كل بنت تقولي وش فهمت منها ؟؟؟؟؟؟؟؟؟؟

كنوزنبراس · 2012-08-15, 18:45

مساء الخير لبنات وش راكم ليوم
من خلال قرائتي لبعض المواضيع هنا تفكرت واحد القصة عندي زمان قريتها وحبيت نقولها ليكم وكل وحدة تدخل
هنا تقولي وش فهمت منها واش الخلاصة او المغزى مننها بخصوص الرجل وما يخفيه في قلبه ولا يخبرك بيه ؟؟؟

كين بعض الرجال يخبو في قلبهم من تصرفات نسائهم ويفهموهها لنساهم بطريقة اخرى
يعني انا لي حبيت نقولو انو حتى وتحرقهم الكلمة تبقى فيقلبهم وميضهروهاش للنساء

بلى منطول عليكم نحكيلكم لقصة ونتمنى من كل من تقراها تقولي وش فهمت واش تنصح كل بنت

ايا نبدا بسم الله

قالك هادي مرا وراجلها في ليلة عرسهم كانت مشاء الله وفرحو مليح وزهاو مليح ايا كي جاو يرقدو حبت البنت تقول لراجلها انو في صباح تعنا كون يجو اهلك ولى اهلي يطبطبو علينا وينوضونا رنا منفتحوش الباب قالها علاه قتلو لا حتى ميقلقوناش ورنا تعبانين ورانا راقدين روطار ووووو المهم قنعاتو قالها رايك خلاص منفتحش لباب لحتى واحد خلي هو حاب يرضيها ويديرلها بخاطرها
ايا املا جا صباح جاو اهل العريس يطبطبو صباحية محبوش يفتحو كثرو عليهم حسبوهم ماتو ولى كشما صرا قالها راجلها نفتح ونصرهم عادي قتلو لا متفتحش خليهم درك يروحو يعيو يروحو وطفاو تلفوناتهم ................ المهم زاد شوية طبطبو اهلها هي وبدات امها وابوها يقولها مور لباب بنتي افتحي انا يماك وباباك املا خزر راجلها فيها وخزرت فيه قالها ياك تفاهمنا منفتحوش قتلو ايه منبعد بدات تخزر ليه وعينيها حبا تبكي قتلو معليش نفتح ليهم معليش غير شوية نكلمهم ويروحو ......................... خزر فيها وقالها معليش عمري فتحي .......... وحكمها في قلبو تاع اهلو مفتحوش ليهم واهلها فتحت ليهم ....................... مرت ايام وربي رزقهم بولد فرحو بيه وزاد ربي رزقهم بولد فرحو بيه ولما ربي رزقهم بي بنت زوجها هبل من الفرحةةةةةةةةةةةةةةةةةة دبح عشر دبائح ودار معروووووووووووووووف كبير وعرض اهلو واهلها وصحابو وناس بزاف كل هدا الشئ مداروش كي جاوه لولاد الاولين فرح بيهم مي مشي كيما البنت هادي حتى ناس حارو فيه قالو ياك مرتو تولد وش بيه هدا فرح هكا من لعوايد البنت ميفرحولهاش كيما الولد اهههههههههه املا مرتو قالت والله نسقسيه قتلو كي جبت لولاد مفرحتش ليهم هكا وكي جبت البنت راك قريب طير تعرفو وش قالها .................................................

7
7
7
7
7
7
7
7
7
7
7
7
7
7
7
7
7
7
7
7
7
7هبطو نقولكم وش قالها

7
7
7
7
7
7
7
7
7
7 متبكوش برك انا دمعت عيني في اول ما قريت القصة ممممممم
7

7
7
7
7
7
7
7 قالها شكون غدوا يفتحلي لباب كي نجي نطب طب قالها عارف غير بنتي لي تفتحلي لباب ولولاد ميفتحوليش يجو كيما انا انا مفتحتش لباب لوالديا

شفتو كين رجال يخبوها وتحرق في قلبهم ودور سنين وتبقى في قلبهم الكلمة والفعل

ايا الان كل وحدة تقرها تقولي وش المغزى منها وش فهمت من الحكاية هادي

كنوزنبراس · 2012-08-15, 19:00

15 مشاهدة ومكش رد ا؟؟؟؟؟؟؟؟ مفهمتوهاش؟؟؟؟

nournour59 · 2012-08-15, 19:01

مشكورة و الله غير القصة مؤثرة فعلا

كنوزنبراس · 2012-08-15, 19:05

العفو نور نور نورتي خيتي
بصح مقلتيليش وش فهمتي منها يعني المغزى حتى وبكلمة فقط
صحى فطورك حنونة

كلتومة01 · 2012-08-15, 19:10

ااااه،والله غير شعرت لي جلدي،انا فهمت بلي كيما يقولو لخير مرا وشر مرا،وصح راجل يخبي فقلبو حتى يجي هداك نهار لي يفجر لبراكين، الله يستر برك.

nournour59 · 2012-08-15, 19:13

ايه كيما قالت اخت الراجل ما يعيا داس في قلبو بصح يجي نهار لي يكشف فيه كلشي و يحاسب على كلشي صرا

كنوزنبراس · 2012-08-15, 19:16

اقتباس:

المشاركة الأصلية كتبت بواسطة كلتومة01

ااااه،والله غير شعرت لي جلدي،انا فهمت بلي كيما يقولو لخير مرا وشر مرا،وصح راجل يخبي فقلبو حتى يجي هداك نهار لي يفجر لبراكين، الله يستر برك.

صح هديك هيا ربي يستر برك
شكرا ليك كلتومة اسمك يهبل كيما ختي اهههههه صحى فطورك

كنوزنبراس · 2012-08-15, 19:18

اقتباس:

المشاركة الأصلية كتبت بواسطة nournour59

ايه كيما قالت اخت الراجل ما يعيا داس في قلبو بصح يجي نهار لي يكشف فيه كلشي و يحاسب على كلشي صرا

كينا صح على هديك نقولو لازم نراعو لمشاعرهم في امور كيما هكا
شكرا لكي مرة اخرى نور نور

chahrazed-m · 2012-08-15, 19:25

والله جسمي زغب وصح الرجال ما ييقولوش كلش يخبو قلبهم ماشي كيفنا نهار كامل وهنا قر قر قر
وحتى يجيبوهالك بالمعنى
ربي ثيقدرنا ومانديروش اخطاء كيما هكا
كيما هي والديها حتى هو والديه
وخاصة امو يكون تحرق قلبها مسكينة

كلتومة01 · 2012-08-15, 19:40

اقتباس:

المشاركة الأصلية كتبت بواسطة كنوزنبراس

صح هديك هيا ربي يستر برك
شكرا ليك كلتومة اسمك يهبل كيما ختي اهههههه صحى فطورك

يسلمك يا عمري صح فطورك نتي زادة

sarra5 · 2012-08-15, 20:25

9isa t2atar bzeef

ouii sah kayna

mais hadi bayna har9ato bzef c pr ca b9a metfakarha

فرد من عمار الأرض · 2012-08-15, 20:27

ايه كنوزتي الراجل يخبي في قلبو واذا جرحتيه والا قستيه جامي ينساهالك ويقدر حتى يكرهك ......ربي يستر برك
يعطيك الصحة حنونة وهذي نقطة مهمة باش يتفكروها كامل لبنات

كنوزنبراس · 2012-08-15, 20:55

اقتباس:

المشاركة الأصلية كتبت بواسطة chahrazed-m

والله جسمي زغب وصح الرجال ما ييقولوش كلش يخبو قلبهم ماشي كيفنا نهار كامل وهنا قر قر قر
وحتى يجيبوهالك بالمعنى
ربي ثيقدرنا ومانديروش اخطاء كيما هكا
كيما هي والديها حتى هو والديه
وخاصة امو يكون تحرق قلبها مسكينة

الوالدين لبغا والديه ولى والديها ياك لازم يكونو كيف كيف هو مجاش من لهوى عنده والديه تاني
شكرا ليك خيتي نورتي

اقتباس:

المشاركة الأصلية كتبت بواسطة كلتومة01

يسلمك يا عمري صح فطورك نتي زادة

الله يسلمك لحبيبة

اقتباس:

المشاركة الأصلية كتبت بواسطة sarra5

9isa t2atar bzeef

ouii sah kayna

mais hadi bayna har9ato bzef c pr ca b9a metfakarha

ايه مينسهاش وتبقى في قلبو
نورتي ختي شكرا ليك

اقتباس:

المشاركة الأصلية كتبت بواسطة فرد من عمار الأرض

ايه كنوزتي الراجل يخبي في قلبو واذا جرحتيه والا قستيه جامي ينساهالك ويقدر حتى يكرهك ......ربي يستر برك
يعطيك الصحة حنونة وهذي نقطة مهمة باش يتفكروها كامل لبنات

صح مي حتى وميكرهكش لكن تبقى في قلبو وسورتو راهم الوالدين تعرفي حتى ووتهدرلو في والدين بشر يقول ايه مي يحس بيها في قلبو لانو راهم والديه كيما هيا عندها والديها ....وراجل يحب لمرا لي تحب والديه وليس العكس
صحيتي حنونتي نورتي يالحب

زينوبة 45 · 2012-08-15, 21:27

أنا تبانلي كي قبلت بيه يكون راجلها و شريك حياتها صاي باباه هو بابها و يماه هي يماها و ما تنساش رضا زوجها يدخلها الجنة الله يهدينا

ابتهال 33 · 2012-08-15, 21:31

السلام عليكم
شكرا على القصةمؤثرة
وفيها مغزى كبير
ربي يرزق الجميع بالذرية الصالحة الطيبة
والله خليلكم والديكم ويطول اعمارهم