شكرا لمرورك اختي الجزائرية
الصابلي : 250 غ سكر قلاصي ، نصف باكي خميرة الحلوى ، 500 غ زبدة طرية ، 2 مغارف صغار زاست ليمون ، 4 حبات بيض
تخلطيهم كامل بالباتور مليح حتى تولي كريمة تضيفي الفرينة الخميرة حتى تحصلي على عجينة طرية ، تطبعي و طيبيها في فرن 200 دجة و لازم يبقاو بويض ـ تلصقي كل زوج مع بعض و تدهني بالمربى و تمرغديهم في كوكاو مرحي خشين
قاطو بالفلان : 500 غ زبدة ، 125 غ سكر قلاصي ، كاس نشاء ، 2 فلان ذوق شوكولا ، 2 ملاعق كبار كاكاو ، باكي خميرة ، فنجان زيت ، 3 بيضات ، تخلطي كل المقادير مع يعض مثل الكريمة و تشيحي بالفرينة
لما يطيبو تلصقي كل زوج مع بعض و تعملي قلاساج شوكولا أو قلاساج بالسكر ، انا بقالي قلاساج بالسكر ما حبيتش نرميه
لي باركات : 3 كيلات فرينة قرصة ملح ، كيلة مايش معمرة زبدة ، بيضة أ 3 ملاعق سكر رطب
الحشو زاست ليمون ، 3 كيلات لوز او كوكاو ، كيلة مايش معمرة سكر ، 2 بيضات ، نصف علبة خميرة ، تخلطيهم كامل و تضيفي ماء الزهر حتى تتحصلي على حشو طري
تعملي العجينة فالكيسات على شكل قارب
تضيفي الحشو ما تعمريش بزاف و تحاولي تسوي السطع بدون ما تضغطي بزاف
لما يطيبو تدهني بالمربى مخلط مع قليل من حلوة الترك و تلصقي اللوز ايفيلي الواحدة قدام الاخرى مثل الحيط
او تعملي الشوكولا
استعملي مكيال صغير فقط لا حابة تعمليهم
لأنها تجي كميتو كبيرة بزااااااااااااااااااف ماشي غير زاكي
250 غ زبدة تعملك عرس
( تقرير عن مشاركة سيئة )، و الموجودة أسفل كل مشاركة .
2012-09-22, 09:41
العرض العادي
