الجزء 50 منواش طيبتي اليوم نعم للريجيم - الصفحة 53

أم محمد تاج · 2014-01-12, 15:01

حنونتي لهاليبووو ماجاوبتينيش على الحفلة؟؟؟؟ هههههه
والكارلاجة تسخن حوالي نصف ساعة والنار قاوية على الأخير وكي يسخن مليح نقصي خلي النار لازم توصل لحواشي الكارلاجة وحطي بحذاها طنجرة الغرايف باش تكمل تطلع مع السخانة ياخي فهمتي حنونتي؟؟؟

إلهام07 · 2014-01-12, 15:07

هيه تفكرت .......... راهي أم كوثر تسلم عليكم كامل
راهي مشغولة وتعبانة وزيد الدودودو ماخلاهاش مسكينة تلحق معانا

روضة حبيبتي على حساب واش راني نشوف العام الجاي هذا الوقت أنت اللي تعودي تعطينا وصفات وتعودي شاف واش بيك هذا خالتك راهي أم ماجد

حقة ام ماجد بركاي حقرة وديري لروزا عيد ميلادها كون جا عيد ميلاد ماجد لوكان راكي هولتي الدنيا حقة وكتاش رايحة ديريه ؟
وكي سقسيتيني على العشاء ياخي عندي 10 أيام وأنا نونطريني للمفرمسة وضرك تسقسي رايحة نديرها بحول الله
ومعاها ندير طاجين الحلو ثاني هكذا قررت الحكومة تموت عليه وديرو هذي المرة رايحة نديلها الصنعة تعلمهولي على كارو
وممكن إذا قدرت ندير عصير طبيعي ولا تحلية حبيت ندير حوايج أخرين بصح الكارثة نتاع البارح راهي هبطتلي المورال خلاص

أم محمد تاج الكارلاجة تحكيها بالصابون عادي كيما نديرو للطاجين ياخي ؟

أم محمد تاج · 2014-01-12, 15:11

لهاليبووووو الكارلاجة أدهنيها بالزبدة كي تسخن غير المرة الأولى برك والباقي راهي ماتلصقش وخلي البغريرة طيب مليح باش ماتلصقش وطير وحدها المهم راح الأولى تفسدلك كيعاد أول مرة ياخي شفتي تطبيق السيدة كرمين ربي يذكرها بالخير وقالت الأولى لصقتلي وهبطلي المورال بصح كي سخن الطاجين رجعو يتنحاو بسهولة

أم محمد تاج · 2014-01-12, 15:12

حقة أحكيلي على كارثة البارح؟؟ وكاش صور من قلب الكارثة؟؟ خخخخخخ

oum khadidja · 2014-01-12, 15:16

انشاء الله تكون كوزينة مربوحة انشاء الله و تجيب معاها الخير و تتحفينا انشاء الله باطباقك الجميلة حبيبتي

zahra30 · 2014-01-12, 15:17

ام ساجد انسيت نباركلك على عيد ميلاد ولدك ربي يحفظو وعقبال مائة سنة من الصحة والهناء والنجاح يارب وما شاء الله على الكوزينة تهبل تهبل نموت على الكوزينة الواسعة خير من الصالوون هههههه وبصحتكم واش طيبتو
ام اناسووو حتى انا والله غير توحشتكم بزااااااف عندي اشغال يدوية نحيها عليا ونرجع نقرعج معاكم
وذرك راني غارقة في المدونة انتاع ام رامي مواااااح حنونة واذا ما جيتش اعرفو باللي اعييت نخرج منها ههههههه
صح قهوتكم امبعد ان شاء الله

أم محمد تاج · 2014-01-12, 15:19

حبيباتي نستأذن هيا مبعد نشالله خارجة باااااااي
باش مانخليكمش هك ياقرعاجات رايحة نضرب طلة على بابا ولعرايس ونرجعلكم

touta2010 · 2014-01-12, 15:20

مساكم الله بالخير
نحب من داك لداك ندخل
اليوم راني مقلقا شوية
بصحتكم واش درتو وربي يهنيكم ويفرحكم بالعيد ويفرج لى كل مهموم

almazalina22 · 2014-01-12, 15:26

مساء النور هذا واش كنت نخترع يارب يعجبكم نراجع شوية الله يبارك عليكم

زوروني ام تاج بلاك هذي تعجبك شفتك حاصلة في المقبلة

https://www.djelfa.info/vb/showthread...post1055407370

إلهام07 · 2014-01-12, 15:28

شكرا أم محمد تاج فهمت الشرح
بصح مافهمتش كيفاش ماجاوبتش على الحفلة ؟ تحوسي نقترح عليك كاش حاجة ؟

والكارثة والله تموتي على التقرعيج انا كنت حابة نحط الصور باش نخلعكم ههههههه نموت على الطوايش
البارح روحت شريت سمك البوgا و صاورا للعشاء ماما تموت على الحوت حبيت نفرحها زعمة كي روحت لقيت أختي جاتها الحرنة على السوفلي شراتلي اللحم المفروم والسكالوب
المهم هاوشتها وشبعت فيها سبان ومن بعد درتو ، حطيت البلاطو 1 طاب عادي من تحت وكي شعلتو من فوق شعلت النار في الكوزينيار كامل دارت ماص بين الكهرباء والغاز واش نقولك منظر وعععععععععععع متنا بالخلعة والدخاخين وقد مانكبو ماء ماحبتش خلاص تطفى فشلو ركايبي قلت ميتين اليوم وحدي غير أنا وأختي وبدينا نعيطو جات ماما وبابا وبالسيف لا طفات طبعا لقينا نصها ذاب من داخل وععععععععع شريتها أنا منذ 5 سنوات مازالت جديدة
المهم ، البلاطو الاول منع والثاني بقات العجينة محشية ومشكلة حطيت البلاطو بيه باللي فيه في الثلاجة ياربي نروح نلقاه خدمها باش نكمل نطيبو
وباقي العجينة والحشو وليت قرصتها ودرتها قرصة بيتزا وماما ولات قلات الحوت واش نقولك عشاء مرعب

هذا كامل لاخاطر بابا نهار اللي درت أنا القراتان نتاع الشفلور حلاتلو يحل الكويزينييار ينظفها نصلها كامل وأنا مابيا ندير الشفلور مابيا نغسل البياسات باش يزرب يركبها ونطيب فيها تعرفي سمانة وظفاري كوحل ( عاقبة ) واقيلا مارجعش البياسات في مكانهم

هذيك الخلعة كي خلاصت بداو يهاوشو فيا بابا قالي انت اللي زربتيني باش طيبي القراتان وماما قاتلي أبردي ضرك ظلي هذا قاطو هذا قراتان حتان فسدت

اليوم الصباح جيت نخدم على زهري جابنا مول الحافلة طاير تقولني في رالي تعرفي جا يدور ومداير فيتاس قريب قتلنا مالت الحافلة وفقد السيطرة وتحسبي خاف ؟ نقص السرعة دار الدورة ولا دار الفيتاس وصلت للعلمة على 7.05

قاتلي صاحبتي سايسي روحك هذي السمانة قلتلها كي مامتش البارح حب هو يقتلني اليوم

سميحة 01 · 2014-01-12, 15:28

يعطيك الصحة لهلوبتي ربي يعطيك ماتتمناي ربي يشفيك ان شاء الله

اليوم كنت كارها دخلت هنا فرحوني زوج حوايج الهام كي راسلت فايزة و رجعت عضو فعااال

الهام عجبالديكور هذي الصوص كيفاش درتيها كحلة بزاف