الجزء 54 من واش طيبتي اليوم مرحبا بكن - الصفحة 22

lahna moka · 2014-01-27, 20:21

نضم صوتي لدائمة الحمد أخواتي واش رايحين نطبقو فالكوزينة تاع أم ريمة؟؟؟؟
إمان بصحتك البغرير حبوبة
دادو أنا نتبع طياباتك و يعجبووووووني بزاف بارك الله فيك أختي الغالية

ام الهضاب · 2014-01-27, 20:21

يعطيكم الصحة لبنات و مبروك الكوزينة انتاع ريمة ان شاء الله يربحوا اعليها لبنات و يفرج ربي على كل مهموم ياااااااارب
عشايامحشي بطاطا مع بولات الكفتة و سلاطة و الحمد لله
راهي كوزينة معمرة بالخيرااات ربي يدومها

دائمة الحمد · 2014-01-27, 20:22

اقتباس:

المشاركة الأصلية كتبت بواسطة ladymillion

صح عشاكم واش طيبتوا بالحراير ،،، راني درت بغرير بلا تخمار هاهو هو ملييييييييح وسريع يفك كي تكوني مزروبة لكن يما عطاتني 3/10 قاتلي فية ريحة السميد ، والسميد لازملو وقت يرتاح باش تذوب حبيباتو ، ودرت زعمة الرقيق الممتاز المهم كلينا منهم والحمد لله وراح نحطهم في التطبيقات ،،، خلصت الحتوتة

حتى انا جربتهم يجو خفاف يهبلوا
ويماك عندها الحق

أم محمد تاج · 2014-01-27, 20:22

اوكي حبيبتي دائمة الحمد راني موافقة فريكاس او بيتزا
شكرا تتويتة الغالية
دادووو مرحبا بلي جا وجاااب يعطيك الصحةحنونتي
بشرى نوم العوافي وربي يعاونك

أم ريمة* · 2014-01-27, 20:23

ما شاء الله على بنات بلادى الفحلات الضمير العربى وام اسلام قاطو روعة ولا اكل وقاطو ام امانى وام زكريا الله يخليكم ومريم شكرا على ليكراب
مونيا اكلك يشهى وتارت قلاصى رانا فى انتظار المقاديرسكوربيو ودائمة الحمدشكرا بشرى بصحتك البيتزا وربى يعينك
ليدى ممممعلى اكلك وخاصة لمقطفة ابعثيلى صحن والتحلية واش درتى فيها
اهلا بدادو وحلويات دادو هههههههههه ايمان البغرير جاك مثقب كلات طومة ولا راهى رجيم ههههههه
ليدى اطباقك

نخله. · 2014-01-27, 20:24

مبروك الكوزينه حنونه

انا عشايا

لالا ماشي كطلوووووووووووع هذو ميني مطلوع هاو ليك حجمهم فالطاجين

مع

اللي فالطبسي شويه لسان بقا منالبارح ..............الشطيطحه

عرفتو وش رح نتعشى

همبرقر من اختراعي .................الحاجه نولد الاختراع طبعا استعملت الكاينه فالدار

في بلاصت اللحم درت اللسان هههههههههه

و قطعت شويا زيتون اخضر وكالاماتان نموووووووووووت فيه

وبما اني نباتيه هاو ليك تاعي

فيه فرماج سلاطه طماطم زيتون مايوناز اللي انا خدمتها وتجيني وووووووووووووووعه احم احم حوحا ماشي حوحو

tokio hotel · 2014-01-27, 20:25

و هذي شوربة البصل

أم محمد تاج · 2014-01-27, 20:25

روووووعة لهنا حنونتي روووعة وخاصة البانا كوطا مممممممممممم واختك يعطيها الصحة فحلة كيما اختها لهنة

ام الهضاب · 2014-01-27, 20:29

اقتباس:

المشاركة الأصلية كتبت بواسطة lahna moka

تويتي شكرااا على وصفة الرشتة
هاذا عشانا لسان الطير و سلق شكشوكة

هاذا كاك أختي شجعوها رايحة تفوت الباك

هاذي مممممممممم باناكوتا اللهلوبة يمي يمي درت 8 و بقاو غير هاذو (زعمة قالتلك الهام دسمة و تشبّع ههههههه بنتها لا تقاوم)

يعطيك الصحة واش هاذي لفحولية ما شاء الله راهي البناكوتا خرجت كما انتاع الصح شوفي هذي المشرية اتقولها هي هاكي اموااااااح و اتقاسميها مع الهااام

lahna moka · 2014-01-27, 20:30

أم تاجو حبيبتي الغالية ربي يحفظك شكراااااا على التشجيع لقيتيني نشوف فالمسمنات تاعك يمي يمي سلمت يداك

دائمة الحمد · 2014-01-27, 20:31

اقتباس:

المشاركة الأصلية كتبت بواسطة فراح فرفوشة

سلام
نسيت الباروك
مقرط

مقروضك يشهي فراح بالصحة ليكم

أم ريمة* · 2014-01-27, 20:33

فرح شكرا على المقروط

دادو لكرواصون المالح لبات انتاع ليشوصون؟؟

ايمان هاتى مقادير الحلو ياحلوة

ام حسا الدين · 2014-01-27, 20:34

السلام عليكم يعطيكم الصحة لبنات
حبيت نسالكم ومادا بيكم تجاوبوني وش هي الحاجة اللي تخلي الدجاج محمر مليح من فوق كيما اللي يتباع في الريسطورو

lahna moka · 2014-01-27, 20:35

أم الهضاب ذوق الباناكوتا تاع الهام عجبني كثر من تاع برا خخخخخخخ راني ندير فالإشهار
صح عشاك حبوبة

ام الهضاب · 2014-01-27, 20:35

دائمة الحمد ربي يحفظك و اليوم أصبحت اعلى الحالة و خرجت نقضي أشغال
واش رايحين اطبقووووو