بحاجة الى نصيحتكم افيدوني

[مشكلتي]

السلام عليكم ورحمة الله وبركاته



اخواني اخواتي انا جد محتارة في امري اتمنى منكم ان تقدمو لي النصيحة كاخت لكم

**
انا عمـــــــــري 19 جوزت الباك السنا ،وراني نستنا في النتائج ،ومقلقة شويا

المهم انا حابة نكمل قرايتي للاخير ،خطبوني ناس وماقبلتش وصليت الاستخارة ،وكيما تعرفو الوقت تاعنا ما يرحمش ،كاين بزاف ناس تحب تهدر في الباطل ويحبو ينارفو الناس ،وانا مانيش حابة نكمل هكا كل مرة بكلام زي ..

ووامي قاتلي مليح تروحي للجامعة نتهنى عليك

وضركا حابة نقولكم على شخص وحابة رايكم بصراحة يعني انا محتارة مانيش عارفة واش نقول

هذا قدي في العمر يعني 19 جات ماماه للدارنا ،قالت حابة كيما نقولو حنا تعطي كلمة او _ملاك_ وقالت بلي كي يكملو الجامعة يكون شيء رسمي يعني نقراو كيف كيف .

انا محتارة لانو هو صغير بالعمر
ومن على 4 سنسن ما علاباليش في الدنيا واش تكون

خاوتي انا ارتحت لعائلتهم لانهم عائلة مثقفة وهو تقدر تقولو مستقبلو ضامنو على اساسات معينة

وفي نفس الوقت مانيش حابة نتسرع من ضركا وندير حاجة مانيش لاقية روحي فيها

علما اني صليت االستخارة عدة مرات ومازال ما لفيتش راي محدد


((((هدرت معاه مرات عقليتو مليحة وهاذي هي الغلطة اللي درتها وراني ندمت لانو ضركا مانيش حابة نقبل من ضركا ..))
نتمنى تكونو فهمتوني خاوتي
الله يخليكم اريد رايكم


************
واش نقول وكيفاش نهدر
انا مانيش معترضا على شخصو وفي نفس الوقت مانيش حابة ضركااا خلاص


انتظر ايجاباتكم

[الدكتور سام]

وهو تقدر تقولو مستقبلو ضامنو على اساسات معينة
لا تعتمدي على هده الفكرة في اختيار الرجل.على حساب قولك.مستقبلو ضمنو ربما لان عائلته لاباس بها ماديا.و لكن اختار الرجل الدي يستطيع الاعتماد على نفسه في تكوين الاسرة و تحمل المسؤولية.فيما يخص سؤالك فكري مليح قبل اتخاد القرار.بالتوفيق ان شاء الله

[نجمة ساطعة]

شوفي مدام جاء بطريقة شرعية و جاب والدتو وين المشكل يخي خطبة رسمي تخطبي و عندك 4 سنوات فكري فيها

و اذا كتبتوا لبعض ربي يهنيكم

[hamsa1987]

السلام
و الله يا اختي عملتي مليح كي صليتي صلاة الاستخارة ، و درك لازم تتشاوري مع اهلك و تشوفي انتي واش راكي حايبة
انا في عمرك كنت حايبة نقرا لذلك رفضت الخطاب بصح انا هو انا و انت هي انت يعني ما كان حتى واحد يقرر في بلاصتك

ككلمة اخيرة لازم تشوفي وين تلقاي راحتك

[djamel123]

بصراحة أنا لو لي أخت أو بنت وتم خطبتها مني بهذه الطريقة فسأرفض طبعاً
لأنني ضد طول فترة الخطبة ولأن هذه الخطبة ستكون ذريعة لتقرب هذا الشاب منها طوال سنوات الجامعة
ولأن الشاب مازال صغيراً ولم يضمن مستقبله
ولأنني مع أن يكون هناك فارق سن بين الزوج والزوجة على الأقل خمس سنوات

[da3dou3]

السلام عليكم و الله انا رأي من راي الاخ دكتور سام و الاخ djamel 123 يعني طول فترة الخوطبة راه مشكل و راكي راح تتلقاي بيه و مدام مخطوبين معنى انو القاء تعكم راهو شرعي انا من رأي تخمي مليح وكون تزيدي تهدري مع باباك وخاوتك الرجال خير هما لي ينجمو يعونوك على خاطر الزواج مهوش فرصة لاتعوض خمي مليح يا الاخت.

[hamsa1987]

لا تنسي ان تخبيرينا ما كان قرارك ففي كلتا الحالتين سنفرح للباك او الخطبة

[لقرع بوكريشة]

الخطبة مش عيب...لكن المشكلة في الزمن 4 سنوات؟؟ كيف تعملي؟؟ يدرس معاك ؟ يتنقل معاك؟؟ يلتقي اكيد معاك؟؟اكيد امام الناس في الجامعة في الطريق....على اساس انك خطيبته...وعنه حق....لكن الشارع والجامعة تعج بالبنات عجا...والاغراءات كثيرة...وهذا وقت طويل مش عام واحد...مفاتيح هاته الاسئلة عندك انت....وعلى حساب شخصيتك والتزامك.....اخشى تتركي الحبل على الغارب خلال هاته السنوات....وينسحب هو في نهاية المشوار..متجها الى وجهة اخرى....وساعتها ماذا تقولين وماذا يقول من حولك؟؟ فكري وتدبري وقرري الاخت الكريمة........اما راي الاقرع فيا ليت كانت الخطبة بسنتين او سنة قبل التخرج ان كنتما مستعجلين............والعلم لله فهو غفار الذنوب وعلام الغيوب

[mohaa47]

المجتمع لا يرحم يا أختاه ................................اختري الدراسة .............أو الزواج .............و توكلي على الله ...

[azade]

راهوووووووووو مزال صغير و معندوش تجارب فى الحياة انا نشوف كون تتخطبو راح تدرسو مع بعض و راح تتلقو.... و المشاكل..... ويلهيك على الدراسة و 4 سنوات مدة كفبلة باش تغيركم أكيد و خامي مليح....

[elec_idriss]

السلام عليكم ورحمة الله وبركاته
عجبت لقوم زين لهم الشيطان اعمالهم فظنوا انهم على الحق وهم ليسوا بذاك قال صلى الله عليه وسلم: اذا جاءكم من ترضون دينه وخلقه فزوجوه الا تفعلوا تكن فتنة في الأرض وفساد كبير.

اسال الله التوفيق للجميع
.................................................. .

[محمد جديدي التبسي]

طول فترة الخطبة أمر سلبي تماما في حالتك لذلك فكري جيدا والله يعينك

[سنوم 33]

قادر بعد مدة يغير هو رايو ويتحجج بلي ما زاااااااال صغير
اذا كنت انت ماكيش رفضاتو لشخص..وبعد ما صليتي صلاة الاستخارة ورجعت لربي
خلي القرار في يد والديك..قوليلهم انا مانيش رافضاتو..واش حبين ديرو ديرو..هما كبار ويعرفو مصلحتك ما دامك صغيرة
ما تشغليش روحك ع قرايتك..

[Crazy lazy Girl]

لا توجد مشكلة ربي يوفقك

[غـاني]

اختي انا في نفس سنك واجتزت الباكالوريا هذا العام لذا انصحك بمتابعة دراستك الانها اولى وهي راص مالك في مجتمع لايرحم اما بخصوص الخطبةو4سنوات و كما قال الاخوة من يضمن لك انه سيتزوجك بعدها لا تلعبي بنفسك اعقدي اتفاقا معه بان يخطبك بعد الجامعة ولا تلقي بنفسك فيالتهلكة فعيون الناس لا ترحم يا اختي و 4 سنوات كاملة يمكن خلالها ان تتغير الجبال وما دام الطفل بسني فهو لم يرى الدنيا بعد وان كان ناو الحلال صح قولي له ان يصبر حتى تتمي دراستك وسر الله لك امرك