الارز الارز الارز رايح يهبلني واعععععععععععع.

[وردة زمن]

السلام عليكم ورحمة الله تعالى وبركاته
اختي الكريمة انا من راي العضوة مطر تشرين
انا لحد الساعة لا اجيد طبخ الارز الابيض لكن عندما استعمل الارز المفور يسهل علي الامر ( الارز المفور ليس ناصع البياض وهو عريض بالنسبة اللارز العادي وانا استعمل هذه النوعية le jardin des legumes خاصة في السلطات

[سارة البوسعادية]

الطريقة المصرية والخليجية لتحضير الارز جربيها وادعيلي

احكمي نصف كاس زيت واضيفي له شوية زنجبيل محون وملح واذا امكن مكعب ماجي
حطيه على النار وكي يبدا يسخن

احكمي كاسين ارز اضيفي نصف كاس في البداية وكانك تقلي في الارز حتى يصبح لونه ذهبي

ثم اضيفي الكاسين ارز وحركي ثم 4 كووس ماء وخليه حتى يغلي وغطه ونقصي عليه على نار هادئة وخليه حتى ينشف كليا من الماء

البنة مانحكيلكش

[كلي أمل]

اختي ان طريقتي تعلمتها من امي رحمها الله بعدما تغسلي الأرز ويفضل المفور اغسليه جيداا حتى يخرج منو النشاء تاعو ثم خليه ينشف من الماء شوية وبعدما حمصيه في مقلاة حتى يكتسب اللون الذهبي ضعيه في صينية الفرن مع قطعة زبدة وحضري صلصة بالدجاج أو لحم مع حمص واسقي ذلك الروز وغطيه بورق اليمينوم وحطيف بالفرن وشوفيه مرة على مرة حتى يطيب لكان لقتيه نشف ومازال ما طابش زيدي الصلصة

[نائلة]

اختي انا ما عندي حتى مشكل في الأرز نطيبه بكل اشكاله وعادي مايجنيش معجن
اول نستعمل نوعية مليحه من الأرز يكون اصل مفور
ومن بعد نحط الماء يغلي فيه شويه زيت وملح وحبه ثوم وعندما يغلي الماء نحط الأرز ولازم حجم الماء يكون 3مرات حجم الأرز
ونحركوا مة الأول فقط ونتركه حتى ينشف الماء ونخليه يبرد وحط عليه زبدة و أدا طاب الأرز ومازال عندك الماء نحيه و فرغيه في كسكس باش يروح منه الماء
وحطيله الزبدة من بعد وكليه بالصحة والعافية

[alg_bouchra]

ارز مفوررررر

[feuilleblanche17]

انا نغسل الروز مليح حتى يولي الماء صافي و نطيبو عادي
نفرغو في كسكاس و نشلو ثاني بالماء بارد

[salam algeria]

السلام عليكم اختي
بالنسبة للرز الخليجي يختلف كثير عن الي نستعملوه احنا تاعهم الحبة تاعو رقيقة و طويلة و مافيهاش بزاف من هاذاك النشاء ولا ما نعرف واش هو و مهما طاب اكثر من اللازم مل يعجنش و الله تجي كل حبة وحدها و شكلو باهي اذا كاين في دزاير رز بسمتي هو من احسن النوعيات و انا هادا لي نستعملو
دارنا في دزاير يستعملو رز مفور و الحبات تاعو كيما قالو البنات يجيو شفافين شوية و عراض و في انواع اخرى يستعملو الرز العادي اضن اسمو sos كان اذا ما خانتنيش الذاكرة لكن يغسلوه قداش من مرة حتى الماء تاعو يرجع كيما تاع العين و للزوج ما كانوش يجيو معجنين

[ميرثا]

لازم تغسليه مليح وتخليه يورم شوي حطيه مثلا قبل متشيريه لطنجرة
هدا ادا طيبتيه كما فرميسال اما ادا كان مفور وتديريلو صوص طوماط لازم تفوريه مليح وكل مرة رشيه بالما كينشف
هدا وش متفكرة دكا والا اي سؤال سقسي واكيد لبنات يفيدوك

موفقة حنونة

[Basketteuse]

السلام عليكم .. اولا كي تشري الروز لازم تختاري الروز اللي حباتو ماشي مكسرين و مافيهش بزاااف les tachesالبويض لأنو كي يتكسر يسهل خروج النشاء وادا مالقيتيش معاليك غير تشمخيه في الماء مع الملح 20 د ثم اغسليه مليح وحطيه يطيب في ماء بارد مع ملح نصف طياب ومن بعد فوريه
بالنسبة ليا درك انا نشري الأرز البسمتي 10 د وهو وجد.. بصح غالي وكل واحد وإمكانياتوا. وهو تاني فيه اللي يتعجن لازم تعرفي الماركة المليحة بالنسبة ليا نستعمل أرز الوسام مضمون 100/100

[وصال7]

اختى الروز الى فى المحلات ماهوش يجى مليح ننصحك تشرى الروز المفور يطيب كيما تحبى بلا مايلصق وادا حبيتى العادى اشترى روز بسمتى يجى روعة الدوق والروز حبيبتى يحب الدجاج الكمية ويحب الثوم مديريش البصل انا يجينى كيما تاع الخليج

[amira girl007]

المشاركة الأصلية كتبت بواسطة كلتومة01

ايا متزيدوش طيحولي لمورال .ردو ولو بدعاء

هاني جيت نطلعلك المورال وباش يجيك فارك كيما نقولو كل حبة وحدها انا ندير زوج طيسان اينوكس حجم عائلي يعني المهم زوج طيسان اينوكس ماء خليه يغلي فوق النار حطيه في كوكوط
وزيدي الملح وتاني كاس نتاع تاي زيت خليه حتى يعود يغلي ثم ضفي طاس اينوكس نفسو نتاع روز لازم يعود مفور واقفلي عليه الكوكوط حتى يطيب انا دائما نستعملو روعة وانت تقدري تعيري باكاس لازم كاس روز بزوج كيسان ماء

[الجزائرية 2010]

الروز باش مايجيكش مرقد ولا معجن كيما قلتي نتي
فوريه

يجيك هايل

ومباعد حليه بالزبدة

[jackin]

يعطيك الصحة

[أم هيثم86]

Assalamo 3alaykom jami3an
ana man mohibi aroz ntaybo chaque semaine
w tari9ti fatyab takhtalif hasb wach rah ndir bih
idha haba dirih hors d'oeuvre chalih chwya bark matkathrilouch alma thoma diri kol kila roz t9ablha kila wnas maa malhi alkol wazidi zouj mgharf zit hatihm f la cocote dirilha asafara whatihm 3la nar dhala man al ahssan asghir khlass nta3 cuisinière khalihm man 15 ila 20 d9i9a wtafi anar nahi assafara wkhalih yabrad 9bal mathali cocota bah mayag3adch alass9
ana nassta3mal la marque sos alhamra mach mfawra wayjini haba haba
hazit hadh la methode man3ad 3jouzti ki raht l macca l9at jma3t alkhalij haka ytayboh mai homa fi blasst alma ydiro margat aljaj fiha jalbana w zrodya wazaynouh bal jaj ki ytib whadha yaslahla9 taba9 3cha wala ghda kamal

[الجزائرية المحبوبة]

كاين روز مفور يتباع في الاسوواق يطيب عادي
اما الثانى لما طيبه ضعيه في كسكاس يقطر وصبى عليع ماء بارد راه يحكم روحوا فقط