اخر تساؤل بين ايديكم قبل ان اتصرف ..

[مشكلتي]

السلام عليكم
خاوتي سبق و طرحت مشكلتي اني حابة نطرح على خطيبي فكرة نعطيه مهري و نكرو لانو ماديا على قد حالو
اللي صرا
كان مرة على مرة نسألو واش يدير يقولي راني نبريــكولي في الدار لغيت فكرة الكرا من راسي نهائيا و قلت نعيش معاه وين هو -ما جاياش هو يحضر في الدار و انا نقلو ما نسكنش فيها -

المشكل انا كانت مفهمتني قريبتنا و اللي كانت وسيط انهم يسكنو في بداية هذيك المنطقة
و المنطقة يا خاوتي كانت مليئة بيوت للدعارة و واحد ما يسكن فيها من بعد رحلولها عائلات كثيرة ما عندهمش منازل و هوما من بينهم لكن بقات نظرة الكل ليها غير مقبولة و حتى مازال فيها منازل خاصة بالفواحش

بالامس خويا عرف المنزل بالتحديد و هو في المنطقة اللي الحياة فيها غير مقبولة
المشكل بعد ما مد الكلمة كيفاه نفاتحو في الموضوع * علما ما عنديش استعداد نخسروا لانو تفكيرو ما صدقت لقيت كيفو *

انا متأكدة قادر يفهم الموضوع بحساسية و يقلي من الاول علابالك بظروفي
انا بين نارين حتى ما لقيتش الطريقة لي نفاتحو بيها

و مازلت على استعداد اذا قبل يكري نعطيه مهري و يكفيني الاستقرار و عقليتو و الحمد الله هو متخلق و مليح

خفت رد فعلو يكون جنوني و يقلي في لمان بلا ما يناقش كعزة نفس ممكن ؟؟
و الا راح يقلك واش بيها تمسخرت بيا و انا و الله و الله كنت مقتنعة و مستعدة الى حين عرفت انو تقريبا نفس المنطقة المشبوهة و قريبة ليها حتى بالاحياء ؟؟؟

يا رجال بلا تجريح اعطيوني رايكم و واش لازم ندير و كيفاه نحكي معاه في النقطة هادي و جاوبو اختكم بصراحة لو مكانو كيفاه راح تتقبلو الموضوع

ما لقيت حتى حل و جاتني صعيبة نصارحو و لوكان جيت حابة نخسرو كنت صدمت و ما يهمنيش
تمنيت جات منطقة اخرى و الله نعيش معاه يا لوكان غرفة واحدة مي راني حكيتلكم ظروفي

واثقة في الله و مستنية رد الرجال و رايهم واش لازم ندير و واش كان يكون موقفكم لوكان في مكانو

دعواتكم

سلام

[sali-sali]

السلام عليكم

يا اختي راكي تعرفيه مليح وهوانسان متخلق مثل ما ذكرتي
واش همك في المنطقة

وممكن مع الوقت ربي يفرج عليكم وتبدلوالمكان

[doba]

rabiii m3akkkk

[بيلسان91]

والله غير ضحكتييييني تسقسي فالرجال الا تمديلو سواردك ولا لا
ياو هداك وش يحوسو هووووما
علابالي دك ناس ياسر ميعجبهمش الحال كي قتلك هكا مي والله هاديهي الحقيقة
البارح برك وانا نقرا فموضوع تاع واحدة مكفاهش برك يديلها سواردها مي زاد دالها الدهب تاععها مسكينة ربي يفرج عليها

[ام منار الاسلام]

انا من رايي الراجل لكان من الاول مديتيلو دراهم يفسدو طباعو و حتى هو يحس بالنقص و بلي ماهوش قد المسؤولية على هذا مادامك خيرتيه و عجبك ديري فيه كونفيونص و الباقي ساهل و زيدي استخيري و كتري من الاستغفار تتحل مشكلتك باذن الله و ربي يوفقك و يكون معاك.

[little smile]

افتحي الحديث معاه على المنطقة هاذي و من هدرة لهدرة قوليلو والله راني متخوفه منها
و اختاري كلامك على حسب شخصيتو
اكي نتي لي تعرفيه

[غزة في قلبي]

اختي راح يحسك مش راضية بظروفو و تتكبري عليهم
نصيحتي ليك حاولي كيكا قالولك في رد سابق تجبدي موضوع المنطقة بالاك الدراهم لي راه يوجد بيهم في الدار يزيد شوية عليهك و يكري و اذا تعاونيه راح يكون جزء ماشي مهرك كامل لانو هذا حقك
اذا ما بغاش خلاص ما يهمكش في المنطقة مادام زوجك ناس ملاح كوني الوردة اللي تطلع وسط الشوك بصح نقلك حاجة راح تكون عليك مسؤولية اكبر و اعظم نهار ربي يرزقكم بالاولاد لتم لاااازم عليك تسلحيهم بالتربية الصالحة باش حتى ظروف و حتى محيط ياثر عليهم
انا نتمنالك من قلبي زوجك يبدل رايو و المنطقة او حتى تعيشو فيها مي كي يفتح عليه ربي تنقلو

ثقي في ربي و في زوجك و في روحك و ما يهمكش خلي البرا يصرا وش يصرا المهم بيتك الداخل كيفاش يكون اوكي ??

[naamane3]

يا بنتي اصبري وادعي ربي يرزقك الخير
وعيشي معاه على قدر مستواه
واعلمي ان الله رازقك الخير اذا صبرت
الا تعلمين ان الخير يخرج من قلب الشر

[بلسم غرام2018]

ربي يفرج عليكم

[baalache]

المشاركة الأصلية كتبت بواسطة بيلسان91

والله غير ضحكتييييني تسقسي فالرجال الا تمديلو سواردك ولا لا
ياو هداك وش يحوسو هووووما
علابالي دك ناس ياسر ميعجبهمش الحال كي قتلك هكا مي والله هاديهي الحقيقة
البارح برك وانا نقرا فموضوع تاع واحدة مكفاهش برك يديلها سواردها مي زاد دالها الدهب تاععها مسكينة ربي يفرج عليها

حبسي كيما راكي ما نسمحلكش راكي تعميمي في حين الواقع انكن من يجري وراء اصحاب السيارات والاموال وزيد هي راي تقول نعطيلو ماشي هو الي قال خافو ربي ما تظلموش السيد

[قمر الزمان رؤية]

برأيي اصبري عليه و عيشي معاه في تلك المنطقة و مع الوقت رح تتنقلو

بما انك قلتي انه متخلق فهو لن يرض بأموالك و قد تأخذه عزة نفسه و يفسخ الخطبة لذلك لا تخسريه بسبب مشكل له حله مع الوقت

و كذلك يبدو انه عصامي و قد يعمل كل جهوده ليغيّر إلى بيت آخر خصوصا لما يعرف أنك غير مرتاحة في تلك المنطقة ،،لذلك ما عليك إلا بالصبر

ربي يوفقك ان شاء الله

[somsom1515]

أختي أنا في رأيي ما تتسرعيش اصبري بلااك تفرج

[Amira Khaoula]

يا اختي اذا كان على دين و خلق كما ذكرتي فتمسكي به لان كل شيئ يهون لان بقاء الحال من المحال و انشاء الله الفرج قريب

[nour.iroka]

اختي صعيب ي هاد الزمان تلقاي رجل ذو اخلاق طيبة و ناس ملاح ..هذا خطيبك و راح تبني معاه الدار و الزواج ميثاق غليظ مادامو قدو قد حالو اصبري معاه واقبلي بظروفو وادعي ربي يفرج عليكم و تنتقلوا من المنطقة هادي ربي ما ينساش عبادو و اهم شي الثقة لازم تكون بيناتكم ..ربي يتحلك ابواب الخير

[baalache]

اختي صارحيه خير ما يسمعها ممبعد ولا من جهة اخرى ويلومك قوليلو عادي وين راه المشكل