aide urgent

tahani27 · 2014-01-12, 18:36

اريد وصفة القرنون للسيدة صليحة بسكري التي حضرتها على قناة سميرة

tahani27 · 2014-01-12, 20:53

14 مشاهدة بدون مساعدة

rhiouiya · 2014-01-12, 21:11

ma chofthach netmena y3awnouk lebnate bache nestfadou gua3

zamilio · 2014-01-12, 21:30

نتمنى الخوات يفدوك

tahani27 · 2014-01-13, 19:01

s'il vous plait rani mehtajetha urgent

tahani27 · 2014-01-13, 19:03

s'il vous plait rani mehtajetha urgent pour le faire a maman

acharifa · 2014-01-13, 19:31

للاسف ماشوفتاشي ..اتمنى للاخوات يفيدكم

لميس حواء · 2014-01-13, 19:48

أختي شفت الحلقة لكن ما ركزتش مليح في المقادير بالنسبة للخضر أختي استعملت شوية بصل رابي و جزر رابي و قرع رابي و قلاتهم مليح و من بعد زادت معاهم الجلبان و شوية كفتة و أرز مسلوق و توابل و معدنوس و لمت الكل ببيضة
بالنسبة للتوابل استعملت قرفة -كسبرة يابسة -رأس الحانوت -كركم- فلفل أسود و ربما زنجبيل
قلات قطع الدجاج و حطت في الكوكوط بصل مقطع + قرع مقطع دوائر + جزر مقطع و فطع الدجاج ثم القىنون المعمر بخليط الخضار و الكفتة و مرقت بحوالي لتر ماء
أكيد كاين نقائص في الوصفة لأني ما تبعتش مليح نتمنى يزيدو يفيدوك الأخوات

نورانيات · 2014-01-15, 14:22

مقادير الحشو تعا الخضر: 2حبات جزر مسكرفجة+جلبانة+روز مغلي+جريوات مرحية+حبة بصل مقطع+لحم مرحي القليل فقط منه+بيض+فلفل اسود+ملح+جبن.
مقادير المرق: حبة جريوات مقطعة دوائر+حبة بصل دوائر+حبة جزر دوائر+ثوم+جبن مبشور+6معدنوس+صدر الدجاج+زنجبيل+فلفل اسود+ملح.
الطرقة
قلي الخضر تاع الحشو في الزيت حتى تدبال مع نصف كمية البصل، وحطي في طنجرة الضغط دوائر البصل ودوائر الجريوات ودوائر الجزر والثوم والجلبانة القليل منهاثم طراف الدجاج المقلي مسبقا في الزيت مع الكركم والزنجبيل والملح والفلفل الاسود.
من جهة اخرى في وعاء ضعي الخضر المقلية تاع الحشو مع الروز وبقية البصل ونصف كمية الجلبانة والقليل من اللحم المرحي والفرماج المبشور+المعدنوس+ملح+فلفل اسود+صفار البيض وحكي حبات القرنون بالقارص واحشيهم بالحشو وحطيهم فوق الفراغات بين الدجاج في طنجرة الضغط وحطي شوية ماء واغلقي الطنجرة مع وضع الصفارة وخليها تطيب.

mon mari · 2014-01-16, 10:32

نضيف على الاخت نورانيات برك كي كانت تقلي الخضرة زادت سنة ثوم رابي
وثاني كي عمرت القرنون دهنت الحشو ببياض البيض باش ما يطيحش
لمت الحشو ب بيضة كاملة منبعت زادتلها صفار لي بقا و ضافتلها معدنوس
المرق دارتو قبل في اناء دارت الماء الثوم والتوابل منبعد ستفت كلش ف الكوكوت وزادت عليهم المرق

أم ماجد · 2014-02-25, 15:58

444444444444444444444444444444