أين الصواب ؟؟؟ أرشدوني

[* الحلم سكر *]

السلام عليكم و رحمة الله ... لن أطيل عليكم و لكني حقا احتاج مشورتكم و كلي ثقة بكم
حكايتي أنا بنت عندي 32 سنة
انا فتاةعندي 32 سنة اتـخرجـت من الجامعة و موظفة .. انا و الحمد لله مــررت بـمرحلة طـفولة أكثر مـن رائـعة مع والدي و كنت قريبة لصديقتي و اهلها وهما جيرانا و شاءت الأقدار يدخل على هذه العيلة امرأة فرقت بين والد صحبتي و والدتها و كانو كل يوم مشاكل تصل حتى لبرا و اتفرقت العيلة و اتشردو الولاد اللي ما احترموش والدهم بالكلام من كثر الضغط و ضاعت العيلة و اتفرقت انا و صحبتي ...
بـعدها توفـي والـدي و حـسيت اني خـسرت كامـل طـفولتي و اللي نحبـهم ... بـعدها رجـع أخـو صـاحبتي لـوالده و سـاعدو على الـعمل بالتـجارة
اللي حـصل اني أخـو صحـبتي فـاجئني و بـعث والـدو يـخطبني ؟؟؟؟ انا مـؤخـرا مـريت بـمرحلة نـفسيـة صـعبة جـدا مـن علاقة عاطفية مع خطيب ضـيع كل احساس جـميل داخلي و كـنت رافضة حـى مـبدأ الزواج
أهلي اخـواتي رافـضين على أسـاس فـرق الـمسـتوى بـنا و مع انو متربي و عاقل لكن اخواتو يحبو غير المـشاكل و ماعجبهمش كي والدو كلم أختي الكبرى و ما كلمش خويا هذا الموقف ماعجبهمش
......... المـشكـلة عـندي مانيش عارفـة نفـكر أنا مرتاحة ليه و الا حنين فقط للطفولة ..اللي عرفتو هو من مدة حاط عينو علي و ما كنتش متوقعة مي علاه تكلم مع أختي ماشي خويا ؟؟؟ و الا عادي ؟؟؟
دارنا رافضين ماعدا خويا واحد على أساس فرق المستوى العلمي بينا و خدمتو ماشي ستابل و خواتاتو صعاب و هو راح يسكن مع والدو مي بجهة وحدو يعني خواتاتو راح يجي يوم و يقلقوه ؟؟ هما صعاب صح مي
هو عاقل و متربي و أنا حاجة داخلي مانيش قادرة نرفضه حاسة حاجة داخلي رجـــعتـلي مــعاه يـا تـرى الـماضي و الا حاضـر ؟؟و بنفس الوقت موقفهم حيرني اللي والدو ما كلمش خويا راجل لراجل ؟؟؟ قالها رجعولي و ماما قاتلي لازم هو يجي و يعاود يسأل اذا موافقين و الأفضل تنسي حكايتو
حاسة روحي ضايعة بينهم و بين احساسي و بين موقفهم ؟؟؟؟؟
بـــــــالـلـــه عــــــلــيـــكـــم ســــاعـــــدونــــــــي
كـــلــي ثـــقــة بــــرايـــكـم و مــــتأكـــدة مـــش راح تـــــخذلـوني لأني فـــعلا عـــلى حـــافة الـــجنون عــملـت اســــتخارة و مــــستـنية ردكــــــم عـــــلى نــار عــــاونوني و سامحوني على الاطالة

[مريم الصابرة]

السلام عليكم اختي
اولا هو خطبك وخليكم من تفاهات علاه ما قالش لخوك وقال لختك ولازم يعاود يجي با ختي المهم عاقل ومتربي ويصلي ويخاف الله وإنت حاساتو مليح وزيد تعرفي وضعهم وخوتاتو الله يهديك مهما كانو يجي نهار يتزوجو او ممكن متزوجات اكيد يجو لدار خوهم ومهما يكونو صعاب خليك إنت المليحة والمهم راجلك واش راحلك فيهم كان جاوك ضياف قومي بيهم وزوريهم والكلام الزايد ارمي عليك راهم خوتات ووحدة تهدر في وحدة ماكانش العاقلة نحكو بكل صراحة
بالنسبة لخطبتو ليك بهذي الطريقة نظن حاب يعرف رأيكم واكيد راح يجي ويخطبك والدو كيما العادات علاه راكم تكبرو فيها
المستوى والله يضحكوني لبنات تجي تقولك المستوى واشبيكم المهم يصلي يعرف ربي عاقل ومتربي وقيمتو مليحة عند الناس روحي شوفي اللي متزوجات باللي عندهم المستوى كيما هوما مشربينهم المرار انا ننصحك توافقي عليه الصراحة لو انا نقبلو وعادي واي وحدة يخطبها تقبلو الدنيا راهي تزيد تصعاب يا اختي وجاك الحلال وللدار وتعرفي اصلو وفصلو إنوي وإتكلي على ربي م وإنك حاسة حنين للطفولة ما عشتيه محرومة للدرجة هذي الحمد لله انا نظن إنو اللي تعرفيه خير من اللي ما تعرفيهش موفقة.

[مريم الصابرة]

السلام عليكم اختي
شوفي من راي إقبلي بيه بالنسبة للمستوى والله يضحكوني اللي تقولك المستوى قولي لخوك لو إنت في بلاصتو واش تحس الراجل عيبو اخلاقو لا مستواه واش ديري بيه كادر فالحيط والله عجب لحقنا زمان رجع العيب فالراجل على جال ما قراش لمستوى معين واش حابة تتزوجي طيار يطير ويخليك وإلا طبيب حياتو كاملة برا من الدار الله يهديهم خاوتك المهم راجل يهنيك وتعيشي معاه مرتاحة
بالنسبة لخوتاتو يا اختي كيما تحبي خوتاتك هو ثاني ويجي نهار يتزوجو وكان هوما متزوجات خلاص واجب عليك الضيافة تزوريهم ويزوروك والاهم زوجك وتقيميه وتحترمي اهلو كيما تحترميه المسألة مسألة ذكاء والرابحة إنت اكيد
وخطبك ببالطريقة هذيك حاب يعرف رايكم قبل من بعد يحكي والدو مع خوك عادي كيما العادات إنتوما كبرتو الموضوع
بالنسبة لحنينك للطفولة لا نظن داخلط قابلاتو ولكن الضغوط خلاتك تفكري هكذاك موفقة ومن ٍاي فكري وأقبلي بيه

[* الحلم سكر *]

المشاركة الأصلية كتبت بواسطة مريم الصابرة

السلام عليكم اختي
شوفي من راي إقبلي بيه بالنسبة للمستوى والله يضحكوني اللي تقولك المستوى قولي لخوك لو إنت في بلاصتو واش تحس الراجل عيبو اخلاقو لا مستواه واش ديري بيه كادر فالحيط والله عجب لحقنا زمان رجع العيب فالراجل على جال ما قراش لمستوى معين واش حابة تتزوجي طيار يطير ويخليك وإلا طبيب حياتو كاملة برا من الدار الله يهديهم خاوتك المهم راجل يهنيك وتعيشي معاه مرتاحة
بالنسبة لخوتاتو يا اختي كيما تحبي خوتاتك هو ثاني ويجي نهار يتزوجو وكان هوما متزوجات خلاص واجب عليك الضيافة تزوريهم ويزوروك والاهم زوجك وتقيميه وتحترمي اهلو كيما تحترميه المسألة مسألة ذكاء والرابحة إنت اكيد
وخطبك ببالطريقة هذيك حاب يعرف رايكم قبل من بعد يحكي والدو مع خوك عادي كيما العادات إنتوما كبرتو الموضوع
بالنسبة لحنينك للطفولة لا نظن داخلط قابلاتو ولكن الضغوط خلاتك تفكري هكذاك موفقة ومن ٍاي فكري وأقبلي بيه

الله يــــخليك حــبيـبتي و يـــعطيك ما تــتمني كــنت صــح مــحتاجة واحــد يفــهمني روحـــي ... صـــدقيني و الله كــلامــك بالــضبـط عـييـت نقولو لــدارنا هــما خايـفين على خاطر ببالـهم عشت بـعيدة على المـشاكل و صح راني كيما قلت مرتاحة ليه وخلطت علي ... ربـــي يفرحــك و يهنيك

[مريم الصابرة]

السلام عليكم اختي
انا ننصحك مادام راكي مرتاحلتو وعاقل ومتربي أقبلي بيه وداركم قنعيهم اكيد ممكن كان هوما يرضاولك السعادة وتزيدي تقنعيهم بالكلام راحين يقبلو إن شاء الله زراني متاكدة لما تزيدي تولي تحكي معاه وتتقربو ما راكيش راحا تندمي نقولك علاه لما لقاي شخص يكون من الأول ناويك للزواج وإنت ما على بالكش اعرفي باللي يحب يكمل حياتو معاك وراحا تعيشي مرتاحة معاه بزاف ربي يوفقك حنونة ويجمع بيناتكم يا رب.

[* الحلم سكر *]

المشاركة الأصلية كتبت بواسطة مريم الصابرة

السلام عليكم اختي
انا ننصحك مادام راكي مرتاحلتو وعاقل ومتربي أقبلي بيه وداركم قنعيهم اكيد ممكن كان هوما يرضاولك السعادة وتزيدي تقنعيهم بالكلام راحين يقبلو إن شاء الله زراني متاكدة لما تزيدي تولي تحكي معاه وتتقربو ما راكيش راحا تندمي نقولك علاه لما لقاي شخص يكون من الأول ناويك للزواج وإنت ما على بالكش اعرفي باللي يحب يكمل حياتو معاك وراحا تعيشي مرتاحة معاه بزاف ربي يوفقك حنونة ويجمع بيناتكم يا رب.

فضلت علي يا أختي العزيزة ما تتـصوريــش شـحال كـنت مـقلـقة و مـحتاجـة راي حــيادي ربي يــحميك و يــعطيك ما تــتمني

[* الحلم سكر *]

صح عيدكم خاوتي ...و الله فعلا سبحان الله بقدر الـفوضى اللي داخـلي وتــخمامي بالــموضــوع اســتغربـت عــدم الردود
توقـعت راح تـــلق اهــتمام و ردود عـلى الأقل نــتبادلىو وجـــهات الــنظر مـــي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[sarl02]

شوفي يا اختي بغض النظر انو كل شيء بالمكتوب والخير ما تعرفيهش من اين ياتي..لكن انا انقولك التوافق الفكري يلعب دور كبير في العلاقة الزوجية على الاقل بالنسبة لي والامر يبقى نسبي يعني كاين الي ما اهموش هذا الجانب والامر يكون عادي ..يعني المهم قناعتك تكون كاملة بهذا الشخص وما اتكونش موافقتك باش تخرجي من الضغط تاع التجربة السابقة اما بالنسبة للاهل فان كنت موافقة فقليل من الصبر حتى تتمكني من اقناعهم ..اما بالنسبة لطريقة الي اتقدم بها والدو ما اتضخموش الامور يمكن كان تصرف عفوي ولو انو الواجب المراة تتكلم مع المراة والرجل يتكلم مع الرجل في مثل هاته الامور ...انت المهم ذرك لازم تتخدي قراراك النهائي والحاسم بالموافقة على هذا الشخص من عدمها وبعدها تاتي خطوات اقناع الاهل وما شابه ذلك ..وربي اوفقك ان شاء الله الى ما فيه الخير والصلاح.

[بنت الرّحّل]

المشاركة الأصلية كتبت بواسطة pgcd

صح عيدكم خاوتي ...و الله فعلا سبحان الله بقدر الـفوضى اللي داخـلي وتــخمامي بالــموضــوع اســتغربـت عــدم الردود
توقـعت راح تـــلق اهــتمام و ردود عـلى الأقل نــتبادلىو وجـــهات الــنظر مـــي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أختي الفاضلة سامحيني
لقد كتبت ردا ثم تراجعت عنه وها أنا أعيد صياغته لعلك ترضين عنا
أولا : ما ذكرته أختي عن حنينك لأيام الطفولة أعتقد برأيي أنه عامل من العوامل المؤثرة على ميل القلب
فالأفضل أن تحاولي الفصل بين حنينك وذكرياتك وبين رؤيتك للشخص الذي تريدين الارتباط به !يعني أن يكون ميلك لأخلاقك وتدينه ومواصفاته وأفكاره التي تشتركين معه فيها هو الأكثر والأغلب
لأن بناء خطوة مهمة في الحياة على عواطف مضطربة يشكل مشكلة في الانسجام فيما بعد .. كيف ؟
لأنك تتوقعين أن يعطيك شيئا من الماضي وأن يرجعك لسعادة الماضي والحقيقة هذا مطلب عسير جدا قد لا يتوفر ولا يمكن وأحيانا سعادة الماضي لا يمكن أن تستعاد و تحدث مشاكل كثيرة تعود عليك بالضرر
فحيرتك في تحديد مشاعرك لا يمكن أن يخرجك منها أحد غيرك ..بل أنت عليك أن تتلمسي في قلبك لماذا هو مقبل على الموافقة وما الشيء الذي يؤثر أكثر في ميلك إليه هل هو الحنين أم مواصفاته أو شيء آخر يقال عنه من النظرة الأولى حين الخطبة...( أسمع به فقط والله )
هذا الحنين إلى الطفولة شيء جميل وطيب لكن إن كان هو الأغلب على قلبك في رأيي ليس بحسن والله أعلم

الأمر الثاني بخصوص رفض أهلك له لمستواه فهذه يكاد يتفق عليها ..المستوى الأكاديمي أو المادي ليس له علاقة بقيمة الشخص..قيمة الشخص أخلاقه وأعماله
وللأسف هذه نظرة قاصرة وضعيفة جدا ذلك أن الحياة الأسرية لا تقوم على مثل هذه الشكليات لكنه زمن المظاهر والتفاخر بما لا فائدة منه
وسبحان الله ..أتساءل هل حين تتزوج المرأة الرجل وتحدث بينهما مشاكل التي في العادة تحصل بين الزوجين .. هل ستحتاج إلى شهادته أو جيبه أو إلى قاماه أو حتى إلى منصبه ... أم سحتاج إلى سعة الصدر ورحابته ودماثة الخلق وكمال العقل؟
إنه شيء غريب جدا أن ينساق الناس وراء هذه التفاهات
ثم كم من شخص عنده مستوى ولكن مستواه الفكري والأخلاقي متدني لدرجة لا تتصور
نحن نرى في الواقع العجائب
...!
الامر الثالث : في الحقيقة أنا لم يعجبني تكلمه مع أختك الكبرى ..من المفروض أن يتكلم مع أخيك ولي أمرك لأنه أقرب له ولأنه وليّك

الامر الرابع : بالنسبة لأخواته العجيبات فالأمر يعود إليك بأن تكوني صبورة وتكوني محبة لزوجك بحيث أي ضغط من طرفهن في المستقبل تتحملينه ولا تضعي زوجك بينك وبينهن
ويعود أيضا إلى شخصيته في البيت وتعامله هو معهن ...ويغلب على ظني أنك إن كنت حكيمة وصبوووووووووووووورة يمكن أن تتعاملي معهن بحنكةوإن كنت عالية الهمة كسبتهن إلى صفك
والله هو المعين

وأخيــــــــــــــــــــــــــــــــــــــــــــرا
إن وُفقت إلى تحديد ميلك نحو الخاطب وأنه ليس تحت أي تأثير يعود عليك بالضرر ومازالت رغبته في التقدم إليك موجودة عادي جدا أخبري أخته بأنك موافقة وهم إن شاء الله يأتون ويحدث الخير لك

وأختي مريم ما شاء الله نصيحتها تساوي كل الردود

سامحينا أرجوك ولا تغضبي منا

أتمنى لك التوفيق أختي

[ام ملاك.]

شوفي اختي ياك مازال ماكانش حاجة رسمية لوكان راح لخوك احسن باش خوك غدوة كي تتزوجي مايقولكش تزوجتي وحدك ياك مافيها والو اذا عاود الهدرة مع اخوك لاني متاكدة انو خوك راه يحس روحو هو المسؤول عليك مهما يكون صغير
اذا كان هذي هي المشكل باش تبعدي على المشاكل وتروحي برضى اهلك
الله يوفقكويمدلك ماتتمناي ان شالله
صح عيدكم

[* الحلم سكر *]

المشاركة الأصلية كتبت بواسطة بنت الرّحّل

أختي الفاضلة سامحيني
لقد كتبت ردا ثم تراجعت عنه وها أنا أعيد صياغته لعلك ترضين عنا
أستغفر الله أختي عتابي و ان كان هو فقط بدافع المحبة و الثقة بآرائكم
أولا : ما ذكرته أختي عن حنينك لأيام الطفولة أعتقد برأيي أنه عامل من العوامل المؤثرة على ميل القلب
فالأفضل أن تحاولي الفصل بين حنينك وذكرياتك وبين رؤيتك للشخص الذي تريدين الارتباط به !يعني أن يكون ميلك لأخلاقك وتدينه ومواصفاته وأفكاره التي تشتركين معه فيها هو الأكثر والأغلب
لأن بناء خطوة مهمة في الحياة على عواطف مضطربة يشكل مشكلة في الانسجام فيما بعد .. كيف ؟
لأنك تتوقعين أن يعطيك شيئا من الماضي وأن يرجعك لسعادة الماضي
و هـــذا بالذات اللي شــل تــفكيري
والحقيقة هذا مطلب عسير جدا قد لا يتوفر ولا يمكن وأحيانا سعادة الماضي لا يمكن أن تستعاد و تحدث مشاكل كثيرة تعود عليك بالضرر
فحيرتك في تحديد مشاعرك لا يمكن أن يخرجك منها أحد غيرك ..بل أنت عليك أن تتلمسي في قلبك لماذا هو مقبل على الموافقة وما الشيء الذي يؤثر أكثر في ميلك إليه هل هو الحنين أم مواصفاته أو شيء آخر يقال عنه من النظرة الأولى حين الخطبة...( أسمع به فقط والله )
هذا الحنين إلى الطفولة شيء جميل وطيب لكن إن كان هو الأغلب على قلبك في رأيي ليس بحسن والله أعلم
فــعلا
الأمر الثاني بخصوص رفض أهلك له لمستواه فهذه يكاد يتفق عليها ..المستوى الأكاديمي أو المادي ليس له علاقة بقيمة الشخص..قيمة الشخص أخلاقه وأعماله
وللأسف هذه نظرة قاصرة وضعيفة جدا ذلك أن الحياة الأسرية لا تقوم على مثل هذه الشكليات لكنه زمن المظاهر والتفاخر بما لا فائدة منه
وسبحان الله ..أتساءل هل حين تتزوج المرأة الرجل وتحدث بينهما مشاكل التي في العادة تحصل بين الزوجين .. هل ستحتاج إلى شهادته أو جيبه أو إلى قاماه أو حتى إلى منصبه ... أم سحتاج إلى سعة الصدر ورحابته ودماثة الخلق وكمال العقل؟
إنه شيء غريب جدا أن ينساق الناس وراء هذه التفاهات
ثم كم من شخص عنده مستوى ولكن مستواه الفكري والأخلاقي متدني لدرجة لا تتصور
نحن نرى في الواقع العجائب
...!الفرق على أساس اختلاف الـطباع و طـريقة التفكير هو جـعل أهلي متـخوفين و فعلا واقعنا يثبت انو المستوى الفكري بعيد كل البعد عن الدراسي
الامر الثالث : في الحقيقة أنا لم يعجبني تكلمه مع أختك الكبرى ..من المفروض أن يتكلم مع أخيك ولي أمرك لأنه أقرب له ولأنه وليّك
تـــماما .....
الامر الرابع : بالنسبة لأخواته العجيبات فالأمر يعود إليك بأن تكوني صبورة وتكوني محبة لزوجك بحيث أي ضغط من طرفهن في المستقبل تتحملينه ولا تضعي زوجك بينك وبينهن
ويعود أيضا إلى شخصيته في البيت وتعامله هو معهن ...ويغلب على ظني أنك إن كنت حكيمة وصبوووووووووووووورة يمكن أن تتعاملي معهن بحنكةوإن كنت عالية الهمة كسبتهن إلى صفك
والله هو المعين

وأخيــــــــــــــــــــــــــــــــــــــــــــرا
إن وُفقت إلى تحديد ميلك نحو الخاطب وأنه ليس تحت أي تأثير يعود عليك بالضرر ومازالت رغبته في التقدم إليك موجودة عادي جدا أخبري أخته بأنك موافقة وهم إن شاء الله يأتون ويحدث الخير لك

وأختي مريم ما شاء الله نصيحتها تساوي كل الردود

و اللـه الاخت مـريم كان ردهـا أكــثر مأأن مــجرد رأي جــعلت الكــلام الــصامت داخــلي لــيخـرجني مـن كثير الغموض الذي حـجب عــني الـتفكير السليم
سامحينا أرجوك ولا تغضبي منا

أتمنى لك التوفيق أختي

الــعفو أخـــتي و اللــه و اللــه فضلـتم و أجــبتم عـن الــموضوع لأبعد من حــروفه بــل أعــمق بــكثير و كــانكم قرأتـــموني دون كــلام ما عـــساني أقـول جزاكم الله كل خيرو وفــقك اللــه الى كل ما يحبه و يرضــاه ألف شكر

[الواثق]

هو الامر صعب الحكم عليه وانت أعلم باحوالك واحوال هذا الخطيب ................استخيري الله فان وجدت راحة وتيسيرا اقدمي ولا تلتفت

والله اعلم

[* الحلم سكر *]

المشاركة الأصلية كتبت بواسطة sarl02

شوفي يا اختي بغض النظر انو كل شيء بالمكتوب والخير ما تعرفيهش من اين ياتي..لكن انا انقولك التوافق الفكري يلعب دور كبير في العلاقة الزوجية على الاقل بالنسبة لي والامر يبقى نسبي يعني كاين الي ما اهموش هذا الجانب والامر يكون عادي ..يعني المهم قناعتك تكون كاملة بهذا الشخص وما اتكونش موافقتك باش تخرجي من الضغط تاع التجربة السابقة اما بالنسبة للاهل فان كنت موافقة فقليل من الصبر حتى تتمكني من اقناعهم ..اما بالنسبة لطريقة الي اتقدم بها والدو ما اتضخموش الامور يمكن كان تصرف عفوي ولو انو الواجب المراة تتكلم مع المراة والرجل يتكلم مع الرجل في مثل هاته الامور ...انت المهم ذرك لازم تتخدي قراراك النهائي والحاسم بالموافقة على هذا الشخص من عدمها وبعدها تاتي خطوات اقناع الاهل وما شابه ذلك ..وربي اوفقك ان شاء الله الى ما فيه الخير والصلاح.

مـــستـحيل مايــهمنــيش الـتوافق الفــكري بيـنا كتفكير ما نعرفوش كيفاه يخـمم في حياتو مي صــح كـاين حـاجة خلاتـني مانعــرفش نـفكر و الا مارانـيش شايفة حاجة هما كامل شايفــينها على بيـها خوفـني رفـضهم على خاطر اعتراضهم هو كـراي فقط مستحيل يحتمو علي مي هــذي أول مرة يصرا العكــس بالعادة دايــما يوافــقو و أنا نرفــض بــعد تجــربتي الأكـثر من قاسية مع خطـيبي فقدت الـثقة و رفضت كثير و صرت خايفة مي علاه مـع هـذا عقلي توقف على التفكير بالاك الخوف من شخص مانعرفوش قلت خليني مع اللي نعرفو و ممكن ماضي الطفولة معاهم و ممكن هو عاقل كما يبدو
بصراحة المشكل مانيش عارفة نــخـمم
ثـــقلت عــيكم مــع العيـد و دوخــتكم سامحوني
و تـــقبل احـــترامي و كــامل الــشكر على مـــرورك الــكريم

[* الحلم سكر *]

المشاركة الأصلية كتبت بواسطة مونية ك

شوفي اختي ياك مازال ماكانش حاجة رسمية لوكان راح لخوك احسن باش خوك غدوة كي تتزوجي مايقولكش تزوجتي وحدك ياك مافيها والو اذا عاود الهدرة مع اخوك لاني متاكدة انو خوك راه يحس روحو هو المسؤول عليك مهما يكون صغير
اذا كان هذي هي المشكل باش تبعدي على المشاكل وتروحي برضى اهلك
الله يوفقكويمدلك ماتتمناي ان شالله
صح عيدكم

و فـــعلا هــذا اللـي نخـمم فـــيه حالـيا درت اســتخارة و صــليت كـثير و واثـقة في رحـمة ربـي سـبحانو ... راح نـرتاح مـن التـفكير و نـخليها عـليهم اذا عـملو الواجب و سـألو و أبدو الجدية يعملها ربي ألف حل كيما يقول مي درك راح نتـناسى و نرتاح
شــكرا ليك و ربــي يـــعطـيك أكــــثـر مما تتــمـناي ..

[* الحلم سكر *]

المشاركة الأصلية كتبت بواسطة الواثق

هو الامر صعب الحكم عليه وانت أعلم باحوالك واحوال هذا الخطيب ................استخيري الله فان وجدت راحة وتيسيرا اقدمي ولا تلتفت

والله اعلم

و نـــعمة بـاللـه هو أدرى مـنا عــلى أحــوالنا و أحـــن مـــنا عـــلى أنــفـسـنا ...
ألــف شــكر أخــي