اريد ان تدلوني

[امينة ع]

السلام عليكم انا ام لطفل هدا وين قفل 3سنوات ودخل 4 يعني عندو 3سنين و4شهور
ياك هكا
المهم حسيتو يحب الاطفال وكره من الوحدة متعلق كثيرا باولاد عمو خاصة بنت عمو الصغرى الي فاتها 8شهور
ويقول انا تاني نبغي خويا
مرات نفكر في الانجاب مرة اخرى ومرات نقول لالا
للعدة اسباب مرات نقول نكبرو خير
ومرات يشفني للانو وحيد
ومرات نتقلق من ظروفي بحيث اني نسكن عند حماتي ومبغيتش نسفري كيما المرة الاولى للاني شفت الويل من بنت حماتي الي تربي فيها مع المرض والمشاكل ياك تعرفو الوحم
ومرات نقول نصبر تطلع داري ونوسع عليا وندير غرفة للاود ويكون كل شئ اوك لكن الدار طالت بقاتلها عام وتطلع
على فكرة عمري 27سنة
ارجوكم راسئ راح ينفجر انصحوني

[امينة ع]

صباح الخير
على ماظن ولا واحدة راهي تحب تنصحني ولا تساعدني ولا موضوعي غير مهم للبعض
اردت النصحية فقط والاستفادة من خبرات المتزوجات ورؤية تجارب السيدات وماهي الطريقة الفضلى لتنظيم بين اعمار اطفالنا وعلى اي اساس
اسفة 19مشاهدة ولا رد واحد

[أشجان عابرة]

أسأل الله أن يفرج عليك أختي ويزيل همك .

[ريمة89]

السلام عليكم رغم انني لست خبيرة الا انني اردت ان انصحك من وجهة نظري
وليدك راه كبر الله يبارك بطيتي ماجبتيلوش اختوا ومن العادي يحب خوه ولا ختوا علاه راكي تخممي وحم من وحم على الاقل تكوني رفدتي وجوزتي مام مع المشاكل لكن تتوجي هداك العداب ب طفيل ولا طفلة لكن تستناي الدار وبالاك الظروغ ماسمحتش صرات حاجة ولا اي حاجة لا قدر الله لالا اختي مادام راجلك قدامك وتقدري انصحك انك ترفدي وديجا عام تكوني رايحة ب 2 لدار ان شاء الله
وتاني سنك 27 راكي روطار هههههههههه هداك هو تزيدي ولا راكي ناوية 2 برك مانعرف لكن انا ننصحك بلي تحملي وان شاء الله ربي يجيبها فالصواب
ماتنسايش خلي شوية على ربي ديريهل واتكلي على ربي تشوفوي واحد ماراه عارف غدوة كيفاه

[لينة نور]

المشاركة الأصلية كتبت بواسطة امينة ع

السلام عليكم انا ام لطفل هدا وين قفل 3سنوات ودخل 4 يعني عندو 3سنين و4شهور
ياك هكا
المهم حسيتو يحب الاطفال وكره من الوحدة متعلق كثيرا باولاد عمو خاصة بنت عمو الصغرى الي فاتها 8شهور
ويقول انا تاني نبغي خويا
مرات نفكر في الانجاب مرة اخرى ومرات نقول لالا
للعدة اسباب مرات نقول نكبرو خير
ومرات يشفني للانو وحيد
ومرات نتقلق من ظروفي بحيث اني نسكن عند حماتي ومبغيتش نسفري كيما المرة الاولى للاني شفت الويل من بنت حماتي الي تربي فيها مع المرض والمشاكل ياك تعرفو الوحم
ومرات نقول نصبر تطلع داري ونوسع عليا وندير غرفة للاود ويكون كل شئ اوك لكن الدار طالت بقاتلها عام وتطلع
على فكرة عمري 27سنة
ارجوكم راسئ راح ينفجر انصحوني

السلام عليكم

سبع وعشرون عام لست كبيرة لكن من المؤسف انك لم تلدي بعد ابنك

لو فرضنا انك حملت الان سوف يكون فارق السن بين الطفلين ليس اقل من اربع سنوات .أراه كثيرا ..

لا الوحم يتشابه ولا الاطفال ولا تسطري حياتك مقارنة مع حياة الناس ,فكري مع زوجك وافعلي ما ترتاحون اليه

ونصيحتى لك أن ابنك من حقه ان يكون له اخوة وانت تحرمينه من ذلك بل ربما حتى الوحدة سوف تاثر على نموه

صحيا جسدياونفسيا [ لكن لم يفت الاوان]

هيا اتكلي على الله وجبيلن بنوتة حلوة وسميه علي هههههه.

خذي نفسا عميقا وحاولي ترتيب أفكارك أخية أنا أم لاكثر من طفل لن اٌقول هم ملائكة واني لم اتعب

لكن من طلب العلى سهر الليالي ....والاطفال زينة الحياة الدنيا بربك الا يعجبك مثل هذا




الا تشتاقين لقبظته الرقيقة ..ونظراته البريئة

تمنيات لك بالتوفيق أخية .

[امينة ع]

مساء الخير والانوار ياحلى من نورتا موضوعي شكرا وشكرا لكما
شكرا لريمة 89
ولينة نور
والله شجعتوماني كنت اريد ان اسمع هدا ان القي نصحية للان اسمع اكثر من رأئ وأرىالصواب
والله تعبت من تطليع وتنزيل الفكرة وكيفية تنظيم ووووووووووووووووووووووووووو
انا الفكرة متقبلتها لكن نشوف ونحب نعرف وناقش نشوف رأي صح ولا غالطة في حسابي
شكرا لكما على النصيحة وسأعمل عليها
الى اللقاء