طريقة عمل عجينة التزيين - الصفحة 135

ام الاء وسدن · 2014-01-07, 15:20

نتوما اكتبو وانا نتشهى لخاطر نموت على قهوة العشية

فاطمةع · 2014-01-07, 15:28

انا ضيفتك اليوم ياام ايوب اليوم شفت الموضوع نتاعك شيق والله وراني من الصباح نقر في مواضيعك هاه وين لحقت لصفحة 70 ومازالني نكمل
ولي عجبتني اكتر هاديك الطورطة نتاع عيد ميلاد ولدك ياريت تعطيني الطريقة لي خدمتيها بيه اي المقادير وطريقة التزيين راني حابة نخدمها
وايض عجبتني طورطة الاخت souma sousou

لينا11 · 2014-01-07, 15:30

بوسو انا نحبو درتو مرة هذي لخطبة خويا قريب كملوه قبل مايوصل لدار خطيبتو
سورتو رية قارص تنعنع ياسيدي ممممممم

ام اريام · 2014-01-07, 15:30

السلام عليكم ورحمة الله وبركاته. لبنات انا رقدت شوية وهدوين نضت.طاطا اختي ربي يفرحك بوليداتك ولقوبة لعرسهم انشاء الله ربي يكمل بالخير انشاء الله. سوما راجلي من هداك الحادث راهو يسوفري من ظهرو راهو مع الدواء والمساج والله يبات في حالة الحمد لله. اختي ام الاء وسدن قريتي واش كتبتلك.اختي لينا واش تشهينا اليوم للقهوة.

ام اريام · 2014-01-07, 15:32

حطينا المقادير اختي لينا نتاع بوسو لقدرتي.

لينا11 · 2014-01-07, 15:41

اوكي حنونة مقادير بوسو

250غ زبدة طرية+ 150غ سكر ناعم اخدميهم مليح+2 صفار بيض وخلطي+ قشور وعصير ليمونتين +3 مغارف كبارمايزينة +1 خميرة واجمعي بالفرينة حتى تولي عجينة طرية جربي ديري بيديك كويرة لا حكمت روحها معناه مليحة
ولا جربي طيبي وحدة شوفي لاحكمت لافورم معناه مليحة لا ساحت معناه زيدي فرينة

انا درتها كعيكعات

تشكلي كرات صغار وكل كرة ديري حربوش وشكلي كعيكعات وديري بشون باش الشكل يجيك كيف كيف دخليهم يطيبوا في فرن 180درجة لمدة 25د.
لما يطيبوا خليهم يبردوا مبعد غطسيهم في خليط ماءزهر وفيه عصير الليمون ورمديهم في سكر قلاسي مرتين
وفالنص زينتعم بعجينة سكر شكلتها على شكل وردة بلون اصفر

ام الاء وسدن · 2014-01-07, 15:48

اقتباس:

المشاركة الأصلية كتبت بواسطة ام اريام

السلام عليكم ورحمة الله وبركاته. لبنات انا رقدت شوية وهدوين نضت.طاطا اختي ربي يفرحك بوليداتك ولقوبة لعرسهم انشاء الله ربي يكمل بالخير انشاء الله. سوما راجلي من هداك الحادث راهو يسوفري من ظهرو راهو مع الدواء والمساج والله يبات في حالة الحمد لله. اختي ام الاء وسدن قريتي واش كتبتلك.اختي لينا واش تشهينا اليوم للقهوة.

صح النوم ام اريام
ايه راني قريت وقتلك ما حبتش تشرب التيزانة وراهو زاد عليها الحال كرشها وقيلو حشاكم جرات
راني معاها بواحد الدوا تاع الوجع بلاك تبرا منا لليل

ام اريام · 2014-01-07, 16:03

يعطيك الصحة اختي لينا من بعد نجربو انشالله. اختي ام اﻻء وسدن الله يسلمك .واش قتلك ما تخافيش الطفلة راهي تسنن.

لينا11 · 2014-01-07, 16:27

ريام جربيه ذوقو تقولي مخدوم باللوز

لا جابلي زوجي قارص نعاودو

راجية عفو العفو · 2014-01-07, 16:40

شكرا لك اختي ممكن تعطيني المقادير بالغرام لوسمحتي الله يجازيك الجنة

souma.sousou · 2014-01-07, 16:42

سلام لحبابات راني درت بوسو نتاعي ولمرا جايا ندير تاعك سامحوني راني رايحة نطل على عجوزتي ونوليلكم تهلو في رواحكم

صح قهوتكم

لينا11 · 2014-01-07, 16:44

امممممممممممم سوسو خرجلك يسخف
شهيتيني ظاهر نديرو غدوة لا حيانا ربي

ام اريام · 2014-01-07, 18:18

انشاء الله نجربو اختي لبنا باين مليح من المقادير .اختي سوما ربي يشفيها عجوزتك بصح لا ديتيلها بوسو بلاك تضريها شوية .واش حالكم يا بنات .

ام الاء وسدن · 2014-01-07, 18:47

لبنات راني رجعت فطرت ودعيتلكم كامل اللي في بالها حاجة ربي ينولهالها سومة يطيك الصحة على القاطو كيفاش صبتي عجوزتك
بوسو جاك روعة ام اريام كيفاش راكي لينا وين راكي

لينا11 · 2014-01-07, 19:03

صح صيامك حنونة
وراني غير هنا ندور