مشكلتي والباب

[مشكلتي]

السلام عليكم
اخواني عندي مشكلة مكرهتلي حياتي
هو انه الباب تاعي مايحبسش من الطبطيب كان جينا نوكلو نوقفو من الطابلة كان جينا نرقدو كانجينا نقعدو نرتاحو
والله كرهنا ويطبطب في اي وقت
واحد مادارو كيما داري
لدرجة ماتتصوروهاش كانها دار كبيرة وعندهم الاولاد بزاف والاحفاد وانا راني صغيرة وعندي زوج بنات فقط
بصح ماعدتش مرتاحة خلاص في داري
ماتجيش باه نسحت الناس
بصح الناس ماتفهمش روحها
يجو الصباح على 12 على 3 على 5 على7ونص على 8
والله كرهت وهذه داري من حقي اني نرتناح فيها ومايقاقني حتى واحد
وةالناس اللي يجوني طوووووول ولاد عم راجلي بيهم بنساهم وولادهم وخاوتو اللي حتى كي مايكونش زوجي يقعدو حتى وقت النوم على 3 ويحبو تنوضي وتهدري
مع العلم اتنه زوجي مايروح حتى لدار لقلييييييل وين يروح ويا مايدخلش ياوقفة رجل صلة رحم
اعطوني الطريقة باه نرتاح بلامانربح عيبهم

[نيفرتيتي.]

اقفلي بابك وماتحليش في وقت النوم او الاكل واذا كان المقربون قوليلهم وين تجو جايين عيطو في الهاتف

[أم أماني أريج]

أختي أنت أدرى بنفسك و ظروفك و إذا لقيتي روحك مضرورة ماتحشميش و دافعي على حقك و حتى الشرع أباح لك ذلك و راهو كاين فرق كبير بين صلة الرحم و الإزعاج و خاصة أن أحاديث النساء أكثرها لا خير فيها ....غيبة .....نميمة ......الوقوع في أعراض الناس .
عادي كيما قالت الأخت قوليلهم لي ينوي يجي يعيطلي في الهاتف بالاك ما نكونش في الدار ؟ و هوما يفهمو رواحهم و لي تفهم يعطيه الصحة و لي ماتفهمش ماشي مشكلتك .
ربي يكون في عونك

[عماد الدين2]

اختاه
وسعي خاطرك و اعلمي ان بيتك كثير البركة لكثرة زواره
فلولا طيبة قلوبكم (( انتم اصحاب الدار )) لما زاركم احد
ثم اختاه ابحثي عن وسيلة تنظم اسلوب زيارتهم و ليس انقطاعها
دون ان تجرحي مشاعرهم
و انا متأكد انك ستهتدين للحل

[sarl02]

الي احبو ربي اسلط عليه الضياف ...الدار المبروكة بابها ما ينغلق في وجه احد ما عليك الا الصبر والتعود مع الحال.

[نارينا]

اختي اصبري ولاتكثري الاختلاط بهم والزمي غرفتك ان زاد الضجيج عن حده ,,,,والله انا قريبي وقع في مشكل مشابه منذ زمن طويل فاستيقض وقت القيلولة ووجد الداخل اكثر من الخارج ,,,جاب المفك ونحا الباب البراني وراح داه معاه لغرفته وقفل على روحه وقالهم الان تقدرو تدخلو بلا ماتطبطبو المهم خلوني نرتاح شوية

[sissi yasmine]

okhti ws3i khatrk brk
f allah youm l9iyama
lan yasaalik kam missaht baytk
bl ysaalk
kam dayfaaa ista9belt f baytak
fa fi baytk baraka
f ahmiidi lah

[جمعي البشاري]

المشاركة الأصلية كتبت بواسطة عماد الدين2

اختاه
وسعي خاطرك و اعلمي ان بيتك كثير البركة لكثرة زواره
فلولا طيبة قلوبكم (( انتم اصحاب الدار )) لما زاركم احد
ثم اختاه ابحثي عن وسيلة تنظم اسلوب زيارتهم و ليس انقطاعها
دون ان تجرحي مشاعرهم
و انا متأكد انك ستهتدين للحل

+111111111111

[لحن الحياة.]

ههههه هاذ المشكل عندنا احنا ثاني و امي تحشم و تفرح بيهم

احنا يجونا لكناين نسا اعمامي و اخوتي كبااااااااااااار و يحشمو تخيلي يدخلو لغرف الذراري و يكونو الذراري راقدين نقلك وش درت وليت كي تجينا وحدة نحكيلها على الاخرى نقلها جات و دخلت طول و لوكان لقات واحد عريان...ولاو حشمو يقعدو في غرفة وحدة و الاولاد ربيتهم خزرة برك يتسمرو و لاو ما يحبوش يجو مع امهاتهم يقولولهم نخافو من ......jill...

[فـرح]

صح البيت كثيرا لبركة بكثرة الضياف
بصح الشئ اذا زاد عن حده انقلب الى ضده
والله غير بزاف عليك نهار كامل والباب يطبطب
حسستيني كلي راني عند الطبيب هادا داخل هادا خارج
وزيد هادو مش ضياف تاع اللي كل يوم يجيو
ربي يكون في عونك يا اختي خاطر العباد كي يجو يطبطبو عليك ما تقدريش ما تحليهش عليهم
ربي يصبرك ويقدرك هادا ماكان وان شاء الله يجي نهار ويفهمو رواحهم
وانت تاني ساعة ساعة قولي لراجلك هيا نروحو نضايفو
روحي انت تاني عندهم وروحي لدار باباك ولا دار شيخك بالشوي بالشوي يحبسو الطبطيب كي يشوفوك انت تاني وليتي تخرجي

[مريم سلمى الجزائرية]

السلام عليكم و رحمته تعالى و بركاته:
أختي،استقبال الضيوف فن لابد أن تتقنه كل ربة بيت و قبل ذلك كون الواحد منا ضيفا عند أحدهم يلزمنا معرفة آداب الضيافة و قد ذكر في القرآن الكريم ما ينظم أوقات الزيارة و كيفية الإستئذان لها .
و في يومنا هذا و كل شيئ متوفر أتعجب ممن يملكون هاتفا و لا يكلفون أنفسهم أن يستاذنوا قبل الزيارة مهما كانت صلة القرابة، لمثل هذا النوع عليك أن تفهمي النساء منهم أنه لا بد من ذلك و أن لك و لزوجك برنامجا خاصا "لا تخبريهن بالتفاصيل بل دعيه غامضا"بسلاسة و بالتكرار إذ أنه متى كانت جوانب حياتك و يومياتك معروفة عند غيرك سهل عليهم توقع برنامجك اليومي و شيئا فشيئا يصبحون هم من يبرمجون و لست أنت و زوجك.
حاولي بداية التغيير ،بادري أنت و زوجك بزيارتهم " وكوني مثالا يقتدى به ،حددي يوم الزيارة و ساعتها التي تعقب قيلولة زوجك و ما إلى ذلك من أمور تودين غيرك أن يحترمها مستقبلا" و حاولي أن تبتعدي عن الغيبة و النميمةو .... و لتكن زياراتك قصيرة هادفة .
ليكن موضوع آداب الزيارة محور حديث لك معهن إذا ما رأيت وقتا مناسبا و ناقشي معهن الموضوع بهدوء و روية واعرفي آراءهن وعرفيهن رأيك وليكن ذلك في غير بيتك حتى لا تحرجيهن.
فإن لم تستطيعي التغييرالسريع، فعليك بقبول الوضع و العمل على تغييره خطوة خطوة.
أعاننا الله و إياك على إصلاح أنفسنا .

[عماد الدين2]

ما هذا واحد رجلو خفيففة تناقشيه في اداب الضيافة
ماشي هي اللي تناقشو هكدا راهي تطرد فيه
لوكان تاخذ رايك تبقى وحدها
حتى النصيحة لها آداب كذلك (( توخي النفع ))

[مريم سلمى الجزائرية]

المشاركة الأصلية كتبت بواسطة عماد الدين2

ما هذا واحد رجلو خفيففة تناقشيه في اداب الضيافة
ماشي هي اللي تناقشو هكدا راهي تطرد فيه
لوكان تاخذ رايك تبقى وحدها
حتى النصيحة لها آداب كذلك (( توخي النفع ))

ما قرأنا لك نصيحة يا أختي لصاحبة المشكل؟أم أنك نافعة فقط للتعليق على آراء لم تسد إليك.
توخي أنت أولا آداب الرد يا هذه،فالحديث ليس معك .
أستغفر الله و لا حول و لاقوة إلا بالله.

[عماد الدين2]

المشاركة الأصلية كتبت بواسطة مريم سلمى الجزائرية

ما قرأنا لك نصيحة يا أختي لصاحبة المشكل؟أم أنك نافعة فقط للتعليق على آراء لم تسد إليك.
توخي أنت أولا آداب الرد يا هذه،فالحديث ليس معك .
أستغفر الله و لا حول و لاقوة إلا بالله.

اهلا بك اختاه
انا اخوك عماد لقد كتبت نصيحة فلعلك لم تنتبهي لها
اما عن الاداب اختاه اقصد آداب النصيحة (( يعني ماشي هي اللي تناقشهم))
حتى لا يكون حرج و سابذل جهدي حتى اتأدب شكرا على النصيحة
و بارك الله فيك

[sali-sali]

السلام عليكم
و الله بالنسبة ليا امر عادي و نفرح بالضياف في اي وقت .. ماتبانليش مشكلة
حتى حنا هكدا او اكثر