حياتي تدمرت ساعدوني

[MIMI 2010]

المشاركة الأصلية كتبت بواسطة الواثق

يا اختي المشكلة كتبت في كلمات ولاندري ماوراء ومابين السطور
الذي تعلمته من هذه الدنيا ان اسمع لكل الاطراف حتى احكم وان لا احكم لطرف من سماعي لطرف واحد وان استدعى الامر الشفقة
تجيك وحدة تقلك مادرت والو؟؟؟ هنا علامة استفهام كبيرة
انا سمعت نساء يسبو ويطيحو ومن بعد تقلك مادرت والو
فهنا لا اجزم اي شيء قبل ان اعرف هاذي الوالو واشنهي ؟؟؟؟؟
لا احب الدخول في هذه المشاكل لكن العدل ان نسمع لجميع الاطراف فتلك زوجة وتلك ام ومادراك ما الام فكونو عقلاء
اما قضية مصرة فارى ان هناك مبالغة فهناك من تصر المكوث في بيتها ولاترجع الى زوجها وفي الاخير تقول هم من طردوني ويريدون الطلاق ؟؟؟؟
لعب النساء راهو خطير

والله المستعان

يا اخي انا لا من النوعية لا اللي تسب و لا اللي تقول كلام ماشي مليح انا بنت متربية و متعلمة و ايطار في الدولة ما ني لا باغيا نخسرها و لا نخسر راجلي و باغيا تكون عليه دعوة الخير و يكون مرضي الوالدين انا مشكلتي معاها اني عاملة و هي قبلت في الاول و من بعد تراجعت في قرارها هم ما شاء الله عايلة كبيرة و ما كانش بنات من غيري و هي تطلب مني نخدم فوق جهدي طلبت منها باش نجيب وحدة تعاوني و نخلصها ما حبتش واش بغيتيني ندير و الله والله ما قلتليها عيب و الله شاهد عليا و راني شهرين في دارنا و هي مصرة ما ندخليهاش لدارها
و حتى يا اخي لو كان سبيت ولا طيحت ماشي من حقها تجريلي في طلاقي

[MIMI 2010]

المشاركة الأصلية كتبت بواسطة sara160349

راني قتلك الام الي ما عجبتهاش العروس تقول ادي و مرتك و فارقني لكن هنا الام راهي تلعب في دور المتسلطة يعني خلاص راهي تمنكر كيما نقولو تقامر ثلاث نقاط فوق القاف و هي علابالها ابنها ما يقدرش يزعفها تمنكر و حابة تثبت بلي هي مولات الكلمة صدقني
اما انك تقول لعب النساء مازال ماشفتش واحة تخرب دارها و كون الاحت كيما تقول ماجيش تشكي فالمنتدي و تطلب العون و ربي يكون معاها

ربي يحفظك و الله رديتي واش كنت حابة نقول

[ahlem-86]

كان الله في عونك أختي .ربي يصلح احوالك و يفرج همك
يااااااااااااااااااا رب تفرج عليك الله يكون في عونك

[حواء 19]

مهماتكن الاسباب ما حقهاش امو تطلب من بنها يطلق زوجته و زوجك اختي تسمحيلي ما عندوش شخصية اكثري من الاستغفار و ادعي ربي باه يفرج عليك

[حواء 19]

مهما تكن الاسباب ما حقهاش امو تطلب منو يطلق زوجته و حتى زوجك اختي ربي يهديه و نقولك اختي تسمحيلي ما عندوش شخصية كون من المشكل الاول خرجتو و كريتو اكثري اختي من الاستغفار و الدعاء و انشاء الله ربي يفرج عليك

[kamilia85]

وكلي ربي عليهم و الظالم ربي يتكفل بيه في الدنيا او الاخرة

[أم بدر الدين]

القضية فيها نوع من الغموض استحالة انها ترطدك نرجو سرد تفاصيل القصة لنتمكن من الرد و التفكير في الحلول اعانك الله و اكثري من الاستغفار

[ابو اكرام فتحون]

السلام عليكم ورحمة الله وبركاته

عَنْ عَبْدِ اللَّهِ بْنِ مَسْعُودٍ رَضِيَ الله عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"مَا قَالَ عَبْدٌ قَطُّ إِذَا أَصَابَهُ هَمٌّ وَحَزَنٌ اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي،
إِلَّا أَذْهَبَ اللَّهُ عَزَّ وَجَلَّ هَمَّهُ وَأَبْدَلَهُ مَكَانَ حُزْنِهِ فَرَحًا"،
قَالُوا: يَا رَسُولَ اللَّهِ يَنْبَغِي لَنَا أَنْ نَتَعَلَّمَ هَؤُلَاءِ الْكَلِمَاتِ؟
قَالَ:"أَجَلْ يَنْبَغِي لِمَنْ سَمِعَهُنَّ أَنْ يَتَعَلَّمَهُنَّ".



أخرجه أحمد (1/452 ، رقم 4318)، وابن أبى شيبة (6/40 ، رقم 29318)، والطبراني (10/169 ، رقم 10352)، والحاكم (1/690 ، رقم 1877) وقال: صحيح على شرط مسلم.
وصححه الألباني في "السلسلة الصحيحة"(1 / 337).

[hodahodahoda]

اصبري من اجل زوجك

لا تتسرعي ما لم تسمعي الكلام من زوجك

[R I A D]

قلبي معاك اخيــتــي
زوجك ضعيف الشخصية وحماتك عارفة هذا الشيء لذلك هي تتسلط عليك و عارفة رايها يمشي عليك و عليه
و اذا زوجك يحبك لماذا لا يستقل ببيت لحالكم و هو حاب يرضي امه بتطليقك و نسى ان لا طاعة لمخلوق في معصية الخالق
و الظلم ظلمات يوم القيامة ...و اين حماك من كل هذا؟؟؟

و المشكل في نظري باين ان حماتك حابة تبطلك الخدمة و تهزي الدارمن ناحية الاشغال
يوجد كثير من الحماوات عندهم هذا العقلية ما يخافوش ربي ....يرميو كل شيء على العروسة و اذا شكات او قالت غلبت خلات عليها ...
جربي خذي عطلة بدون اجر "كونجي صونصولد" و اقعدي مع زوجك و شوفي الحالة بالك تتحل المشاكل مبدئيا
و الله يعاونك و ينصرك على من ظلمك

[imy21]

كان الله في عونك
اختي كثري من صلواتك و الإستغفار و اذا ممكن ديري رقية

[حياتي باستغفاري]

حسبي الله ونعم الوكيل

[هدية الرحمن]

رب يفرج عليك ، و أكثري من الدعاء

[حفيظ حيدر]

السلام عليكم اختي اكثري من دعاء اللهم اكفنيها بما شئت

[أمة الله 12]

يا أختي اذا كيما راكي تحكي, تقدريهم وصابرة و راجلك قاتلوأموطلق و هو قابل

غير روحي عاونيه بيش تطلقي فأقرب وقت


نهدر معاك مني بالصح, ما تستغربيش الظلم راني ما نحبوش

اللي يقدرك ديريه فوق راسك, و اللي باعك بالفول بيعيه بقشورو

بيش نقلك اصبري,على واش راح تصبري, أمو تكرهك, راجلك سامح فيك

ربي يعطيك على قد قلبك