حانجيتك

khaoula1997 · 2014-02-04, 19:39

السلام عليكم ورحمة الله وبركاته
"حانجيتك" كي توصل 10 تاع الليل هذ الكلمة تقولهالي نانا وبالمناسبة تحية خاصة ليها "سليماني الزهراء" كل يوم تحانجيلي وماكانش لي ما يسمعش بهذ الكلمة هي عبارة عن الغاز قديمة كانو يقولوها ناس بكري تخليك تخدم مخك صح صح وانا اليوم راح ننقللكم شوي من محانجياتها ونخليكم تخدمو مخكم تاني
ومانعطيلكمش الاجواب الا بعد يومين من التفكيييييييييييييييييييير العمييييييييييييييييييق بلاك تلقاوها نخليكم مع الخمسة الاولى
1/-على مرايتنا فضة جات من جبل الياقوت,ما صنعها صانع ما تحط في حانوت.
2/-على عبد الصمد شاف شوفا قال يا زبوني, شفت حبيب يمرمد في حبيبو ولا كذبت اذبحوني.
3/-على لي جات وجبات بسناسلها دبات وما دريناها وين تبات.
4/-اللي محزم من وسطو يا طرارايدي قالو وش بيه راسك مكسر قالو مضروب بسرارايدي.
5/-بيض رفروف يشرب الماء كي لخروف.
هيا اتمنى التفاعل ومش راح نبخلكم بجديد راني راجعة بعد يومين هيا خدمو مخاخكم هههههههه
وهكذا نرجعو عاداتنا وتقاليدنا
بالتوفيق

khaoula1997 · 2014-02-05, 20:42

24 مشاهدة وواحد ماحاول غير يكتب جواب ولوكان غالط

جيهـــاان~ · 2014-02-05, 20:57

السلام عليكم ورحمة الله وبركاته

وعليكم السلاام ...
سأحاول ياا خولة ...

"حانجيتك" كي توصل 10 تاع الليل هذ الكلمة تقولهالي نانا وبالمناسبة تحية خاصة ليها "سليماني الزهراء" كل يوم تحانجيلي وماكانش لي ما يسمعش بهذ الكلمة هي عبارة عن الغاز قديمة كانو يقولوها ناس بكري

تخليك تخدم مخك صح صح

وانا اليوم راح ننقللكم شوي من محانجياتها ونخليكم تخدمو مخكم تاني

ومانعطيلكمش الاجواب الا بعد يومين من التفكيييييييييييييييييييير العمييييييييييييييييييق بلاك تلقاوها نخليكم مع الخمسة الاولى
1/-على مرايتنا فضة جات من جبل الياقوت,ما صنعها صانع ما تحط في حانوت.

البيضة ...

5/-بيض رفروف يشرب الماء كي لخروف.

العجين ...

هل يمكنك المسااعدة قليلاا ؟؟ ...

khaoula1997 · 2014-02-05, 21:21

شكرا على المحاولة اختي جيها
جوابك الاول البيضة خاطئ ساساعدك في الاخير قلت "ماصنعها صانع ماتحط في حانوت" والبيضة كيما قلتي تتباع هدي ماتتباعش وما تصنعش
اما الجواب تاني صحيح برافووووووووووووووووووووووووووو

شكرا على المشاركة عزيزتي
هي وجات وحدة وانتوما مش راح تحاولو؟؟؟

khaoula1997 · 2014-02-06, 18:34

فاتو يومين وهذي الاجابة علابالي جاوكم صعاب شوي مي على الاقل تقدرو تحاولو
1/-الشمس
2/-الرضيع لي هدا وين زاد يعني اومو لما تقمطو هوما وصفوها ب"تمرمد.."
3/-الحملة
4/-الموثق
5/-العجين
وساوافيكم بالجديد

khaoula1997 · 2014-02-06, 18:39

هذا هو جديدي ساهلين هدو حاولو تجيبوها
1/-شجرتنا النيل ونابتة في هواها العرق منها بستين ويا سعدو لي شراها.
2/-الزينة بنت الزين ومازينها غير هيا لو كان جات تشرا بالمال مانشريها غير هيا.
3/-لي اسمو بالحاء وبلاك تقول الحوت دخلو الماء يموت تخرجو من الماء يحيا.
4/-طب طب وصل للواد وغضب.
5/-نانا فالغار وتمد الفلفل للصغار.
بالتوفيق موعدنا بعد يومين

chsaid · 2014-02-07, 20:09

4/ الحطب
5/ النار

khaoula1997 · 2014-02-08, 17:00

اقتباس:

المشاركة الأصلية كتبت بواسطة chsaid

4/ الحطب
5/ النار

كامل غالطين اخي للاسف شكرا على المحاولة
هذي هي الاجابة
1/-المصحف
2/-الصحة
3/-الملح
4/-الحذاء(صباط)
5/-العنكبوت