاوتك ..؟؟؟؟ .حتى نقع في الفخ باش نتعلموا ؟

بالنسبة للصور يا جماعة راهي تتطايش عند "محلات التصوير." اين يتم تحميض الافلام ...وتبقى محفوظة في ذاكرة الكمبيوتر حيث يتداولها اصحاب المحل مع من يشاء من الاصدقاء...وحتى يضيف لها اشياء اخرى ؟؟؟؟...كالعرائس والحفلات والصور الخاصة ...الخ ...على عينك كيما تحب ...وببساطة تامة تقدر تجيب اي صورة ....منذ مدة وصدفة عند مصلح الهواتف ..ضاعت بعض ملفاتي عنده ...ففتح لي الكمبيوتر الخاص به ..ورايت العجب العجاب من الصور ...التي يسربها المصوريين لمعارفهم .....ندوروا ونرجعوا للاصل ...الصور للضرورة القصوى جدا جدا ..وبهيئة محترمة فقط .

فالاخير اقول ليس شرط عند تسرب الصور ان تكوني انت من اعطاه اياها ـــ بامكانه الحصول عليها من استوديوهات التصوير ويهددك بها .

baddori · 2012-12-25, 22:36

نعتيك نصيحة اختي وانا متأكد تنجح بإذن الله قوليلو ضك نروح للشرطة ونديبوزي بلانت,,,,,,,,وضك تشوفي يولي يحاول

سدرةالمنتهى · 2012-12-26, 01:24

ربي معاك اختي انا نوصيك ماتوصليها لداركم ماتسقط الثقة بيناتكم حاولي تحكي معاه بعقلانية و قوليلي اذا كنت تحبني ماتديرليش حاجة تشوه سمعتي و اذا لقيتيه نتع زكارة و حرامي هديه انت ايضا بصور اخته حاولي كيفاش تجيبيها علابالي ماكيش رايحة تنشريها بصح هديه بيها برك اذا خاف اغضب اعرفي عندو النيف و اذا ماغضبش اعرفي روحك كنتي تمشي مع حرامي و انت كنت غافلة اخرتها هديه بالشرطة و خلاص

المتفآئلة · 2012-12-26, 12:16

اختي احذري ان تستجيبي لطلباته ....افعلي اي شيء اخبري اختك الكبرى او احد من العائلة يتفهم الامر وناضج وله خبرة في حل الامور حتى ولو كانت خالتك او عمتك ..ا

لان اول رحلة للفضيحة هي. الاستفزاز ....لو فعلت له ما يريد فلن يكف بمطالبته مرة اخرى واخرى..... لان الصور بحوزته ومن المستحيل ان يوفي بوعده من المرة الاولى بحذفهم .

شوفي كيفاه نتيجة الحرام وين توصل هدي العلاقات كامل متجيب غير المشاكل ..حاولي تلقاي حل بلا ما تضري روحك ..قولي لاهلك بلي اخترق الميكرو نتاعك وسرق التصاور ..او شيء من هذا لاقبيل وهدديه بالشرطة ...نتمنى تتحل مشكلتك ومتعاوديش غلطتك هدي مرة اخرى ...

staifia · 2012-12-26, 12:38

اختي نقلكـ حاجة معندو ما يدير
كي توصل للصح ما راح يديرلك والو
انتي قوليلي انا درت فيك ثقة وانت خنت الثقة تاعي .....
مي كاين ربي ولي راك حاب ديرو ديروا و ادا عدت ترضاها لأختك مثل هاد الشي دير اللي تحب ...
ما راح يدير والو يعرفو غير يهددوا سبحان الله ومهما يكون اختي ,,, متستلميش ليه .... تدي الضرب والتبهدايل ومتضيعش حياتك والله
ربي يكون معاكـ

شخصية نرجسية · 2012-12-26, 17:26

matkhafi mawalo ma ydir fiha walo sajlih w howa yhadad fik w3odi anti tabtazih hada anaw3 jaban w ykhaf matkhfich akhlass

leila ben · 2012-12-26, 17:41

أنا مع الأختين رزيقة وجواهر الكذب يجوز في هذه الحالات لأن اخبار أهلك ربما يطلعلهم السكر من فرط مايسمعوه أو ربما قتلك أو تزويجك بأول شخص يدق بيتك
ان كانت صور انفرادية ادعي سقوطها منك وان كانت صور في الهاتف ادعي أن الكارت ميموار تبحرتلك أما اذا كانت صور تجمعكما فاطلبي المساعدة من أحد أقاربك الذي تجدينه أجدر بالمساعدة أو ان تطلب الأمر هدديه أن ترسلي له اخوتك الى بيته كي يفضح أمره أيضا كمقولة عليا وعلى أعدائي فأكيد سيتراجع والله ولي التوفيق ربي يسترك ويستر بنات المسلمين صلي وأكثري من الدعاء .

imene12 · 2012-12-26, 18:02

عليك و على الشرطة.. روحي اشكي بيه و خاطيك الشغل.
ما تنسيش تسجليه و هو يهدر و يعترف بانه يهدد فيك بالتشهير.
ثاني كي تروحي للشرطة شوفي كاش واحد من فاميلتك يكون رزين و كبير مثلا خالك أو عمك أو زوج خالتك... المهم تعرفيه انو ما يخبرش والديك و خاوتك و يعاونك

dala3 dalou3a · 2012-12-26, 18:08

انا نقول اختي انك تصارحي اهلك بكل شيء لانك انت غلطتي و لازم تدفعي الثمن و هو ثاني لازم يتجازا على اللي عملوا ما تقوليش منقدرش نقول لاهلي لازم تقوليلهم و الا لواحدة من خواتك و الا كناينكم و الا امك المهم لازم تلقاي حل و ربي يكون في عونك و عندك ترجعيلو و الا تحليلو لانو يحتقرك و يدخلك لامور اخرى و ربي يكون في عونك هذي هيا نتيجة العلاقات

sali-sali · 2012-12-26, 18:26

ضروك اسمها طفرت ووقع الفاس في الراس
حاولي تهدري معاه بطريقة تخليه يرجعهملك و لا احكي للاهل نتاعك ولا للاهل نتاعه هو
هدا هو سلاكها

amouna.sem · 2012-12-26, 22:36

nouna winek ghir el khir

razika zouzou · 2012-12-27, 11:29

السلام عليكم ختي نونا غير الخير قوليلي

حكيتي لداركم