بيتزا محشية نقانق لذيذة من مطبخي

[mounie dz]

بيتزا محشية نقانق


السلام عليكم
بيتزا بيتزا شكون مايحبهاش
من عندي ليكم بيتزا محشية نقانق

المقادير

حوالي 4 كؤوس فرينة ،كاس وربع ماء دافئ، 3 ملاعق لحظة، فنجال زيت، ملعقة كبيرة خميرة فورية، ملح

بيضة، علبة فطر، صلصة بيتزا، جبن مبشور للبيتزا ، نقانق

التحضير

نحطو كاس ماء دافي الخميرة الزيت الملح لحظة البيضة وكاس فرينة في الخلاط الكهربائي لمدة 3 دقائق

وراح نلاحظو الخليط يطلع بالخف لانو مخدوم مليح

نفرغوه في اناء ونزيدولو بقية الماء والفرينة تدريجيا
حتى نتحصلو على عجينة طرية نغطوها ونخلوها ترتاح 15 دقيقة


نقلي النقانق


نقطعو الفطر شرائح

ونقلوه في زيت النقانق ونوجدو صوص البيتزا

نحطو العجينة على السينية ونرفعوها من الحواف
نحطو النقانق في الحاشية

ونغلقو عليهم الاطراف مليح ونثقبو البيتزا بفرشاة

نحطو عليها لاصوص طوماط

الفطر

والجبن المبشور وندخلوها للفرن (وكان من المفروض ندهن اطرافها بالبيض وانا نسيت)

وهاي ليكم طايبة واجدة

مايبقى غير نقصوها وبالصحة عليكم



ان شاء الله تعجبكم

[نتــــــــــاشا]

barak allah fik pizza w 3liha lklam nchallah njrbha.

[سنوم 33]

يعطيك الصحة
عجبتني

[maya88]

[rose de kici]

allah yebarek 3lik ta de trés trés trés bons idées

[الواثقة بالله 23]

اممممممممممممممممممممم روعة الله يبارك

[seri]

بيتزا هايلة يعطيك الف عافية

[قوية بايماني]

اااااااااااااام تشهي اختي يعطيك الصحة وراني من اشد المعجبين بوصفاتك ونضل نحوس على الجديد ديالك

[sarra5]

ya khti 3ojbetni bzef w haba nsa9sik



hadi special sauce pizza tecriha special???

pask jamias sta3letha dima nesna3ha wahdi