عصير فراولة + من عند دليلة سليماني

[foufamara]

مرحبا عزيزاتي عاودت نقلت كل صفة في موضوع جديد نتمى يعجبوكم
1.عصير الفراولة :
ط1. في ميكسور+250 غ فراولة+ 1 كاس عصير تفاح + 1 كاس عصير قارص اخضر + 1 م ك سكر+ 1 كاس ثلج مكعبات و نخلط مليح ثم نصفيه + قازوز ابيض أو فيشي أو ماء غازي

ط2. 1 كغ فراولة + قدر + 1 ل ماء طيب في ميكسور
2 كغ سكر + 1 ل ماء كي يغلي نحسب 15 د نحيه من النار + الفراولة + عصير 1 قارص و نردها للنار 5 د يغلي ثم يبرد + 2 قطرات مستخلص الفراولة
ثم نصفيه في القرع + الماء البارد و ورق النعناع

2. تارتولات بشكولا و الجوز :
225 غ زبدة طرية + 100 غ سكر قلاصي على شكل كريمة + 1 بيض + 375 غ فرينة + لافاني ترتاح 15 د نحلها في القوالب نثقب و نطيب 180-10 د فرن مسخن من قبل لون ذهبي كي يبرد نعمرهم بالكريمة و ½ حبة جوز
الكريمة : 100 غ جوز + 200 غ شكولا مذوبة + كريمة شانتيي ( 100 غ بودرة + 1 كاس ماء بارد جدا و نطلعها ) + لافاني

3. تارتولات بالحليب المركز :

200 غ فرينة +100 غ زبدة طرية قطع + 50 غ سكر قلاصي + 2 صفار + لافاني ترتاح 15 د ملساء و طرية نحلها في القوالب نثقب و نطيب 180-10 د فرن مسخن من قبل ثم نعمر بالخليط للفرن تحمار شوية و ملفوق ½ جوزة في 5 د الاخيرة يدهن بجولي
كسرونة + ½ كاس القشطة الخفيفة + 1 علبة الحليب المركز + 1 م ك عسل + 6 م ك ماء على النار هادئة و نخلط + ½ كاس جوز محمص أو لوز مرحي و نحرك مليح حتى تعقد نفرغ فوق

[وبشر الصابرين]

بارك الله فيك
مشكورة

[mira92]

شكرااااااااااااا

[فريال88]

شكرررررررا حبيبتي على الوصفات الرائئئئعة للرائئئعة السيدة دليلة .
حبيبتي من فضضلك قوليلي اذا مازالت السيدة دليلة تدير في القناة الاولى لاني من قبل رمضان ما سمعتهاش ربي يبارك فيك ومن فضلك جاوبيني ربي يحقق كل امانيك يارب انت او الاخوات اللي يوزروا الموضضضوع شكررا جزييييييييلا حبيبتي ومزيد من الوصفات باركالله فييك

[foufamara]

حبيبتي انا راني نحوس عليها بشمعة و الدمعة و راني نسال الاخوات لكن لا رد لكن لي نعرف رجعت بعد رمضان قعدت حتى ديسمبر ثم عاودت اختفت نظن كي بدل البرامج مع جانفي 2014 حبسوها حبيبتي ايش رايك نتبادل الوصفات انت حطيهم وانا كيفك و نستفادوا الكل واش رايك

[foufamara]

1. موس بجوز الهند

كسرونة + 2 كاس حليب + 100 غ جوز الهند + 60 غ سكر +و نحرك مليح فوق النار الهادئة و نحرك حتى يذوب كي يفيض نصفيه
ماء بارد + نذوب 2 جيلا تين
كسرونة اخرى +1 كاس من الحليب + و نحرك مليح فوق النار الهادئة يسخن + جيلا تين و نحرك + للخليط الأول +2 م ك ماء الزهر و نحرك نخلوه يبرد تماما
1 كاس كريمة سائلة نطلع الكريمة ثم نزيدها للخليط و بلعقل و نحرك نعمر القوالب و نرشهم بجوز الهند و قشور رقيقة في الثلاجة

2. الملفوف

مرق ابيض + زيتون اخضر + سنة ثوم
500 غ سكالوب + ملح + قرفة + معدنوس+ سنة + 1 بياض بيض
500 ف لحم مرحي + 1 سنة + اكحل + ملح + قرفة + معدنوس+ 1 بياض
ورق المنيوم نحط سكالوب نحلها بالحلال و نحط حربوش لحم مرحي و نزير مليح و نغلق ورق الالمنيوم مليح القالب نحط 30 د في الفرن نقطع دوائر نرجعهم في المرق يغلي 10 د ثم نطفي عليه نستف بشرائح ليمون و زيتون و معدنوس و قليل من المرق

3. الجلجلانية

250 غ زبدة + 200غ سكر قلاصي+ مليح + ½ كاس ماء + ( 200 غ نشاء + 300 غ فرينة + لافاني + 1 م ص خميرة حلوى + كمشة جلجلان مرحي ) عجينة طرية كي يلتصق الجلجلان ندير كريات طرية نرميها في الجلجلان حب إلا لم تلتصق نشمخها بالماء ثم ننرمدها ثم في قالب السيليكون 25 د -170 ° كي يبرد نحيهم نلن لاجولي و نعمر في الحفر ثم كيسات

4. نوتيلا
كسرونة + 2 كاس ماء + 1 كاس سكر قلاصي + 1 كاس كاكاو + 250 غ زبدة قطع + 2 كاس بودرة حليب على النار و نحرك حتى تتحلل و تذوب ثم كي تبدا تعقد نحيها من النار + 200 غ بندق مرحي و محمص أو 2 قطرات مستخلص البندق

5. بتنجال غراتان

مقلة + زيت + 2 سنات ثوم + معدنوس + 1 كغ بتنجال نشويه .........................1
300 غ سكالوب قطع نقليهم في الزبدة .................................................. ......2
نخلط 1 + 2 + 100 غ جبن مرحي + 4-5 بيض و نخلط معاه
قالب مربع ندهن الخليط و نرش 150 غ جبن مرحي للفرن 180° يقدم مع السلطة