ماهي المحاسبة والسكريتارية واين يكون التوضيف

nasser-sat · 2012-07-04, 22:29

اخواتي ممكن معرفة ماهي المحاسبة وماهي السكريتارية يعني اريد التسجيل في التكوين محاسبة او سكرتارية
لكن لا اعرف ماهم
ممكن شرح لهم واين يمكن ان يكون مكان عملهم

بالنتضار

......... من يعرف فلا يبخل علينا وجزاه الله خيرا ..............

nabilll85 · 2012-07-05, 02:27

سكرنارية تقرا فيها البريد الواد والبريد الصادر الذي يوجد في كل مؤسسة يقوم السكرتير بتنظيم وتحديد مواعيد المدير والرد علة الرسائل والهاتف
يعني السكرتارية هي خزينة الاسرار
المحاسبة تقرا فيها المحاسبة المالية والعامة تخدم مع المقتصد مثلا ولا مع مخزني
الخدمة مع لريجست ولي فاكتور
ارجو ان اكون افدتك

nasser-sat · 2012-07-05, 11:07

برك الله فيك خويا

وامين مخزن ماهي اخي

nasser-sat · 2012-07-05, 11:11

برك الله فيك خويا

وامين مخزن ماهي اخي

يعني اين تكون عملها

nasser-sat · 2012-07-05, 19:39

هل من رد اخواتي جزاكم الله خيرا

بالانتضار ............................

nasser-sat · 2012-07-10, 11:18

من هي الاحسن لي محاسبة او سكريرتارية او امين مخزن
مع انا خطي اللذي اكتب به شوية عيان بصح مش بزاف وانتم تعرفو واش يخوص بيا

فاطمة الزهراء31 · 2012-07-10, 12:04

السلام عليكم
خويا انا نخدم في مركز التكوين المهني بالضبط مكتب التمهين فرق بين المحاسبة والسكرتارية اولا المحاسبة باش دير تقني ولاتقني سامي لازم تكون علمي سنة الثانية ولاثالثة ثانوي وادا كان مستواك 9اساسي تدي شهادة مهارة مهنية وفيها لحسابات بزاف رياضيات مالية ومحاسبة عامة ومحاسبة تحليلية واحصاء اعلام الي قانون تخدم في البنك ولامع المقتصد ولافي الضرائب اما بيروتيك تقرا فيها موارد بشرية وتحرير اداري واتصال واعلام الي وتخدم في ادارات وماتهمش الشعبة قاع شعب يديروهم تقني سامي يقرا 30شهر وتقني24شهر ومهارة مهنية 18شهر ..البيروتيك يديروها بزاف لبنات تبانلي دير محاسبة ادا كان راسك خفيف في حسابات لاخطر تغلط في 0واحد روحت فيها وادا كنت علمي ننصحك بإلكترونيك صناعي لاخطر يطلبوها بزاف وامين مخزن يقراو 12 شهر بصح تدي كفاءة مهنية مستوى ثاني لازم تقولنا مستوى تاعك باش نجاوبك مليح واي استفسار راني هنا وبالتوفيق خويا

saliha20 · 2012-07-10, 20:03

سلام عليكم انا نقرى محاسبة و المحاسبة احسن من السكرتارية اذا كان عندك مستوى ثانية ثانوي علوم

nasser-sat · 2012-07-11, 10:50

اختي انا عندي مستوى 4 متوسط وانتقلت الى 1 ثناوي بصح اختي راني باللمراسلة يعني طلعت بالمراسلة

مارايك .............................

saliha20 · 2012-07-11, 11:59

على حد علمي تقدر تسجل محاسبة وتقري 18 شهر فقط

saliha20 · 2012-07-11, 12:00

لاني نعرف بنات يقراو بالمراسلة ومسجلين محاسبة ومستوى اول ثانوي

nasser-sat · 2012-07-12, 18:51

المحاسبة والله اختي قالك لازم ايكون راسك خفيف في المحاسبة وتعرف الرياضيات وانا 0 في الرياضيات خاصة المعدلات والو
بصح نعرف حسبات جدول الضرب القسمة الجمع

والسكرتراية اخواتي واش تطلب في الانسان الحوايج المهمة الي لازم تكون في الشخص

nasser-sat · 2012-07-14, 11:57

اخواتي ارجو الرد جزكم الله خيرا .......................

asma asoma · 2012-07-17, 23:39

انا درست محاسبة تقني والحمد لله خفيفة في الحسابات حصلت على معدل جيد جدا المحاسبة جيدة لكن لازم تكون خفيف في الفهامة والحسابات باش تسايرها واذا كنت غير هذا اقترح السكريتاريا هي الافضل

nasser-sat · 2012-07-18, 17:58

شكرا اختي وانا راني مانفهم فيها والو في الحسابات