كرهت كرهت كرهت

مشكلتي · 2012-09-23, 14:10

السلام عليكم
انا مخطوبة تقريبا من 6 اشهر مي كارها حياتي في عمري 22 سنة المشكلة نتاعي في خطيبي مكرهلي حياتي بلا ماراه حاس انا ديتو عن حب يعني عشت معاه قصة حب من قبل المشكل نتاعو يشكي بزااف و كثير التذمر ديما زعفان حاجة متفرحو ديماااا .. انا علابالي احبني لدرجة الجنون بصح ساعات احسسني كلي مرانيش كاينة نحس روحي منسوا واااااااالو نحس روحي تيحت من قيمتي بزااف مع العلم انا عندي عزة النفس او كامل فينا ... ساعات نحب نقولو خلاص نفسخو هاد الخطبة او كل واحد اروح في طريق ...منيشس حاسة روحي انثى ..كامل البنات لي نعرفهم عايشين لاباس عليهم مشاء الله تعالى و تبارك الا انا ... علااااه ؟؟ مساعفاتو الى ابعد الحدوود بصح لوقتاااه ؟؟... او اذا قلتلو علاه دير هكدا اردني غالطة او ميحكيش معايا او يشنف بزااف ....ساعات نحس روحي كرهتو ... مهما هدرت راهو قليييل قليييل مهوش مهتم بيا ميسقسيش عليا ..... او لي راح تجنني اكثر راهو احبني او متأكدة 100000% يا خاوتي نزيد شوي نهبل والله العظيم... انصحوني واش نديييييير .

بنت الرّحّل · 2012-09-23, 15:46

تحية طيّبة وبعد:
أختي هناك نقاط يجب أن تضعيها في الحسبان
هذا خطيبك لا يحل لك أن تكلميه ....
متى تعرف المرأة المسلمة أن هذا حرام في الدين وعيب في العادة العربية

تكلمتِ معه وعرفك وعرفتِه ثم بعد ذلك يخطبك ستة أشهر ثم أنت لا تستطعين أن تتعاملي معه! ماذا كنتما تفعلان من قبل ؟

هذا كله يدل على خطأ هذه الطريقة وأنه مهما زينوها وقالوا أنها نافعة في تعرف الرجل على المرأة والمرأة على الرجل ...فإن الواقع يؤكد أنها غير صحيحة ألبتة

فعليك أختي أن تعودي إلى رشدك وتعيدي حساباتك من جديد

لو كان زوجك لنصحتك بالصبر عليه والوقوف إلى جانبه إلى أن تحل مشاكله وترتاح نفسيته
لكنه ليس بزوجك ....ليس بزوجك إنه خطيبك يعني أجنبي عنك ولو أنكما التزمتما أعقل الطرق إما بالزواج وإما بالصبر حتى تتزوجا لما أصبت بهذه (الكرهة)
الآن أنتما عشتما قصة (حب) هل تظنين أن الحياة ستكون كلها قصة حب
يا شيخة هذا كلام أفلام
وإذا كنت لم تستطيعي ان تضبطي نفسك لمجرد أنه لايسأل عنك
فكيف الحال لو تزوجتما وطلّق هو حياة الرومانسية .. وأصبح يقول لك : (آي أنت .. ) بدل اسمك ...
وكلما دخل البييت دخل غاضبا مغضبا من حياته العملية .. وإذا رآك رأى غولا يريد أن يخنقه لأنه لا يملك المصاريف ..و..و .. و...

هل ستقولين كرهت كرهت كرهت ....

الحب مواقف يا غالية وليس قصة

سامحيني أختي إن قسوت عليك

وأما ما ترينه من حياة البنات وأنهن بخير فخذيها نصيحة مني لو تزوجت فعلا وكانت فيك هذه الصفة فتسودين عيشتك وعيشة زوجك بهذه المقارنة

إن أصبحت يوما ما زوجة فكوني زوجة راضية بما قسم الله لها ولا تقارني بين نفسك وبين غيرك فكل شخص يعطيه الله حسب ما يحتاج
والعاقلة من جعلت محاسن زوجها وإن كانت تعدّ على الأصابع لا يتصف بها غيره مهما سمعت عن محاسن غيره

أسأل الله لك التوفيق

تحيتي لك

نورسين.داية · 2012-09-23, 16:27

الإنسان لي يمشي بالمساعفة ...................ما يطولش ...................................ربي وفقك عزيزتي

منهاج · 2012-09-23, 17:25

السلام عليكم

حكمي عقلك هدا زواج مشي حب وخرجات هدا رايحة تعيش معاه الدهر مشي يوم ولا يومين والله يسهل

الحطاب سهام · 2012-09-23, 17:57

يا اختي ويا اختي هذا راكي تهدري معاه مرة على مرة وراكي كرهتيه امالا كي تعيشي معاه طول العمر شا يصرالك؟؟؟واختي وعلاه اول ايام الجب ...كيما راكي تسميه...كي كان يعاملك ؟؟؟؟وانسان بهذي الطباع كيفاه قدر يدخل قلبك نهار الاول ؟؟؟؟
شفت يا الحنونة العلاقات لحرام وين توصل؟؟؟
اختي هذي عشرة وعشرة طويبة والزواج لازمله صبر وتضحية وطولة بال سواء من الرجل او من المراة وانت يا اختي راكم في فترة الخطوبة والضجر راهو داير حالة بيناتكم
دخلي اهلك لحل هذا الاشكال احسن قبل ما تجي الفاس في الراس وتتزوجي ومن بعد ماتقدريش تصبريله ولا قدر الله .....

السي محمد · 2012-09-23, 18:28

هذا زعما خطبك بعد علاقة حُب وَردي

كرهتيه بسرعة؟؟؟؟

صفاء نور اليقين · 2012-09-23, 18:56

مساء الخير

لوكان يا جماعة معندها مادير وزيد تفتح باب الشيطان ضرك وق الفاس في الراس وراهي تقلكم ببلي راهي مخطوبة يعني خلاص صرا لي صرا

يا أختي والله راني حاسة بيك وش راح نقلك معليك غير بصلاة الاستخارة وحاولي تهدري معاه وناقشيه في هذا الموضوع متخليش روحك وحدك راهو متعلق بيكم في زوج معنتها لازم هو ثاني يعرف

ان شاء الله يا أختي تلقاي حل وربي يهنيك ويصبرك ويهدبك

تقديري

faty05 · 2012-09-23, 21:21

ادعي ربي يصلح اموركم
و نصيحة حبسي الهدرة معاه في التلفون و الخرجات يا اختي هوما لي يجيبو لبلاوي خاصة اذا راح اطول مدة الخطبة
هكا تربحي راحة البال و يبقا بيناتكم لقدر

صفاء نور اليقين · 2012-09-23, 21:52

والله راني في حيرة لخاطر قريت مواضيعك وراني انصدمت

لأنو مرة تحكي على أساس راجل ومرة على أساس مراة والله انصدمت

ياأخي ولا اختي فهم/ي روحك

وحرام عليك لخاطر راهم يدخلوا الاعضاءويردو عليك ويعيشوا الاحداث ويتأثروا ويدعيولك يعني اذا كانت هذي خدع والله راهي حاجة كبيرة

وان شاء الله برك يجيو أخواني واخواتي ويشوفوا هوما ثاني

وان شاء الله منكونش راني تبليت عليك قصدي ادعيت عليك لانو حكمت على اساس مواشيعك وراني قريتهم كامل واكثر مرة

تقديري

saqrarab · 2012-09-23, 22:03

لاحول ولاقوة الا بالله
لو كانت اختي هي من كتب هذا الموضوع لكان لي معها شان

saqrarab · 2012-09-23, 22:04

اقتباس:

المشاركة الأصلية كتبت بواسطة بنت الرّحّل

تحية طيّبة وبعد:
أختي هناك نقاط يجب أن تضعيها في الحسبان
هذا خطيبك لا يحل لك أن تكلميه ....
متى تعرف المرأة المسلمة أن هذا حرام في الدين وعيب في العادة العربية

تكلمتِ معه وعرفك وعرفتِه ثم بعد ذلك يخطبك ستة أشهر ثم أنت لا تستطعين أن تتعاملي معه! ماذا كنتما تفعلان من قبل ؟

هذا كله يدل على خطأ هذه الطريقة وأنه مهما زينوها وقالوا أنها نافعة في تعرف الرجل على المرأة والمرأة على الرجل ...فإن الواقع يؤكد أنها غير صحيحة ألبتة

فعليك أختي أن تعودي إلى رشدك وتعيدي حساباتك من جديد

لو كان زوجك لنصحتك بالصبر عليه والوقوف إلى جانبه إلى أن تحل مشاكله وترتاح نفسيته
لكنه ليس بزوجك ....ليس بزوجك إنه خطيبك يعني أجنبي عنك ولو أنكما التزمتما أعقل الطرق إما بالزواج وإما بالصبر حتى تتزوجا لما أصبت بهذه (الكرهة)
الآن أنتما عشتما قصة (حب) هل تظنين أن الحياة ستكون كلها قصة حب
يا شيخة هذا كلام أفلام
وإذا كنت لم تستطيعي ان تضبطي نفسك لمجرد أنه لايسأل عنك
فكيف الحال لو تزوجتما وطلّق هو حياة الرومانسية .. وأصبح يقول لك : (آي أنت .. ) بدل اسمك ...
وكلما دخل البييت دخل غاضبا مغضبا من حياته العملية .. وإذا رآك رأى غولا يريد أن يخنقه لأنه لا يملك المصاريف ..و..و .. و...

هل ستقولين كرهت كرهت كرهت ....

الحب مواقف يا غالية وليس قصة

سامحيني أختي إن قسوت عليك

وأما ما ترينه من حياة البنات وأنهن بخير فخذيها نصيحة مني لو تزوجت فعلا وكانت فيك هذه الصفة فتسودين عيشتك وعيشة زوجك بهذه المقارنة

إن أصبحت يوما ما زوجة فكوني زوجة راضية بما قسم الله لها ولا تقارني بين نفسك وبين غيرك فكل شخص يعطيه الله حسب ما يحتاج
والعاقلة من جعلت محاسن زوجها وإن كانت تعدّ على الأصابع لا يتصف بها غيره مهما سمعت عن محاسن غيره

أسأل الله لك التوفيق

تحيتي لك

بارك الله فيك يابنت الاكرمين

الدر المكنون · 2012-09-23, 22:36

هذا ماشي مشكل الاخت وماشي سبب تفسخي عليه الخطبة

وزيد الهدرة انتاع التليفون ماتجيب غير تكسار الراس هكذا راكم ملاح

تخافي يولي يهدر معاك بزاف وبعدها تهبلي انتاع الصح يولي يقولك ما تخرجيش وما تروحيش وما تهدريش وما دريش هكذا ......الخ مبعد تجي تقولي راني ديكلاريت

مبغض العلمانيين · 2012-09-23, 23:00

انتي قلتي مرات نحس كرهتوا يعني انتي تكرهيه اذا كرهتيه علاش الكذب افسخي اليوم قبل الغد حرام عليك تكذبي عليه

شيء من رجاء ! · 2012-09-23, 23:03

اقتباس:

المشاركة الأصلية كتبت بواسطة صفاء نور اليقين

والله راني في حيرة لخاطر قريت مواضيعك وراني انصدمت

لأنو مرة تحكي على أساس راجل ومرة على أساس مراة والله انصدمت

ياأخي ولا اختي فهم/ي روحك

وحرام عليك لخاطر راهم يدخلوا الاعضاءويردو عليك ويعيشوا الاحداث ويتأثروا ويدعيولك يعني اذا كانت هذي خدع والله راهي حاجة كبيرة

وان شاء الله برك يجيو أخواني واخواتي ويشوفوا هوما ثاني

وان شاء الله منكونش راني تبليت عليك قصدي ادعيت عليك لانو حكمت على اساس مواشيعك وراني قريتهم كامل واكثر مرة

تقديري

مساء الخيرات أختي العزيزة
هذه العضوية عامة لأعضاء المنتدى كل من له مشكلة ويود طلب النصيحة أو التوجيه دون أن يُعرف من هو يكتب من خلالها ، يوجد في هذا القسم موضوع مثبت يوضح طريقة استعمالها
لذلك تلاحظي الكتابة مرة شاب ومرة بنت
إن شاء الله تكون الصورة واضحة

pink rockette · 2012-09-23, 23:27

faham ro7ak mra wela rajel 3leh kol mara zi wallahi 3ib lkdheb f hedh swale7 w rabi yahdik wela yahdiki