اقتباس:
المشاركة الأصلية كتبت بواسطة ام فاروق...
السلام عليكم
صباحكم مبارك عندي مدة مدخلتش و كي دخلت وشفت الكل يسأل على صحة يما ويتمناولها الشفاء فرحت و تمنيت لوكان يما تقرا واش كتبتو والله رايحا تفرح و بالنسبة لصحتها راهي في تدهور يوم عن يوم ربي يشفيها و يشفي كل مرضانا يارب
|
ربى يشفيلك امك اختى ام فاروق انا فقدت امى لعام لفات وحاسة فيك انتلاى فيها بزاف وسلملى عليها ربى ما كون غير الخير
اقتباس:
المشاركة الأصلية كتبت بواسطة ام حمزة22
صباح الخير عليكن ان شاء الله صبحتو بخير وعلى خير
نهال ماتتقلقيش على الوالد ان شاء الله يبرى جارتي كان عندها نفس المشكل ما تزغد يد ما تزغد رجل بصح درك والحمد والشكر لله تحسنت شفتها في عرس بردت قلبها بالشطيح ونزيدلك هادي في العام لي فات . والد ديالي جاتو جلطة دماغية بعيد الشر للجميع دخل كومة قاللنا الاطباء ما بقالكم غير الدعاء بعد شهر فطن ابي العزيز ما عقل حتى واحد فينا بصح درك تحسن و راه الحمد لله
وسهحولي بزاف بزاف لي صبحت عليكم بهاد الحكاية انا برك باش نطمن نهال و ما تتقلقش على الوالد ديالها
|
ربى طمنكك حبيبتى ام حمزة وربي هنيك وبعد عليك كل شر والله ريحتنى ربي ريحك
اقتباس:
المشاركة الأصلية كتبت بواسطة souma.sousou
السلام عليكم واش راكم لبنات كل وحدة باسمها نتمنى تكونوا بالف خير .......راني غبت مدة والسبب النت دارتها بيا حتى اعمالي ماحطيتهمش ............المهم نشكركم كامل ابدعتن وعطيتونا افكار رائعة ومفيدة انا شخصيا تعلمت واستفدت من المسابقة وهذا هو الفوز الكبير نشكر كل المشرفات والمشاركات والزائرات............واللي راهم مرضى ربي يشفيهم ويعافيهم ويخليهم لماليهم
|
سومممممممممممممممممة وشراكى توحشتك بزاف لكان درتى اعمال حطنا نشوفهم ونستفادو منهم شوى بالتوفيق ان شاء الله
اقتباس:
المشاركة الأصلية كتبت بواسطة jill
السلااااااااااااام علييييييييييييييييييييييييكم راني بريت و رجعت
بصصصصصصصصصصصصصصصصصح اليوم برك بديت نخدم باش غدا نحط العمل تاعي ياك غدا اخر اجل
لاني كنت رايحة نعمل مفرش طاولة و مرضت بعدها على هادا تعطلت .................
|
وشراكى جيل الحمد لله على سلامتك ورجعتك لنا
اقتباس:
المشاركة الأصلية كتبت بواسطة crono
صباح الخير عليكم
اخر اجل نورمالمو في 16 أفريل
هيا اسرعن
بالتوفيق للجميع
.واللي راهم مرضى ربي يشفيهم ويعافيهم ويخليهم لماليهم
وشراكى اختى كرنو هدى مدة ربي هنيك اختى
|
اقتباس:
المشاركة الأصلية كتبت بواسطة ام مهدي 03
سلام البنات لبارح قالى راجلى كيفاه تنساحبى عندك شحال وانت تقوليلى المسابقة وفى الاخير تنسحبى .المهم دالى الكوراج ودار لاقارد على غدير
خدمت واحد الخدمة مانيش مقتنعة بيها خاطر خدمتها فى الليل بديت على 12 نتاع الليل بشويا حوايج كانو عندى باش ما ننسحبش وكيما قال راجلى ما تكونيش كيما الى على اخر سبولة قطع صبعو
|
يعطيه الصحة راجلك لشجعك والله خسارة تنساحبى رنا ولفناك وشراهى غدير وش ليزانليز توعها خرجو عيشك طمنينا
اقتباس:
المشاركة الأصلية كتبت بواسطة om aya
دخلت باه ندعي بالشفاء لكل مومن و مومنة و طالبة من كل وحدة فيكم تعرفني وما تعرفنيش الدعاء بالشفاء و الله لبارح قللت خلاااااااص عين تبكي من الوجع و عين تبكي علىى عمري غايضتني حسيت روحي وحدي قلت خلااااص راح نقعد في الشوكة ادعولي ربي يحفظلكم الغوالي غدوة ندي النتائج للطبيبة قولوا ان شاء الله ما يكون والو يا ربي لك الحمد و الشكر
|
اختى ام اية وحنا وين رحنا حتان تحسى روحك وحدك انا حاسبتكم اكل عائلتى الثانية وخواتاتى ربي ان شاء الله يشفيك ونزيدو نشوفو ابداعتك الرائعة لعودتنا نوفهم ونستفادو منهم و ان شاء الله يخرجو ليزانليز ملاح و الله رنى ندعى لكل خواتى لرهم هنا يحفظهم وهنيهم ويشفيهك
( تقرير عن مشاركة سيئة )، و الموجودة أسفل كل مشاركة .
2014-04-15, 19:51
نهاااااائي مسابقة ابداعي في التزيين
العرض العادي
