خطيبي شخص غامض - الصفحة 4

عآشقة غزه · 2012-09-03, 18:22

بلاك مايعرفش
حبيت نسقسيك نتوما تعقدو قبل الصداق
وهو وش يخدم

عآشقة غزه · 2012-09-03, 18:23

اقتباس:

المشاركة الأصلية كتبت بواسطة السي محمد

هذا القماش

انا ننصحك لا تتزوجين إلا بمن يقول لك

اقعدي في الدار ماتخدميش و انا نكفيك من كُل شي

هذاك هُو الرجل الحقيقي

الذي يُشد به الظهر

وتلقايه في عاقبتك ان شاء الله

أمّا البقبق تاع

عاونيني في المصروف

و عاونيني في الجهاز

و فليكسيلي

............

والله ستندمين على الزواج به

باينة بلي ناوي تقعدها في الدار
هي مش عيب يتعاونو العيب كي يتكل عليها والمعيشة غلات لالا

madoucha · 2012-09-03, 18:32

اقتباس:

المشاركة الأصلية كتبت بواسطة وردة أمل

على حساب ما فهمت خطيبك طامع في دراهمك و لا كيفاه نفسروا التصرفات تاعو معاك و زيد الشومبرة الراجل عمروا ما يقول للمراة اعطيني الدراهم نشريها بالعكس هو لي يخلصها من جيبو حتى و لو يسلف الدراهم و كيفاه يحوس عليها تعطيه من دراهمها ,,,هذا الكل قبل الخطوبة و من بعد الزواج كيفاه؟؟

اختي الاحسن تقولي لباباك و يماك على الأمر و تحكيلهم بالتفصيل و اكيد هوما يعطوك الرأي لي ينفعك انت و ما تزيديش تسناي اكثر

قلت لامي و قالت لي ماتمديلوش دراهم انا علابالي كون نقولو بلي راني قلت لبابا يحشم من نفسو بصح مانيش باغية نطيح بيه
وكون نقول لبابا يزعف منو و ممكن يطيح من عينيه يعني راني نحوس نحل المشكل وحدي و نرفض دون ان احسسه انه راه طماع فيا
راني حاباتو يتغير كيما قلت لكم راه عندو ايجابيات بصح البخل تاعو و الطمع فسدوه
هل من الممكن يتغير

amina2688 · 2012-09-03, 18:34

سلامي لك اختي وكان الله في عونك

اسمحيلي لكن راح نقلك راي بكل صراحة

هذا الراجل للاسف الشديد ما عندوش الهمة ،والهمة ما عنها حتى علاقة بالظروف

لا فير لا معندوش لكان جت عندو الهمة ما يديرش كيمك وما يطلبش الدلراهم حتى كون يموت

تعود انت تعطيه وهو يقو لا......لكن للاسف الشديد هذا خطيبك ما عندوش الهمة

النقطة الثانية: اختي الغالية راك تقول عندوا برشا محاسن وذكرتي ما يدورش بالبنات وفحل....

او حاجة مايدورش بالينات نحب نقلك الضامن ربي ،وفحل كيفاش عرفتيه فحل التصرفات الي يتصرف فيها

مايديروهاش لفحولة....

النقطة الثالثة : قلتي يجي يديني ونسلك عليه ومن بعد قلتي يغار عليا يحب يوصلني من حبو ليا

اختي الكريمة انا نشوف فيه يحب يروح معاك باش تسلك عليه..............

*والله اختي ما تغلطيش وتقولي نتزوج برك ونقولوا دراهمي عند الوالد ماتحطييش والدك في

مواقف محرجة ........لانوا الي ما عندوش الهمة ما يكيدوا ما يدني

**مجرد اقتراح من عندي جربي قليلوا راني راح نبطل الخدمة لاني حابة نتفرغ للبيت وتعبت؟؟؟؟؟؟؟؟؟

ورديلي لخبر ؟؟؟؟؟؟كوني اكيد راح ينقلب ويثور فيك

وكيما يقولوا عقلك في راسك تعرف خلاصك

ولي راعا لكلام الناس وقف حالوا الناس ما همش راح يعانوا هذا مصيرك وكل واحد في داروا

والله اعلم

سامحيني ان كنت فقاسية في الحكم عليه

abdou27300 · 2012-09-03, 19:34

نسلف على مرتي بالاك، بصح نطلب منها عيب

على هذا ما نبغيش لخدامة، تقولك راه طامع في دراهمي

****

+ لا فوت فيك، انتي ولفتيه

ما تزيديش تعطيه، و قوليلو سمع: انت الراجل وأنا المرا، اوككككككي

mohamed160 · 2012-09-03, 19:49

سلام عليكم . الله واكبر انتى الرجل مشى هو عيب على رجل ما يصرف عليك انتى لتخلصى الترنصبوا كاريث ربى يهديه

amina2688 · 2012-09-03, 20:38

سلامي لك اختي وكان الله في عونك

اسمحيلي لكن راح نقلك راي بكل صراحة

هذا الراجل للاسف الشديد ما عندوش الهمة ،والهمة ما عنها حتى علاقة بالظروف

لا فير لا معندوش لكان جت عندو الهمة ما يديرش كيمك وما يطلبش الدلراهم حتى كون يموت

تعود انت تعطيه وهو يقو لا......لكن للاسف الشديد هذا خطيبك ما عندوش الهمة

النقطة الثانية: اختي الغالية راك تقول عندوا برشا محاسن وذكرتي ما يدورش بالبنات وفحل....

او حاجة مايدورش بالينات نحب نقلك الضامن ربي ،وفحل كيفاش عرفتيه فحل التصرفات الي يتصرف فيها

مايديروهاش لفحولة....

النقطة الثالثة : قلتي يجي يديني ونسلك عليه ومن بعد قلتي يغار عليا يحب يوصلني من حبو ليا

اختي الكريمة انا نشوف فيه يحب يروح معاك باش تسلك عليه..............

*والله اختي ما تغلطيش وتقولي نتزوج برك ونقولوا دراهمي عند الوالد ماتحطييش والدك في

مواقف محرجة ........لانوا الي ما عندوش الهمة ما يكيدوا ما يدني

**مجرد اقتراح من عندي جربي قليلوا راني راح نبطل الخدمة لاني حابة نتفرغ للبيت وتعبت؟؟؟؟؟؟؟؟؟

ورديلي لخبر ؟؟؟؟؟؟كوني اكيد راح ينقلب ويثور فيك

وكيما يقولوا عقلك في راسك تعرف خلاصك

ولي راعا لكلام الناس وقف حالوا الناس ما همش راح يعانوا هذا مصيرك وكل واحد في داروا

والله اعلم

سامحيني ان كنت فقاسية في الحكم عليه

*سيرتا * · 2012-09-03, 21:06

اقتباس:

المشاركة الأصلية كتبت بواسطة الواثق

حسن اختي مادام انه زوجك الان فالامور كلها بخير .........بالنسبة لطلبه للنفقة..........فانت ليس عليك النفقة عليه .........ولو انك تقولين له الامر مباشرة فيه اشكالية وسينزعج للامر وحتى لو اخبرته عن طريق وسيط ..............لهذا اقترح عليك ان تتركي اموالك عند ابيك واذا طلب منكي قول له ان كل ما أملك عند ابي ................وانتهى الامر فسيمل ويترك الطلب فاذا تجرأ وذهب لابيك فالاب سيعرف التصرف.............وان كان هو شحيحا في النفقة فالحقيقة ان ليس له نفقة عليك مادام لم تدخلي منزله ..........

هدى الله زوجك للطريق المستقيم

والله اعلم

وهل بعد الزواج كدلك تترك اموالها عند ابيها و تقول له كل ما املك عند ابي???
كان الله في عونك صراحة يعجز اللسان عن اسداء نصيحة

الواثق · 2012-09-03, 21:52

اقتباس:

المشاركة الأصلية كتبت بواسطة *سيرتا *

وهل بعد الزواج كدلك تترك اموالها عند ابيها و تقول له كل ما املك عند ابي???
كان الله في عونك صراحة يعجز اللسان عن اسداء نصيحة

هم ارادو ذلك ...............وانا اصلا اعارض الفكرة من الاصل سواءا جعلت المال عند ابيها بعد الزواج او قبل الزواج ...........................ولي كلام اخر يقال لهذا الرجل ولا اريد ان اقوله لانه زوجها ولانريد جرح احد هنا وان كنا على حق

فلم اجد ما اقول الا هذا الاقتراح وقد يكون غير صائب

السي محمد · 2012-09-03, 22:48

اقتباس:

المشاركة الأصلية كتبت بواسطة عآشقة غزه

باينة بلي ناوي تقعدها في الدار
هي مش عيب يتعاونو العيب كي يتكل عليها والمعيشة غلات لالا

عيب كي يقوللها اعطيني

و لي مش قادر على الزواج

ماكان لاه يتزوج

الزبرجد · 2012-09-04, 01:51

السلام عليكم

بصراحة ....هذا النوع يطيح غي على العاملة

أنا من رأيي عاودي استخيري ....و ربي يجعل الخير

loulou02 · 2012-09-04, 12:14

هذا إنسان طماع ، إفسخي هذا الخطوبة لأنه ماشي راجل باين بلي خطبك مين شافك أستاذة راه طامع في دراهمك ، إخطيك منه مازال مافات الحال خير ماتطفر فيك وتتزوجي معاه وتولي تخدمي عليه و إن شاء الله ربي يعوضك ماخير منه عاجلا غير آجل.

AMEL32 · 2012-09-05, 15:36

اذا بديتي من ذرك هكذا ومبعد زواج انت تتحملي كل المصاريف
اذا راكي حابة تكملي معاه و هذا العيب الوحيد فيه
بدلي معاه تصرفاتك من الناحية المادية فهميه بلي راكي توجدي في التاويل تاع العرس و معندك حتى دورو وتشحي معاه و شوفي كيفاه يكون رد فعلو احرزي تشفقي عليه كوني صارمة وتشكيلو بزاف وشري الذهب مهما كان غالي هو اللي ينفعك
مارانيش نقولك خسري النية مع خطيبك لكن راكي استاذة ومثقفة ما تكونيش مغفلة الرجال ما يحبوش النسا هكذا c non تولي علاقتكم مادية بحتة وهذا الشيء اللي نكرهو انا شخصيا.
كثري الاستخارة.

همسة مشاعر · 2012-09-05, 15:44

اختي واش نقلك صراحة انا راني نكره الراجل البخيل نحب غير نغشمو بكف ونقلو واش بيك بخيل وتحوس تتزوج راهو دايرها عفسة كي شافك تحبيه وزيد خدامة ومصروفك عندك طمع فيك ويستغل فيك شوفي عندك زوج حلول
اول حاجة اعملي روحك متسمعيشو كي يطلبك وتولي انتي في مكانو ذرك يفهم روحو
2 حاجة اخرى اذا متريقلش افسخي الخطبة وتهناي وميهمك حتى واحد راهم ناس بالزاف طماعين في شهرية بنات الناس

cila09 · 2012-09-06, 01:21

لسلام عليكم اختي الفاضلة .....هده المشاكل منتشرة و رجال مثله كثيرون واسوء منه وان صليتي صلاة الاستخارة فاعلمي ان هذه العيوب و المشاكل هي دليل على نهاية انت تقرريها وليس هو........وقرري قبل فوات الاوان
وعن تجربة مدة عامين وانا اصلي صلاة الاستخارة وفي كل مرة كنت انفر من تصرفاته ومنلك مشكل البخل بمعنى الكلمة رغم انه دكتور في الجامعة وانا كنت ادرس...لحقت شهر قبل الزواج ولم يقدم لي الصداق ولا خاتم الخطبة واستعمل كل الحجج....و غيرها من التصرفات المهم الكل كان يقولي افسخي ربي راه يحطلك في الاسباب ليس فيه خير الا اني واصلت التمسك فيه على قولك فيه ايجابييات وكذالك كلام الناس ولم اتوقف عن صلاة الاستخارة.....في دلك الشهر اختفى لا حس و لا خبر ولما دهب اليه اخي ليفهم قالو انها مريضة ويخاف يبقى يصرف على الطبيب و الدواء مع العلم اني لست مريضة و الحمد لله
هناك انفجرت وفسخت الخطوبة......وبعدها علمت انه منزوج وغيرها من اشياء
قصدي من قصتي ان الله عرقلي الطريق لانه لاخير فيه والله انجاني منه و الحمد لله
وهذا هوالهدف من صلاة الاستخارة
ولي ماراه ليك يعيك
ربي ينورلك بصيرتك يا اختي والقرار لكي