لنتشارك تدابيرنا و تنظيفاتنا اليومية في بيوتنا - الصفحة 16

ام ماجدة · 2012-06-26, 12:35

صباح الخير الاخت حبيبة اريد ان انضم اليكم واصبح صديقتكم فهل تقبلون لاننى بحاجة الى صديييييقات بعد ان صدمت فى اعز صديقاتى

ام مرية · 2012-07-01, 18:54

اهلا بيك ومرحبا اختي ولي الشرف اني اول من ردت عليك حبيبتي واعتبريني من اليوم صديقتك ونتمنى تنضمي لينا في الدورة السابعة لربة بيت مثالية انتضرك هناك

chahrazedberrichi · 2012-07-01, 19:05

[QUOTE=ام ماجدة;10565130]صباح الخير الاخت حبيبة اريد ان انضم اليكم واصبح صديقتكم فهل تقبلون لاننى بحاجة الى صديييييقات بعد ان صدمت فى اعز صديقاتى lمرحبا بك حبيبتى كما قالت الاخت ام مرية مرحبا بك بيننافي الدورة السابعة لمدبرة منزل مثالية واحنا رانا صديقاتك ان شاء الله

chahrazedberrichi · 2012-07-01, 19:06

اقتباس:

المشاركة الأصلية كتبت بواسطة ام ماجدة

صباح الخير الاخت حبيبة اريد ان انضم اليكم واصبح صديقتكم فهل تقبلون لاننى بحاجة الى صديييييقات بعد ان صدمت فى اعز صديقاتى

اهلا والف مرحبا

ام ماجدة · 2012-07-02, 10:57

شكرا لكم جميعا واتمنى ان اكون عند حسن ضنكم

وفاء سعاد · 2012-07-07, 17:12

رانى حا بة نسقسي على الميكرو حاطو راجلي في الصالو انا نضن ماشي بلاصتو تما خاصة قدام الضياف

ام ماجدة · 2012-07-07, 19:29

عادى اداكان عندكم الضيق ولكن حاولي ان تعطي لمكانه نوع من الديكور

ام سارة 285 · 2012-07-07, 22:22

السلام عليكم
ايييييه يا الشاطرات انا هذا وين شفت الموضوع
و قريت ردودكم و حسب الحطة انا راني فنيانة
لازمني طريحة ,,,,,,,,,,,,,,
المهم حبيت نشاركم بموضوع
راني شريت جيف هذا

و جربتو..... روعه خاصة ال ROBINET

يقلبو يشعل كيما الجديد و كل حاجة انتاع INOX
تولي تبرق
رايحة نقولكم تصبحو على خير
و غدا نكمللكم

ام سارة 285 · 2012-07-08, 06:20

صباح الخير عليكم اخواتي

آلاء النايلية · 2012-07-08, 12:52

ياااااااااااااااااااااااااااااااااااااااااااا جماعة الخير بااااركوووولييييي
راني درت القلب و بديت نوجد لرمضان و نقي في الدار حاجة حاجة
بالصح بعيد الشر مع بديت نحك في المواعين تكفح ما سخون على رجلي تحرقت هههههههه باية وحدة موالفة بالصح ماستسلمتش نمشي و نخدم بكراع واحد هههههههه
شجعوني شوية :d

آلاء النايلية · 2012-07-08, 12:53

صباح النور اختي صارة

وفاء سعاد · 2012-07-08, 15:35

يعطيك الصحة اختي ام ماجد كي رديتي علي بص الدار تاعي كبيرة والكل عمبالهم بيها وحاطو في الطابلة تاع الصالو الكبيرة اللي بالكراسى مالقيت كيفاه ندير حاصة انو ولدي تحصل علي شهادة التعليم الابتدائي والناس يباركولي

رفيـ أم ـق · 2012-07-09, 14:27

السلام عليكم أحببت أن أنظم إليكم و قد لفت انتباهي سؤال الأخت وفاء سعاد حول وجود الميكرو في الصالة و كذلك التلفاز لأنه نفس الحال بالنسبة لي خاصة و أن زوجي يحب أن يأتي كل شيء عنده و هذا ما يجعل الصالة في حال فوضى وذلك بمساهمة طفلي رفيق الذي لا يترك شيئا في مكانه
أريد أن أسألكن عن منظف فعال للكارلاج لمن لديها فكرة ارجو أنتفيدني

وفاء سعاد · 2012-07-10, 04:56

وعليكم السلام. ام رفيق شكرا للرد بالنسبة لسؤالك عن الكارلاج استعمل نضاف كل 3 اشهر و ازيس تاع لماعن+جافيل يوميا

ام سارة 285 · 2012-07-10, 15:59

مساء الخير اخواتي العزيزات
على سلامتك اختي الاء النايلية
راني ما جيت ندخل للمنتدى غير بالذراع رايحة نهبل مع الكوناكسيون ....
الاخت ام رفيق راني سمعت باللي ال شمبوان يعني غسول الشعر انتاع البيدون 5 لتر كي تسيقي بيه يخلي الكارلاج يبرق .
انا الصراحة مازلت ماجربتوش ...... جربي و رجعيلنا الخبر.

و حبيت نسقسي الاخوات على مزيل الرائحة SANIBON انتاع FORCE EXPRESSE اللي مجرباتو اذا مليح ,
انا جربت ajax هذا

جربت الاحمر روووووعة لكن غالي شويه وماشي متوفر دايما .... و هاذ ليامات شفت force express عندو نفس القرعة و embalage قلت ممكن مليح
راني نستنى في ردودكم

سلام م م م م