بخصوص الشبه الطبي 2

kousouvali · 2012-10-10, 11:24

السلام عليكم و رحمة الله و بركاته بغيت نسقسي اللي سبقونا للمعاهد الشبه الطبية في باتنة او غيرها على الاقامة فيهم كيفاش تكون اولا كيفاه حتى تتحصل على غرفة عندهم وواش احوال هده الغرفة و اللوازم اللي نديوها معاهم انا كل واحد كيفاش يهدرلي و الله غير دبدبوني مالقيتش روحي و زدت انا من غير ولاية والله العظيم راح يطكطكوني من فضلكم اللي عندو اية معلومة يفيدنا على وجه ربي

شوق الجنة · 2012-10-10, 11:48

اتمنى ان يفيدوك ليس لى ادنى معلومات

زهرة الجزائر 07 · 2012-10-10, 14:02

والله يا ختي كامل هكدا ماشي غير في باتنة

حنا في بسكرة سي كيف كيف ليوم رحت للمعهد قالولي حتى ل4 نوفمبر تبدالقرايا

وعلى الاقامة قتلهم كيفاه
قالولي كي تجي نهار 4 نوفمبر رانا نقولولكم شكون الي عندو الحق في الاقامة و شكون لالا

يعني هوما يبداو من الاشخاص لبعاد على الولاية بعدد الكيلومترات و يهبطو حتى يخلاص العدد تاع الأسرة *مثلا 600 سرير يعني 600 شخص*

hicham4000 · 2012-10-10, 14:20

اقتباس:

المشاركة الأصلية كتبت بواسطة زهرة الجزائر 07

والله يا ختي كامل هكدا ماشي غير في باتنة

حنا في بسكرة سي كيف كيف ليوم رحت للمعهد قالولي حتى ل4 نوفمبر تبدالقرايا

وعلى الاقامة قتلهم كيفاه
قالولي كي تجي نهار 4 نوفمبر رانا نقولولكم شكون الي عندو الحق في الاقامة و شكون لالا

يعني هوما يبداو من الاشخاص لبعاد على الولاية بعدد الكيلومترات و يهبطو حتى يخلاص العدد تاع الأسرة *مثلا 600 سرير يعني 600 شخص*

يعني كيف قالونا انا و انت اجوبة مختلفة و نحن من نفس الولاية و زيد اختي طالب يبعد عن مقر سكنه ب 50 كم عندو الحق الاقامة هك قالولي انا و زيد ماكانش منها هدا يعني ما عندكش الحق في الاقامة هدا حقك اختي و زيد انت من اي دائرة من اي بلدية اختي,,,,,انا اعرف العديد من الطلاب لي درسو من بلدية سيدي خالد و اولاد جلال الدوسن و طولقة و زريبة الواد و عندهم الاقامة اختي و زيد يعني كيفاه رايح يقراو هادو الى كان ما عندهمش اقامة ,,و هوما سحبو بكالوريا تاعهم

kousouvali · 2012-10-10, 16:33

شوف حنا اللي نسكنو في ولاية ام البواقي و نقرو في ولاية باتنة و يقولك ما نعرف حتى نلقاولك حل لازم يقولولنا باه نديرو حسابنا على الاقل

hicham4000 · 2012-10-10, 16:47

ربي يهديهم كامل مي نقولك حاجة خاوتي انتوما في ام البواقي حاجتكم مي نقولك حاجة انا كي نلحق ولاية بسكرة و ما نلقاش اقامة و الله نوريهم يعني انا بعيد 100 كم كيفاه ندير و زيد الاقامة كاينة في المعاهد..انا نجيب حقي حل ولا ذراع و الله العضيم نحرق المعهد بكل قااااااالك ما كانش اقامة قالك....

قطر الندى48 · 2012-10-10, 17:33

ما يجي يلحق ال 4 نوفمبر يل ولينا بلا عقل هههه

هبلونا

انا من غليزان و نقرا في مستغانم و نهار كملت التسجيل النهائي قالتلي بما انك ماشي مستغانم راح تستفيدي من الاقامة و ملف الاقامة فيه غير شهادة اقامة

اما اللي يسكنو في مستغانم يعني فالولاية اللي فيها المعهد قالتلهم الملف تاعكم تاع الاقامة فيه طلب ايواء + شهادة اقامة

و ممبعد يشوفو البعد زعما و يقرروا شكون يقبلوه فالاقامة و شكون لا على حساب ما عندهم بلاص
...
انا باغية نعرف الاقامة كيفاش دايرة و واش نستحقو
و دوك في 22 كي نروحو واش ندو معانا؟
...
ربي يوفق اللجميع

vive-nad · 2012-10-10, 18:07

khti diri fi balek belli makanch 9raya fi jami3a fiha ta3 wilayat khrne wella baladeyat bla i9ama w l9anoun ygoulek belli lelbnat li byarhom b3ad 3la ljami3a b ktar men 60 KM 3endhom droit f la city w ida ma3tawnach 3endna l7a9 ngrfou psq mahich mzeya manhom wella haja rahi ha9na

ليليان ليان · 2012-10-10, 20:34

ختي انا عندي جارتنا نجحت فالشبه طبي وكي راحت تسجل قالولها تاع ولاية باتنة مستحيل نمدولهم الاقامة لكن نديرو فيهم مزية ونتافهموا مع الجامعة ليكانوا فيها ونخليهم في الاقامة تاعهم ولله اعلم