ظاهرة طمع رجال اليوم في مال المرأة - الصفحة 4

ابراهيم داود · 2012-08-12, 00:27

اعتقد ان الذي اتهم الرجال الذين تزوجوا بعاملات بأنهم ....... معقد و الاكيد انه بطال لذلك يحقد كل هذا الحقد على المرأة العاملة قهو يحاول التعبير عن حسرته بان النساء اخذن مناصب العمل منه ...... مسكين

MIWAKE · 2012-08-12, 01:14

شكرا على كل من تفاعل مع الموضوع

MIWAKE · 2012-08-12, 18:22

اقتباس:

المشاركة الأصلية كتبت بواسطة ابراهيم الأستاذ

اعتقد ان الذي اتهم الرجال الذين تزوجوا بعاملات بأنهم ....... معقد و الاكيد انه بطال لذلك يحقد كل هذا الحقد على المرأة العاملة قهو يحاول التعبير عن حسرته بان النساء اخذن مناصب العمل منه ...... مسكين

شكرا على مرورك و تفاعلك مع الموضوع

amura8 · 2012-08-13, 00:28

اولا ادا كانت البنت قرات وتعبت وعملت عمل شريف وربي كتبلها رزقها شكون نت باش تفتي وتبقى تحلل وتحرم
ثانيا المراة من حقها تتزوج واحد بسهريتو ماشي على جالها مي على جال ولادهم شكون يوكلهم ولا يشربهم ويقريهم ولا يبقوا يعيشوا مغبونين وادا مات لا قدر الله كيفاش تدير؟؟؟؟ولا تطلقت وعندها ولاد يفاش تدير؟؟؟؟؟؟
بتقولوا عمها ولا باها ولا خوها مع كل احترامي رجال دوكا ماشي كي رجال بكري يقصر في حق مرتو الماكثة في البيت ما يشريلهاش وادا شرى يشدلها فيه شريتلك داك النهار ولا يشري في الشكيل ولا يضيعهم في جهة لوخرى
مي باش واحد يدي مرة على جال خدامة باش يكون مسير ماديا ماشي كيما واحد يدي مرة طمعا في شهريتها
ومع هدا الوقت والغلاء يليق واحد يدي خدامة اللهم ادا كان جيدا ماديا ة هي تشري صوزالحاها روحها وهو يصرف علىا لدار واحد ما ينقص ح

amura8 · 2012-08-13, 00:30

ديجا ربي سبحاوه دار الخدمة للراجل ويدبر راسه البنت مريضة ولا كاش ما خصها يطير وينزل ويجيبلها هدا هوا لرجل
لكن مع هدا الوقت الله غالب يليق يتفاهموا مي اللي تهمني نيته ادا داني على جال دراهمي كسبب رئيسي ولا سبب ثانوي

قاتلة الصهاينة · 2012-08-13, 09:20

اقتباس:

المشاركة الأصلية كتبت بواسطة faridos

يا اخي في ولايتك اظن هناك نوع من التشدد ..ليكن في علمك وهذه القصة وقعت بالفعل ..رجل رزقه الله بعمل في الصحراء وراتبه جيد اراد الزواج بامرأة ماكثة بالبيت ولا يريدها عاملة لانه هو وعائلته متشددين .وجد فتاة فعرض عليها شروطه فقبلت..تم الزواج بعدها عاد الى الصحراء للعمل .بعدها بمدة الفتاة احست بنوع من الملل في وسط الكنة وشيخها .طلبت من زوجها ان يحاول ان يجد عمل قريب من البيت حتى تكون هناك متعة زوجية.فرفض .حينها الفتاة وبعد ان تاقلمت مع ظروف البيت واصبحت تعرف وقت خروج الشيخ والكنة .في هذه الاثناء كانت تستدعي حبيبها الى البيت لتعاشره في فراش زوجها . فداومت على هذا الفعل لمدة طويلة ..في احد الايام اراد زوجها ان يعود الى المنزل دون ان يخبرها ليفاجأها بعودته .فلما دخل المنزل كعادته كان يذهب يسلم على الاب والام اولا فلم يجدهما .بعدها توجه الى غرفته ليسلم على زوجته وهو متوجه نحو الباب اذ يسمع صوت زوجته المعتاد عندما يجامعها ..فلم يستطيع الانتظار فتح الباب عنوة اذ يرى زوجته وحبيبها يمارسان الجنس فوق فراشه. ..يا اخي لا اظن ان هناك اكثر من هذا يا اخي حوس على بنت الفاميليا التي اذا خرجت امام الاسود دونالخوف عليها .فليس العيب في زواج الرجل بالمرأة العاملة وانما العيب عندما تكون الزوجة تسيير المنزل او تملك سلطة عليك او الزواج من عاهرة ..يا اخي نحن نملك قدوة وهو رسولنا المصطفى صل اللهم عليه وسلم ..زواجه من خديجة وهو فقير لم يكن عيبا بالرغم من تقدم خطاب كثر عليها وهم من اثرياء ذلك العصر فلم ترضى باي احد ..بل كان رضاءها برجل امين وصادق ..الا يوجد رجال وهم فقراء في هذا العصر اؤكد لك ان هناك فقراء ورجال باتم معنى الكلمة ..وشكرا

لاحول ولاقوة الا بالله
ولكن اكيد هذا يرجع لنقص في أخلاقها من الأول لأن المعادن تختلف
وثاني حاجة المرأة بعد الزواج رح يجوها لولاد ومتلقاش أصلا وقت لروحها ولزوجها فكيف ستلقى وقتا لهذه الخيانة مثلا
أنا من رأيي الشخصي منحبش نخدم..نحب زوجي يخدم برا وانا نخدم داخل
ماشي كيما أمي تخدم برا وداخل حتى كرهت وعيات وتقلي الدراهم خماج الدنيا
قاتلي ضيعت نص عمري في جمع المال ودوكا راني نضيع في هذاك المال باش نرجع صحتي
أنا هذا رأي
مهمة المرأة الأولى انها تهتم بزوجها مللليح يعني كي يدخل للدار يلقى كلشي إكسترا
النظافة تاعها وتاع بيتها والطياب الله الله ....
وتاني حاجة تربي أولادها تربية اسلامية صحيحة
ماشي تخرج تخدم وتخليهم عند عجوزتها او أمها لي راهي ديجا كارهة من الدراري
او تخليهم للشارع
تقبلو مروري
وصحا فطوركم

faridos · 2012-08-13, 09:34

اقتباس:

المشاركة الأصلية كتبت بواسطة قاتلة الصهاينة

لاحول ولاقوة الا بالله
ولكن اكيد هذا يرجع لنقص في أخلاقها من الأول لأن المعادن تختلف
وثاني حاجة المرأة بعد الزواج رح يجوها لولاد ومتلقاش أصلا وقت لروحها ولزوجها فكيف ستلقى وقتا لهذه الخيانة مثلا
أنا من رأيي الشخصي منحبش نخدم..نحب زوجي يخدم برا وانا نخدم داخل
ماشي كيما أمي تخدم برا وداخل حتى كرهت وعيات وتقلي الدراهم خماج الدنيا
قاتلي ضيعت نص عمري في جمع المال ودوكا راني نضيع في هذاك المال باش نرجع صحتي
أنا هذا رأي
مهمة المرأة الأولى انها تهتم بزوجها مللليح يعني كي يدخل للدار يلقى كلشي إكسترا
النظافة تاعها وتاع بيتها والطياب الله الله ....
وتاني حاجة تربي أولادها تربية اسلامية صحيحة
ماشي تخرج تخدم وتخليهم عند عجوزتها او أمها لي راهي ديجا كارهة من الدراري
او تخليهم للشارع
تقبلو مروري
وصحا فطوركم

لا مانع فيما تقولين ..لكن اتحدث عن عمل المرأة انه ليس عيبا وان الزواج بامرأة بنت اصل وشرف لا اظن العمل يبدل شخصيتها.او تتسلط على رجلها او تقول له تزوجتني لاجل المال.

rayhana malak · 2012-08-13, 10:06

انا نظن بللي الرجل حر في الاختيار بصح اذا اختار المراة العاملة مايبينش باللي داها على سبة دراهمها باش ماتغيضهاش وبالمقابل هي مارايحاش تبخل عليه اذا كان حاصل انا شخصيا صراتلي كي كنت مخطوبة وعاقدة كنا انا وزوجي نحكو ومنبعد قالي كنت رايح نخطب فلانة وبعد ماكتبش رب قلتلو انا علاش قالي هي غير كيما تخرجت منالجامعة ونولي نجري ونحوسلها على الخدمة و...و... قريب قالي نتيا خير واجدة تخدمي ومرسمة00 المهم من هذاك النهار عرفتوا وعلاش يحبني موش لسواد شعري ولا لجمال عيوني بصح على جال شهريتي

MIWAKE · 2012-08-14, 01:58

شكرا على كل من تفاعل مع الموضوع

السي محمد · 2012-08-14, 02:18

انا مانيش طماع

و مانحتاجش تصرف عليا

او تعطيني من مالها او مال ابوها

و مش محتاج تعاوني في المصروف و تخدم

azouzr · 2012-08-14, 03:20

[QUOTE=sarl02;10767572]لا تردد كلام الجهلة ..ولا تقذف بنات الناس بالباطل ..يوجد عاملات اشرف من الشرف مقارنة بربات بيوت فاسقات ....وعيب هذا الكلام .اتطعن في رجولة وشرف رجل لتزوجه من امراة عاملة؟؟.. الا يوجد رجال طحاحنة كما تدعي وزوجاتهم ربات بيوت ؟؟...وواش من ولاية الي راك تتغنى بها واتقول المراة لا تخرج للعمل فيها ؟؟..راك عايش فالمريخ انت؟؟..ولا تتحدث بشرع الله ونبيه الكريم ما دمت لست اهلا لذلك لان كلاهما لم يحرم عمل المراة ..وفي الاخير اقول لك اذا مرضت زوجتك او احد محارمك لا تاخذها عند طبيبة نساء وخذها عند رجل يفحصها لانها مراة عاملة وزوجها طحان كما تدعي.[/QU

وهل انت تعلم شيئ في الدين حتى تحلل عمل المرأة من دون استثناء

اللهم اصلح لنا ديننا الذي هو عصمة امرنا أمين

SAFIRE77 · 2012-08-14, 03:31

مانكذبوش على بعضانا شهرية واخدة ماتفتحش بيت.اخطونا يا جماعة من التفلسيف.؟؟؟؟؟؟؟؟؟؟؟؟؟
انا عازب بمعنى زبنطوط.والله شهريتي ماتكفيني لشهر اذا نعيش بيها وحدي جربت في الصيف هذا ماقعدتش الدنيا ناااااااااااااااار.والأسعار في العلالي. ماشي عيب الزوجة تعاون راجلها.لكن العيب انو يديلها دراهمها.عندي الكثير من الأصدقاء متزوجين بعاملات والله عايشين لابال في.القضية قضية تفاهم برك.والبنت لي دقول انا شهريتي وحدي.يجي وقت قوللها شهريتك تنفعك المراة لي ماتعاونش راجلها وتعطي دراهمها كامل في المكياج واللبسة واش من زوجة.والنقطة الأهم في نظري انو ماكانش راجل فحل يرضى انو مرتو تخدم الله غالب وقت صعيب.نحكيلكم حكاية صديقي قالي انا مرتي ماتخدمش .بعد الزواج ولات مرتو تخدم عقود ماقبل التشغيل ويضل يحوسلها على هاذي الصيغة.ربي يلطف بينا برك

MIWAKE · 2012-08-15, 19:06

شكرا لكل من تفاعل مع الموضوع و صح فطوركم

MIWAKE · 2012-08-22, 18:49

شكرا على كل من تفاعل مع الموضوع

MIWAKE · 2012-08-22, 18:56

السلام عليكم اليوم اصبحنا نشهد ظاهرة غريبة و خطيرة و مخيفة و هي طمع الرجال في اموال النساء فنجد رجل يتزوج بفتاة لان عائلتها غنية و يطلب منها المال بدون حشمة و واحد بطال يتزوج بعاملة حتى تصرف عليه....الخ
وهذه السلوكات ما قدرتش تدخل راسي و لم و لن افهمها فاين هي حشمة وكرامة ورجولة هؤلاء الرجال فانا ماعدا ابي لم اطلب من اي شخص ان يعطيني دينار واحد و اعتمد على نفسي عندي المال اتزوج و اكل و البس ماعنديش لاتزوج و لا البس .....شكرا