حلويات =نور اليقين= لهذا العيد كل عام وانتم بالف خير - الصفحة 2

الصوامعية · 2012-08-20, 20:45

صح عيدك أختي حلويات جميلة متحوفة ومتقونة بارك الله فيك
ممكن الوصفة نتاع هذا القاطو

[IMG][/IMG]

سعاذ · 2012-08-20, 21:17

الله يبارك
ما شاء الله

nourhane boubou · 2012-08-20, 22:02

rabi yebarek ya3etik sa7 rahoum benane bezaf khoté

=نور اليقين= · 2012-08-20, 23:37

شكرااااا على اهتمامكم وشكرااا على الردود الطيبة

اماه · 2012-08-21, 08:53

من فضلك اعطينا مقادير حلوة الصدفة والحبة تع اللولو كيفاش خدمتيها من فضلك

وليد مولودية · 2012-08-21, 09:10

تسلم ايدك و صح عيدك اختي

raoufnina · 2012-08-21, 10:28

بارك الله فيك علي مجهودك المتميز

nourhane boubou · 2012-08-21, 11:03

أعطيني مقادير القاطوا الجوز و صابلي من فضلك وشكرا لك علي الحلويات الرائعة

=نور اليقين= · 2012-08-22, 20:34

250غ زبدة+4مغارف كاكاو ماشي مليانين +350غ سكر رطب+130غ كاوكاو مرحي+2افاني+1خميرة+3مغارف عصير ليمون+2عضام+250غ فرينة تخلطي المواد الجافة مع بعض ومعبد تخلطي زبدة والليمون والعضام بعد ماتضربيهم بالباتور والعجينة تجبي شوية جارية وفرغيها في البلاط وكي يطيب ديري مغرفة معجون و2مغارف عصير قارص وخلطيهم ودهني القاطو من فوق وكي يبرد ديري القلاصاج شيكولا كحلة وكي تشيح اقسميه كريات ومبعد ذوبي الشيكولا البيضة وحطي بالمغرفة تاع القهوة في نص الكارية وحطي عليها جوزة

قاطو الجوزة

=نور اليقين= · 2012-08-22, 20:44

قاطو صابلي
قاطو تاع صابلي 500 غ زبدة +نص كاس زيت +كاس سكر+ 2 صفر البيض +1 خميرة+قشور حبة قارص وشيحي بالفرينة ومبعد تطرحي العجينة على سمك 1 سم وتطبعي الشكل الى تحبي وكي يطيب لسقي كل زوج مع بعض بالمعجون وحطي في الشيكولا الكحلة لازم يتغطى كامل والشيكولا تكون ثقيلة ماشي سايلة ومبعد زيني بالشيكولا البيضة ديري خطوط ///// وحطي وردة واللماع او حطي لوزة في الوسط و رشي اللماعhttp:/

=نور اليقين= · 2012-08-22, 21:00

اقتباس:

المشاركة الأصلية كتبت بواسطة اماه

من فضلك اعطينا مقادير حلوة الصدفة والحبة تع اللولو كيفاش خدمتيها من فضلك

قاطو تاع ال****اجة(الصدفة)
500غ زبدة+كاس سكر رطب+عضمة+مغرفة تاع قهوة خميرة وتشيحي بالفرينة من بعد ما ترتاح العجينة حطيها في لي كيسات تاع الحديد على شكل صدفة
وحطيهم يطيبو ومن بعد حضري الحشو (كاوكاو+ حلوة الترك+ معجون من بعد عمري غير ال****اجة الي من الاسفل وتكوني حضرتي لابات داموند منقبل على شكل كورات صغيرة وتغطيها باللماع الفضي باه يدي شكل اللؤلؤ وكي تحطي الؤلؤ حطي ال****اجة الثانية من فوق من بعد الديري الشيكولا النوارا والبيضة على شكل خطوط من فوق و ()
والكان مفهمتش حاجة اني هنا

halima574 · 2012-08-22, 21:10

الله يبارك شابين

malakrouhi82 · 2012-08-22, 21:25

ياودي ربي يحفظك ان شاء الله انا مرات ميجينيش القاقو شباب عما ننجح لوكان نجربهم ؟؟؟؟؟؟

malakrouhi82 · 2012-08-22, 21:30

لوكان تزيدي تكملي خيرك وتمديلنا مقادير المقروط وربي يعطيك الصحة ويعطيك ماتتمناي ان شاء الله

اماه · 2012-08-23, 09:17

ربي نورك اختي نور اليقين ويعطيك ما تتمناي