الشباب وأين المفر

[السي محمد]

المشاركة الأصلية كتبت بواسطة kamikaz30

أو ثــــورة

أن نقوم بثورة بسبب الجوع و البطالة

فهُو خطأ عظيم

لانه سيتم شراء الذمم بالمال و المناصب

و لا يُشرفني ان اشارك في ثورة الخبز و الوظيفة

ولكن الثورة

تقوم لأهداف اسمى

و بمبادئ ارقى

[دادا22]

المشاركة الأصلية كتبت بواسطة dotzero

أولا:
راهم رايحين يجيبو عمل من تونس و المغرب

https://www.echoroukonline.com/ara/articles/139885.html

ثانيا:
كاين حل و الكثير من الشباب يخدموا بيه
و أنا نتكلم على ولاية جيجل
و الحل هو الأسواق الأسبوعية
عندنا كل يوم سوق في منطقة
مثلا: الجمعة في جيجل
الاثنين في الطاهير
الخميس في الشقفة
كل يوم سوق أسبوعية
يروح يبيع براحتو و واحد ما يهدر معاه

الله يبارك فيك يا اخي على هذا الحل الواقعي
يا جماعة المشكلة مشكلة الدولة التي تحل مشاكل البطالة على حساب المواطنين
لماذا لا تعين لكل شاب منحة كما في الغرب الى حين تجد له عمل
لماذا تذهب الاموال في الحفلات وهباء منثورا
لماذا لا تبني اسواق خاصة بهم لفك الحصار على الشوارع

نحن في مدينة عنابة منذ العشر الاواخر من رمضان
حتى الدحول المدرسي والطرقات جحيم او ممنوعة او مسدودة لمستعملي السيارة
العاطفة لم تكن حلا ابدا

الم يقل الرسول لو سرقت فاطمة ابنتي لقطعت يدها

[دادا22]

المشاركة الأصلية كتبت بواسطة مريم الصابرة

السلام عليكم يا جماعة كيف احوالكم؟
يا جماعة وانا اشاهد التلفاز ممكن معظمكم شافو الأخبار الاسواق الفوضوية او الطوابل اللي حاطينهم الشباب فالعاصمة يبيعو ويسترزقو نحااوهم اليوم ممكن معظمكم يقول مليح وواجهة العاصمة لازم تكون منظمة ولكن الحل نحاو الطوابل والحل ما كانش يدفعو فيهم للسرقة وين يروحو بلا خدمة كاين بزاف مسؤولين على عوائلهم واش يديرو يعني هدوهم ينحوهم او يدوهم للحبس بلادنا واش راهي دير والمسؤولين واش حابين من الشباب يطلعو للجبل يولو يتباعو لناس يستغلوهم
واش رايكم فالي صرا النقاش لكم

اهلا اختي الصابرة
الحل يجب ان لا يكون بالعاطفة
لان الدولة تحل مشاكل الشباب و البطالة على حساب المواطن

[~عادلــــــ~]

المشاركة الأصلية كتبت بواسطة مجيد حـ

السلام عليكم

الاسواق الفوضوية يجب ان يتم القضاء عليها
و هذا الشاب البطال دارها بيدو
و البطالة تاعو هو المتسبب فيها
شاب منين يزيد و هو راقد و يحوس يتحصل على كل شي هههه طماع
كون خدم من صغروا ولا قرا ولا دار حسابو ما يصرالوش هكذا

ههههههه كيفاه دارها بيدو؟يبدوا أنكـ لا تتبع الأخبار منذ يومين و بالصدفة فقط سمعت أن نسبة البطالة في الذكور بلغت 17 بل الفاصل،و أن 16 بالمئة من الذكور جامعين بمعنى 1 بالمئة ليس لهم مستوى جامعة-وليس أمين-

[رقة الحياة]

المشاركة الأصلية كتبت بواسطة aihemsara

منك بصح ولا تتمسخر؟
الشاب البطال دارها بيدو؟
علاه ماعلابالكش بلي القاريين راهم يطايشو برا بلا خدمة و هوما لي راهم يديرو في الطوابل؟
صح الاسواق الفوضوية لازم يقضو عليها بصح لازم تاني يلقاو خدمة للناس هادو
ولا يعرفو غير ينحو ما يعرفوش يبنولهم سوق كبيرة منظمة يحطوهم فيها
في وقتنا هادا واحد ما منع ني لي مني خلق و هو راقد ني لي حياتو كاملة و هو يقرا

القاريين كون قراو مليح كون راهم يخدمو
4 سنين ولا 5 في الجامعة يظال يقصر و يلعب
و يحوس يخدم
+ حنا طماعين هذا هو الواقع

المشاركة الأصلية كتبت بواسطة ~عادلــــــ~

ههههههه كيفاه دارها بيدو؟يبدوا أنكـ لا تتبع الأخبار منذ يومين و بالصدفة فقط سمعت أن نسبة البطالة في الذكور بلغت 17 بل الفاصل،و أن 16 بالمئة من الذكور جامعين بمعنى 1 بالمئة ليس لهم مستوى جامعة-وليس أمين-

؟؟؟؟؟؟؟؟؟؟؟؟؟؟؟؟؟؟؟؟؟؟؟ انت ماكش عايش هنا ؟؟

[مريم الصابرة]

المشاركة الأصلية كتبت بواسطة biti

هذا هو سبب الحرقة و بقية المشاكل

السلام عليكم شكرا على المرور الطيب وي هذا من اسباب الحرقة وهي الحقرة ربي يستر شكرا

[مريم الصابرة]

المشاركة الأصلية كتبت بواسطة mohamed160

سلام عليكم شكران على الموضوع الاحت مريم والله عندك الحق هنا عندى فى العاصمة مشكل كبير كيمى احكيتى غيرى لى عندوا 7 سنوات وهوا يخدامى هكدا المشكل سببهوا الاول هو الدولة الجزائرية

السلام عليكم خويا محمد شكرا على المرور العطر
والمشكل خويا كاين اللي يخدم على عائلة كاملة تخيل لما ينحولو الطابلة وينوض الصباح عندو ولاد صغار وماكان حتى مدخول واش يدير يسرق وإلا واش ربي يهديهم المسؤولين كروشهم شبعانة ونفوسهم فجعانة شكرا اخي

[مريم الصابرة]

المشاركة الأصلية كتبت بواسطة السي محمد

الحرقة

الارهاب

التطرُف

الزطلة و الخمر

الانحراف

الهجرة

الانتحار

السلام عليكم خويا محمد وي هذو الي يدو الشباب للطرق هذو سبحان الله يجي يخدم بالحلال ما يخلوهش يطبعو فيهم للحرام الله غالب راهم يشوفو فالدنيا ظلمة ربي يهديهم على الحقرة اللي راهم يحقرو فالزوالين ربي الوكيل شكرا

[مريم الصابرة]

المشاركة الأصلية كتبت بواسطة مجيد حـ

السلام عليكم

الاسواق الفوضوية يجب ان يتم القضاء عليها
و هذا الشاب البطال دارها بيدو
و البطالة تاعو هو المتسبب فيها
شاب منين يزيد و هو راقد و يحوس يتحصل على كل شي هههه طماع
كون خدم من صغروا ولا قرا ولا دار حسابو ما يصرالوش هكذا

السلام عليكم خويا مجيد
هذي المرة ما نتفقش معاك خويا اغلب البطالين مثقفين ومستويات عالية فالتعليم والشاب اللي راك تقول يرقد يرقد يهرب من المشاكل ماكانش خدمة وما كان حتى لافونير كي ينوض وين يروح يروح يسرق يروح للبدلية وين رئيس البلدية محتكر البلدية والخدمة لكل عائلتو هذا واقعنا ما نهربوش منو الله غالب بلادنا راهي في يد ناس ساكلو في لحم الزوالي ربي يستر لكن ما تلومش الشباب اللي ما قراوش لأانو شوف شعال كاين منهم من قاري وأستاظ ومهندس وراه شاد الحيط ربي يهديهم شكرا

[مريم الصابرة]

المشاركة الأصلية كتبت بواسطة lidouch

راه الحال ولا صعيب في البلاد والله يشفو مساكن

السلام عليكم اختي شكرا على المرور العطر
وي ختي الحال راه صعيب والبلاد حالتها راحا للأسوأ ربي يهدي المسؤولين الزوالي ديما متفرة فيه شكرا

[مريم الصابرة]

المشاركة الأصلية كتبت بواسطة aihemsara

منك بصح ولا تتمسخر؟
الشاب البطال دارها بيدو؟
علاه ماعلابالكش بلي القاريين راهم يطايشو برا بلا خدمة و هوما لي راهم يديرو في الطوابل؟
صح الاسواق الفوضوية لازم يقضو عليها بصح لازم تاني يلقاو خدمة للناس هادو
ولا يعرفو غير ينحو ما يعرفوش يبنولهم سوق كبيرة منظمة يحطوهم فيها
في وقتنا هادا واحد ما منع ني لي مني خلق و هو راقد ني لي حياتو كاملة و هو يقرا

السلام عليكم اخي انا من رايك المشكل ما راهش فالشباب واش يديرو شكون يلقى مستقبل وخدمة ويقول لالا ماكانش منها مساكن وين يروحو حتى لو نحاولهم من المفروض يغوضولهم بمكان ثابت ويبيعو ويسترزقو منو ربي يكون معاهم اللي خلق ما يضيع ربي يهدي الجميع

[مريم الصابرة]

المشاركة الأصلية كتبت بواسطة مسلم سني

السلام عليكم
أولا فرحت كثيرا عندما وجدت موضوعا باسمك
أتمنى أن تكون أمورك بخير وتحية للوالدة الطيبة
ك
وثانيا في البداية سمح لهم بذلك
ثم جاءت اجراءات أخرى
لكن يمكن أن تكون هناك حلولا
من جهة المحافظة على الواجهة
ومن جهة اخرى الحفاظ على مصدر رزق هؤلاء
وأيضا تجنبا لمشاكل أخرى
سوء التسيير هو السبب
والأمور في تفاقم مستمر وفي كل المجالات
وإن لم تحل بعضها فستكون الكارثة
لأن الضغط يولد الانفجار
نتمنى ان تكون هناك حلولا لأن الأمور تسير نحو الأسوء
احترماتي

السلام عليكم اخي الفاضل كيف حالك ؟
شكرا جزيلا كنت مريضة ودخلت للمستشفى لكن حاليا بخير شكرا وبارك الله فيك والدتي تبلغك سلامها
والله يا اخي هي صح مظهر العاصمة لكن كانو لما ينحولهم ينقلوهم لسوق ثابت وين يبعو ويسترزقو وأيضا الشعب مستفيد منهم للاسعار اللي توالم الناس يعني كان رحت للعاصمة لساحة الشهداء والله الأسعار تناسب كل المستويات وأيضا أصحاب المحلات لعبو ور كبير في طرد أصجاب الطوابل ربي يهديهم والله يغيضو وين يروحو شكرا وبارك الله فيك ربي يكون معاهم إن شاء الله

[مريم الصابرة]

المشاركة الأصلية كتبت بواسطة spy4me

هذا كله بسبب الحكومة الغائبة عن شؤون الشباب ويقولون ان البطالة في الجزائر اصبحت 10% فقط امر مضحك، الشباب كله بطال ولا مسؤول يهتم
أين انت يا ابن الخطاب

السلام عليكم اخي شكون هذا اللي قال البطالة بهذي النسبة نظن كان دايخ ممكن نسبة العمال هذيك يروح للقهوة يشوف كان معمرة كان فارغة او يعس الحيوط والحومات ويحسب تجمعات الشباب ويشوف إيه عندهم الحق خويا ولادهم راهم فالخارج يقراو وفالشاليات يعقبو فالفاكونس ما راهمش يجرو ومور الخبزة وزيد يحرموهم منها يا ويلهم من ربي شكرا

[سعاذ]

السلام عليكم
مريم على سلامتك واش حوالك

[مريم الصابرة]

المشاركة الأصلية كتبت بواسطة knives55

هذ لبلاد راحة رحمة مكانش خدمة مكانش يا تسرق يا ترشي ولا تحط يدك فيد الظالم به تعيش

القانون يطبق على زوالي فقط

وربي يجب الخير هذ لبلاد رايحة كاش حرب اهلية والله اعلم ظلم راه عشش وفقر رايح ويزيد

السلام عليكم اخي بارك الله فيك على المشاركة الطيبة
وي هذي هي لازم يديرو هكذا باه الشاب يمد رشوة او يروح يسرق ويخافو لحباس يفرغو لازم يعمروهم واكيد كاين ايادي خفية راهي تحوس على الفتنة فالبلاد واكيد الفتنة تجي بغضب الشباب المحقور ربي يستر شكرا