النفاق و علاقاتنا الاجتماعية - الصفحة 2

SOUSOU. DZ · 2012-10-06, 23:15

اقتباس:

المشاركة الأصلية كتبت بواسطة soso sirin

اودي انا و ماصبتش راحتي مي قلت خليني نمي لغتي العربية راني نبهدل ههههههههههههههه كون هدرت بالدارجة كون هولت الموضوع امالا خلينا فصحى راكي تعرفيني اذا بديت الهدرة مانسكتش هههههههه.الي يسمعك يحسبك برانية نيشان خاص غير الكوزينة الي مادخلتيهاش الله يعطيك النو .انا نقلك حاجة يا اسماء مرات كون نصيب نكاميريهم يا جدك و الي يجي يحل فمو نقولو هاك تفرج تفكير شيطاني هههههههه مي مانديرهاش راكي عارفتني .المشكل كون غير يداقني انا هاذا يفرحني انا يقلقني الي يولي كل واحد يمنشر في خوه و كي يتلاقاو تقول العسل دفق بيناتهم كون غير صح و الي تخلعني كثر و كثر يا جدك انتي تامني بلي يبغو بعضاهم و هوما في قلوبهم النار تشعل ينعل بوها المحبة تاع الكذب .

هههههههههههههههههههههههههههههههههههههههههههههههههه هههههههههههه والله يااختي قتلتيني بضحك يخااااه ياوسيلة ......... شفتي عندك الصح هدا لي يهبلني يااختي نمووووووووت ولا نفاق نكره حياتي انا شفتها قدامي يجو يشكو من شيء عباد و و و وومبعد تلقايهم الله الله والله ماعرفت كيفاش نوصفهم انا وشحال من مرة قتلك تصرا قدامي تقولي ماما خليك منهم مي انا صبرت مرة زوج ثلاثة والله ماخليتها في قلبي وحطيتلهم كلمات حشمو على عرضهم اوه من نحبش لي يلعبها عليا انا عاقلة عاقلة يجي واحد يستغلني نتقلب 360 درجة هع هع ونظن تعرفيني وسيلة

soso sirin · 2012-10-06, 23:24

اقتباس:

المشاركة الأصلية كتبت بواسطة النجمة القطبية

شوفى اختى من وجهة نظرى المتواضعة
النفاق يدخل فى النيات يعنى صعب الانسان يعرف نية من امامه
والافضل احسان الظن
فكرتينى كى كنت صغيرة ونكون مع ماما وتجى مرا تسلم عليها
وتبدا القصيدة واشراكى واشراه مول البيت واشراهى ام زوجك وشراه فلان ووووو ههههههههه والله نتعب نصف ساعة قصيدة :d:d
وممبعد كى تروح سلمى على فلانة وعلانة وفلانة ووو هههههه
هذى منعرف اذا تندرج فى العادات والتقاليد ولا مجاملات ولا واش

لالا يا النجمة القطبيةواش وصلني للنيات و الله واحد مايهدرش قدامي مانقدرش نقول انو راه يكذب لانو النية مايعرفها غير ربي سبحانو الشابة يا اختي كي يقولوهالك بلسانهم و تسمعيها بوذنيك و من شدة الصدمة تكذبي عينيك و وذنيك و عقلك و تقولي بلاك طرشت و لا كان عقلي مايخدمش مليح لانو ماتمنيش بلي هذا تمثيل .حاجة مانكرهاش في حياتي قد هذاك المقطع تاع اللقاء و لا الوداع او يقلقني و الي تعجبني في التيلفون كي يدخلوها عليا واش راكم و منبعد بالتفصيل و كي يكملو يزيدو يجملوها انا تم نقلهم و الله غير راهم كامل ملاح معنتها انا اختكم خلاص .هاذي مجاملات مي مينذاك المجاملات و تزيد على حدها

soso sirin · 2012-10-06, 23:26

اقتباس:

المشاركة الأصلية كتبت بواسطة sousou. Dz

هههههههههههههههههههههههههههههههههههههههههههههههههه هههههههههههه والله يااختي قتلتيني بضحك يخااااه ياوسيلة ......... شفتي عندك الصح هدا لي يهبلني يااختي نمووووووووت ولا نفاق نكره حياتي انا شفتها قدامي يجو يشكو من شيء عباد و و و وومبعد تلقايهم الله الله والله ماعرفت كيفاش نوصفهم انا وشحال من مرة قتلك تصرا قدامي تقولي ماما خليك منهم مي انا صبرت مرة زوج ثلاثة والله ماخليتها في قلبي وحطيتلهم كلمات حشمو على عرضهم اوه من نحبش لي يلعبها عليا انا عاقلة عاقلة يجي واحد يستغلني نتقلب 360 درجة هع هع ونظن تعرفيني وسيلة

اذا انا ماعرفتكش انتي و ليليا واش بقالي نعرف هههههههههههههه

SOUSOU. DZ · 2012-10-07, 12:33

اقتباس:

المشاركة الأصلية كتبت بواسطة soso sirin

اذا انا ماعرفتكش انتي و ليليا واش بقالي نعرف هههههههههههههه

اه وي تاع الصح واش بقالك

السيدة كرمين · 2012-10-07, 12:42

موضوع شيق وفعلا كثر في زماننا ما نراه من نفاق اجتماعي
عن نفسي دمعة ماروكو صارت ظاهرة للعيان على رأسي ...!!

نورسين.داية · 2012-10-07, 12:44

الحمد لله اني واضحة في كل تعاملاتي مع الناس ....................

اسلام انس · 2012-10-07, 17:51

كاين لي عنده شحال من وجه..............تقول عليه مكعب..........وما اكثرهم اختي سرين والله لا يحافولك بالله وما تامنش لا خطر كل واحد

يقوللوا حاجة............وخطلاات تقول نعاماعم بالمثل.....كيما يصفقوا نرقص ليهم........شكرا للموضوع

مريم الصابرة · 2012-10-07, 18:00

السلام عليكم اختي وسسيلة صدقيني شوفي نقولك الصراحة ممكن تقولي عليا وقحة او ما تحشميش لكني درتها صرا امامي الموقف اللي قلت عليه بالضيط وحدة تحكي في ظهر لخرى كل وحدة تشكي من جهة وحاولت نصلح الامور نهار تلاقينا في 3 في مجلس التناق والبوس والتسلام والوحش داير حالة قريب بكاو ايا وحدة منهم ناضت راحت لخرى بات تحش انا نضت عيطت لخرى قتلها قزليلها في وجها واش قطعت فيها وإنت قولي واش حكيتي وايا بكرانوني من النفاق ودلخوني معاكم فالطنب مرضتوني إنت قلت كذا وإنت قلت كذا وضرك بعدوني في زوج تعلمو تتواجهو اللي عندها في قلبها هدرة تقولها فالوجه ورحت وخليتهم يتنطاحو إذا حبو مي مليح من ذاك النهار خلاص ما زادوش جاو شكاولي ولاو يخافو مني هههههههههههه لكني والله ما ندمت نكره عباد هكذا شكرا حنونة موضوعك جميل وما تنخلعيش شافو فيك هكذاك ماشي محال تنوضي يحشو فيك إنت

شيء من رجاء ! · 2012-10-08, 04:44

ولماذا لا نسمي هذا السلوك أنه مداراة ، وهي مطلوبة في ديننا (أورد الإمام البخاري تحت التبويب السابق عن عروة بن الزبير أن عائشة رضي الله عنها أخبرته أنه استأذن على النبي صلى الله عليه وسلم رجل، فقال: ائذنوا له، فبئس ابن العشيرة أو بئس أخو العشيرة، فلما دخل ألان له الكلام، فقلت له: يا رسول الله، قلت ما قلت، ثم ألنت له في القول؟! فقال: أي عائشة إن شر الناس منزلة عند الله من تركه أو وَدَعَه الناس اتقاء فحشه )
والمداراة ضدها امداهنة ( قال القرطبي صاحب المفهم رحمه الله -تبعا للقاضي عياض رحمه الله:
"والفرق بين المدارة والمداهنة
أن المداراة بذل الدنيا لصلاح الدنيا أو الدين أو هما معا وهي مباحة وربما استحبت.
والمداهنة ترك الدين لصلاح الدنيا". )

إن شاء الله تكون وصلت الصورة ، شكرا وسيلة