على وجه ربي....مساعدة عاجلة من فضلكم

الزعيمة · 2013-12-18, 22:05

السلام عليكم ورحمة الله وبركاته
يا خاوتي تعيشو
محتاجة مساعدة منكم ومستعجلة لو سمحتو

انا شفت الاعلان بخصوص مسابقة التوظيف في صفوف الجمارك 2013-2104
وقلت لخويا يوجد الملف نتاعو بخصوص عون حراسة ويدفعو على ربي نشالله هو عندو مستوى سنة اولى ثانوي
1- حبيت نفهم اذا اعلان التوظيف وطني يعني مالمدية نقدرو نحطو فيه ولا يخص ولايات الجنوب فقط
2- وينتا اخر اجل لدفع الملفات
3- بخصوص الشهادات الطبية : وحدة من عند طبيب عام+ طبيب الامراض الصدرية + طب العيون ....لازم طبيب متخصص وبريفي في نفس الوقت..ولا ينفع طبيب متخصص ومن المستشفى يعني مش بريفي..تعيشو ردو عليا وعاونوني
3- كيفاش يدفع حقوق التسجيل
على وجه ربي عاونوني...راني حابة نعاون خويا ونخليه يتعود على الملفات..اكيد مشي من اول مرة ينحج المهم التجربة
على وجه ربي عاونوني باللي تعرفوه واجركم على الله

الزعيمة · 2013-12-19, 07:23

علاه يا جماعة
51 مشاهدة
بين هادو كامل مكاش واحد قدر يرد ولو على سؤال واحد من اسئلتي
على رانا هنا
مشي باش واحد يعاون الثاني باللي يعرف
مشي يدخل يقرعج ويخرج
وزيد قلت مساعدة مستعجلة
خويا حاب اليوم يحط الملف فالبليدة..وانا خايفة يكون الملف ناقص بخصوص الشهادات الطبية او تكون المدية ماهيش معنية اصلا بهاذ الاعلان ويروح يشقى في باطل وزيد مايعرفش اصلا مديرية الجمارك وين جاية فالبليدة
على هادي طلبت مساعدتكم
على كل بارك الله فيكم

صمت الرجوله · 2013-12-19, 10:48

بالنسبة للتوظيف فهو وطني ,اما الشهادات لازم طبيب مختص يعني بريفي ماعدا الطب العام
بخصوص حقوق التسجيل ربما عن طريق حوالة بريدية مثل الحماية المدنية هذا اذا عطاوك رقم حساب يتم الدفع من خلاله
انا ما عنديش الاعلان اذا كان عندك حطيه و انشاء الله نعاونوك

amir 004 · 2013-12-20, 08:57

الامور واضحة
المسابقة وطنية يدفع الملف في المديرية لي تابع ليها الولاية تاعك
حقوق التسجيل تدفع في مركز البريد و يعطيوك وصل يدفع مع الملف
المسابقة لم تفتح بعد مازال
شهادة طبية للعيون و الصدر لازم طبيب مختص فيها التوقيع و الطابع تاع اختصاي
الطبية العامة طبيب عام من المستشفى مقبولة
والله أعلم