التحدي الثاني - صنع تعليقة لتزيين الحائط - من مسابقة ابداعاتي في التزيين

[نسائم الصباح]

لبنات هده تعليقة جديدة .نحطهالكم وقولولي شكون خير الأولى ولا هذه





صنعتها من صندوق صغير للفواكه (تاع الكرز) وغلفة بعجينة الورق وفي لحواشي قشور البندق .وفي الأمام قشور البستاش
علقتها في المطبخ

[نسائم الصباح]

أختي حورية ولا أم أية .نسيت شكون لي سقساتني على الرابط تاع الصور لي نستعملها

هذا هو https://en.picjoke.net/date/2014-03-2
وكي تفتحيه فيه عناوين من تحت فيهم شحال من خلفية

[حورية38]

احلى صباح معطر بالفل والياسمين لاحلى عضوات يا رب يكون نهاركم زييييين كيفكم
سميرة نخلة فطومة بيبا ما شاء الله عليكم اعمالكم هايلة بالتوفيق
ام مهدي ربي يسمعك الاخبار الزينة وتكون ليزاناليز صافية ان شاء الله
موجو جوجو لميس بالتوفيق ليكم ولكل لي مازالو

[حورية38]

نسائم شكرا على البرنامج ربي يخليك ويرزقك ما راكي متمنية ان شاء الله
في زوج يهبلو ما عرفتش واش نخير يدخلو الاخوات ويفيدوك اكثر //راني سرقتلك واحد فيهم نخدم كيفو ان شاء الله كي نكون فارغة ونلقى وقت //

[جوهر دعوة]

روعة يعطيك الصحة ام عبد الرحمان (نسائم الصباح)
والله كل الإبداعات روعة يعطيكم الصحة والله يبارك
والله راني نشوف درتولي الحماس نجبد نشتغل

نسائم هذا يهبل يعطيك الصحة والله عجزت نخير بيناتهم
كل التوفيق لكل المبدعات

[biba04]

المشاركة الأصلية كتبت بواسطة نسائم الصباح

ربي يخليك حنونة .

هذاك الإبداع كل وماقنعكش وخاصتا مخدوم لأول مرة .والله خرجلك رائع والألوان جمييلة

ياو راكم تهربوا العين على رحكم فقط ربي يبارك
أنا لي يحب يجبدني بعمل يدرلي الأسود والأحمر ههههههههههههه سلمت يداك

المشاركة الأصلية كتبت بواسطة نسائم الصباح

لبنات هده تعليقة جديدة .نحطهالكم وقولولي شكون خير الأولى ولا هذه





صنعتها من صندوق صغير للفواكه (تاع الكرز) وغلفة بعجينة الورق وفي لحواشي قشور البندق .وفي الأمام قشور البستاش
علقتها في المطبخ

ربي يخليك اختي نسائم والله كي شفت الابداع نتاعكم جاني نتاعي قليل بنسبة لاختيار بين اعمالك الاول طبعا حتى الثاني مليح بصح نقولك كي شفتها على الاول حسبتها تارت ههههههههه اضحكي عليا :d

[حورية38]

هاذ تعليقات خدمتهم ثاني شوفوهم مي ما نشاركش بيهم لي كادر مخدومين بالمجبود تعليقة المفاتيح بالمكرامي اعطوني رايكم ولي راهي حايرة واش دير ولا ما كملتش تدي لي يعجبها وتشارك بيه ياخي رانا خواتات هههههههههههه //يسمعوني المشرفات على المسابقة يقصوني //
نسائم الصباح واش نقولك ربي يصب عليك خير الدنيا كامل البرنامج يهببببببببببببببببببببببببل بارك الله فيك وه>ا تطبيقي ليه وثاني راني عدلت في الكادر تاع التحدي وخرج شباب بالفكرة لي قلتيهالي بارك الله فيك حبيبتي



















ايا قولولي واش رايكم راني جايبتها ولا لا

[نسائم الصباح]

المشاركة الأصلية كتبت بواسطة حورية38

نسائم شكرا على البرنامج ربي يخليك ويرزقك ما راكي متمنية ان شاء الله
في زوج يهبلو ما عرفتش واش نخير يدخلو الاخوات ويفيدوك اكثر //راني سرقتلك واحد فيهم نخدم كيفو ان شاء الله كي نكون فارغة ونلقى وقت //

أمين حبيبتي ولك بالمثل
حلال علبك حنونة .إماله علاش الواحد حطهم بش ترفدوا عليهم .حتى أنا كي نفرغ من أشغال .نطبق اعمالكم

حبه نطبق تاع علبة الدمية تاع ام عبدوا .وتاع ام أثري والدبور تاع نخلة والمرأة تاع ام أية .هدول لي عندي لاوزمهم ونزيد نشوف كش أعمال وحد اخرين

[نسائم الصباح]

المشاركة الأصلية كتبت بواسطة جوهر دعوة

روعة يعطيك الصحة ام عبد الرحمان (نسائم الصباح)
والله كل الإبداعات روعة يعطيكم الصحة والله يبارك
والله راني نشوف درتولي الحماس نجبد نشتغل

نسائم هذا يهبل يعطيك الصحة والله عجزت نخير بيناتهم
كل التوفيق لكل المبدعات

هلا وغلا بحبوبتي ام جوهر وينك يا هانم .غبتي عليا .عساك بخير حبيبتي
رأيك يهموني ويسعدني حنونة
ويالله شدي الهمة .وتعالى تتعلمي خاصتا كي راكي في الغربة .هذا وش يلقلك تعمري وقتك

طمنيني عليك حنونة ماطوليش عليا

[نسائم الصباح]

المشاركة الأصلية كتبت بواسطة biba04

ربي يخليك اختي نسائم والله كي شفت الابداع نتاعكم جاني نتاعي قليل بنسبة لاختيار بين اعمالك الاول طبعا حتى الثاني مليح بصح نقولك كي شفتها على الاول حسبتها تارت ههههههههه اضحكي عليا :d

ماتقوليش هك حنونة .كل وحدة عندها مزة في خدمتها .مكنش إختلاف .

بيبة علاش نضحك عليك .ونا حصلتلي ههههههههههههههههه
بعدما كملت العمل حطيتوا في النافدة تاع المطبخ بش تنشف .صحية في الصباح .مت بالفرحة .قلت هذه التورتا من جاتني ههههههههه
تعرفي عن قرب تبان تورت تاع الصح .مش كيمة الصورة

[نسائم الصباح]

المشاركة الأصلية كتبت بواسطة حورية38

هاذ تعليقات خدمتهم ثاني شوفوهم مي ما نشاركش بيهم لي كادر مخدومين بالمجبود تعليقة المفاتيح بالمكرامي اعطوني رايكم ولي راهي حايرة واش دير ولا ما كملتش تدي لي يعجبها وتشارك بيه ياخي رانا خواتات هههههههههههه //يسمعوني المشرفات على المسابقة يقصوني //
نسائم الصباح واش نقولك ربي يصب عليك خير الدنيا كامل البرنامج يهببببببببببببببببببببببببل بارك الله فيك وه>ا تطبيقي ليه وثاني راني عدلت في الكادر تاع التحدي وخرج شباب بالفكرة لي قلتيهالي بارك الله فيك حبيبتي



















ايا قولولي واش رايكم راني جايبتها ولا لا

روعة أختي حورية .فرستي فيك مخيبتنيش .من عملك الأول قلت هذه البنت فنانة في عملها .وثقيلة ورزينة

والله الصورة تاع الله ومحمد .ضنيتهم مشرين .حتى قلت في نفسي وينه العمل لي حاطاتوا .اتريه مجبود .قمة في الإثقان .ربي يبارك فيك ويسلم يديك
وزدتي تحفتيهم بالخلفيات ههههههه

[ام كوكو]

المشاركة الأصلية كتبت بواسطة نسائم الصباح

ربي يخليك حنونة .

هذاك الإبداع كل وماقنعكش وخاصتا مخدوم لأول مرة .والله خرجلك رائع والألوان جمييلة

ياو راكم تهربوا العين على رحكم فقط ربي يبارك
أنا لي يحب يجبدني بعمل يدرلي الأسود والأحمر ههههههههههههه سلمت يداك

امالا انا طيحتك في الشبكة ههه اعمالك في زوج ملاح ما نقدرش نخير بيناتهم

[ام مهدي 03]

حورية راكى جبتيها نتاع الصح. فحلة خمسة وخموس

[fifiarch]

مساااااء الخير لبنات واش احوالكم نتمنى تكونو كامل بخير ان شاء الله

غدا في المساء ان شاء الله اخر اجل نتمنى تلحقو كامل في الوقت

نخلة هايل افكار الربيع والنحلة تقتل
يعطيك الصحة
اما عن تمديد الاجل في التحدي الثاني فهذا غير ممكن مدة كل تحدي اسبوع فقط
لازم نتعبوكم شوي
بالتوفيق

نسائم الصباح عملك الثاني تان روعة الله يبارك
لكن انا مع العمل الاول نتاع العلم اعجبني تحفة

حورية الله الله عليك وعلى الشطارة هايلين لي كادر وحتى عمل الماكرامي
ماشاء الله عليك

بيبا الله يبارك عليك عملك في القمة والزهور هاذوك تحفة
ماشاء الله
دايما متالقة

نرحب بكل اخت شاركتنا بالتعليقات
ونتمنى التوفيق للجميع

واشكر كل من تساهم معنا في انجاح الدورة

[ام فاروق...]

السلام عليكم

اسمحولي ما قدرتش ندخل لابداء رأيي في ابدعاتكم يعطيكم الصحة اعمال رائعة و مشجعة على كل شكل ولون و نوع

انا جبتلكم بعض اعمالي و المشاركة نتاعي في المسابقة نخليها ليكم اعطوني رايكم اما الي نحط