راني عييت.....

[seri]

السلام عليكم ورحمة الله تعالى وبركاته انا اريد ان اطرح مشكلتي عليكم وان شاء الله نلقى لي يساعدني .انا اعيش في الطابق الاول وعندي 2 بيوت وكوزينة وبيت شيخي في الطابق التاني ودرك المشكل انو زوجي قالي انو دارنا ضيقة وحاب يزيد يبني في الطابق3 يعني حنا راح نخسروا سواردنا 2خطرات في دار خاطي تاعنا وحدنا لانو عندي 5 سلاف وزيد لو بنينا نقعد حياتي كاملة مرهونة بيهم وانا نحب نعيش حرة .عييت مانقنع فيه بصح ماحبش يسمعلي خلاص تقول هدا الحياة تاعو وحدو.انا قلتلو نقعدو لتحت حتى ينوب ربي ونخرجو بصح هو ماحبش انصحوني واش ندير .

[سارة البوسعادية]

مافهمتش انتم في الطابق الاول وتبنو في الطابق الثالث وبيت شيخكم يفصلو الطابقين؟؟ ولا رح تتنتقلو للطابق الثالث
اختي المشكلة باش تشري دار راكي لازم تعودي موجدة وخادمتلها من بكري يعني كون جات عندو قطعه ارض يبني عليها
بصح انتي كوني منوية واقراي الزينة برك وربي يعوضك ماتقوليش 5 سلاف ووووووو

[سارة البوسعادية]

ربي يعينك يالاخت

[saadi-2008]

السلام علكم ورحمة الله وبركاته
أنظروا إلى من أسفل منكم , ولا تنظروا إلى من فوقكم , فإنه أجدر أن لا تزدروا نعمة الله عليكم

لو نظرتي اختي الفاضلة لمن هم اسفل منك لحمدت الله على نعمه
انظري لمن لايجد بيت حتى كراء ولا يجد لقمت العيش انظري لمن في مثل سنك واكثر منك يحلمن بالزواج و و ....

وَمَن يَتَّقِ اللَّهَ يَجْعَل لَّهُ مَخْرَجاً

[مريم الصابرة]

السلام عليكم اختي شوفي نقولك رأي إنت لازم تبعي زوجك منين يجيبلك حق دار برا من دار اهلو وكان راحا تبني فالثالث وتنتقلي علاش لالا كل واحد وحياتو اختي إنت إهتمي بزوجك وولادك وإدي دعاوي الخير من اهل زوجك واش راحلك فالسلايف كل وحدة الله يسهل عليها ما تخليش العيب يجي منك وتولي فالمشاكل يا اختي راكي خير من ناس بزاف فأدعي ربي يهديك ويبعد عليك المشاكل شكرا وربي يوفقك

[abdel02]

في نفس زوجك حاجة يريد قضاءها...يبدو أن زوجك صمصار من الكبار وستعود إليه الكلمة في الأخير...تبعيه بدون نقاش فإن زوجك ربان ناجح.

[seri]

اختي مريم الصابرة راهم ماشي سلافات راهم سلايف رجالة زوج متزوجين وساكنين مع شيخي وعندهم 4 ولاد والباقي في سن الزواج.يعني رانا في بزاف ومنقدروش نعيشو حياتنا كامل مع بعضانا وزيد زوجي هو لي يقدر يشري دار من بين خوتو خطراكش راهو طبيب مختص ويدخل مليح والحمد لله.

[amran6688]

اختي الكريمة


قلت ان زوجك طبيب مختص وانه الوحيد القادر على البناء او الشراء وانه مدخوله كثير انصحك وخاصة اذا كان مايقرره يطبقه ان تتركيه
يفعل مايراه مناسب لانه صراحة بامكانه ان يشتري بيتا اخر في المستقبل وربما باسفله عيادة له اذن فهو كنز لك والخوف ان تدخلي
في مشاكل معه لانه سينظر الى تصرفك على انه حسد لااكثر ولا اقل فاجعلي مايقدمه لوالديه او لاخوته صدقة جارية منك ومنه والله سيعوضك في المستقبل الخير الكثير فلاتضيعي زوجك
فلو كان مدخوله ضعيف لكان لنا راي اخر قال الرسول /ص/ من ترك شيئا لله عوضه خيرا منه

[seri]

شكرا اخي والله كلامك اراحني كتيرا جزاك الله كل خير

[ghada91]

ربي يسعدك

بالاك راه داير حاجة في بالو

هو قادر يبني و يشري

ما تحصيش بالاك راه يبنيلهم و يعاون فيهم

و من بعد يخرج

ربي يجيب اللي فيه الخير

المهم انتي اكسبيهم بالملاحة و الطيب

[عآشقة غزه]

تبعيه احسن ماتخسريه ويجي نهار وين يشوف ولادو واكيد راح يبنيلهوم

[برايجية83]

السلام عليكم
ياختي واش نقولك والله الخدمة نتاع الدار زهو و سعادة احمد ربي عندك الدار وليستاع وتخدمي بيدك ومتنضريش لحتى واحد انا مثلا ..نسكن في (قراج) تمنيت لو كان عندي ليستاع ونخدم ونسيق ونمسح المهم انتي لبخيها كي تسيقي وتنضفي يعني راكي تقوليلها راكي مسخة وراكي مكسرة اليدين اخدمي وانت زاهية وتغني متبينيش راكي زعفانة هكذا تقتليها وتذليها
وربي يفرج عليك وعلينا

[ابراهيم داود]

انصحك ان لا تعصي زوجك