*واش طيبتي اليوم الجزء*44* تفضلن * - الصفحة 12

الأمنيات · 2013-12-09, 09:14

اقتباس:

المشاركة الأصلية كتبت بواسطة almazalina22

الامنيات بليييز راكي هنا قوليلي جربت الكيكة الهشة وهبطتلي في النصف وين الغلط
اعطيني ابعاد المول حابة نعاودها وقوليلي بلاك نزيد الفرينة بليز جاوبني واااااع

السلام عليكم اختي شوفي راني شفت سؤالك امس فقط كان عندي ضيوف ما تلهيتش
انا الصينية ندرها فيها24سم قطرها ممكن الفرن ما كانش سخون ما نعرفش السبب حاولي تجربيها
حتى انا مرات تحدث لي تطلع جهة بجهة او تهبط في المنتصف
السبب الله اعلم ممكن الخمارة لكن المقادير نفسها لا اغيرها

oum anas 69 · 2013-12-09, 09:14

صباح الخير ياوجوه الخير
كل وحدة بأسمها ا لبارح سميت حصلت نسيت بزاف أخوات نحبهم مثل أم إبراهيم أم ساجد عطر و نوال أم ياسو و بزاااااااف آآآآه منك ياذاكرة هههههه

بصحتكم الطيابات و الحلويات
اليوم مانديرش الغداء عندي من البارح جواز جلبانة بلحم العجل ...مانعرف يجيني سامط
و إن شاء الله رايحة نعمل مخبوزات منوعة بعجينة الكرواسون لملكة المعجنات إلهههههههام إذا جاوني ملاح نحطهولكم و إذالاااا أضربو النح ههههههه
عندي سوجة في الدار كبيرة على قولة أم تاجو
بروقة ممبعد نجيبلك المعجنات باروك البارح وقفتينا عند الباب هههههههههه
أم نجمو كيف هووليدك إن شاء الله لاباس
لبنات ماتنساوش تدعو لعزيزتنا لمسة حنية و أم يسرى تاع فرنسا و ماري ربي يشفيهم و يشفي كل مريض
حقى وين راهي تووووووتة وليدي و طومة
سلامنا لأم كوثر أم رامي
أيا ممبعد إن شاء الله

zahra30 · 2013-12-09, 09:17

ربي يجيب الشفاء لكل مريض يارب سلامي للكل امبعد ان شاء الله
زروني في كل سنة مرة هههههه تفضلو عندي شوية حبيباتي
https://www.djelfa.info/vb/showthread...post1055119616

عطرالذهب · 2013-12-09, 09:19

ام ماجد صباح الخير يا نشيطة
ام انس صباحوو امس نسيتيني بالصح ما لمتش عليك انا كون نجي نكتب ما نتفكر حتى وحدة ياخي مزية تفكرتي مجموعة
ام ياسو صباحوو وبصحتك لبروكلو
امنياتي احلى صباح

رحيل ج · 2013-12-09, 09:20

السلام عليكم كيف الحال
بريق الامل حبيبتي راني شفت كوزينتك ماشاء الله عليها حبيت نسقسيك الفور تاعك كيما تاعي وسخون بزاف كي ندير قاطو ولا مسكوتشوا ندير في الرف الثالث لي لفوق ادا درتها في الوسط يحرقلي القاطوا بخبرتك اعطيني معلومات كيفاش نطيب فيه الخبز القاطوا المسكوتشوا وتكون النار متوسطة اريد نحوسك تفهميني العمل تاع الفور مليح بما انك خبيرة ماشاء الله عليك بارك الله فيك

الأمنيات · 2013-12-09, 09:24

صباح الفل عليكم جميعا ويعطيكم الصحة على طيابكم
ام ماجد واش درتي غداك
انا راح ندير طاجين البسباس ان شاء الله
حبيت نحط عشايا تاع البارح ما حبش يطلعوا الصور وعععععععع
راح نجرب كيكة البرتقال تاع ام ياسين

بريق الامل& · 2013-12-09, 09:28

صباح الخيييييييييير يا زينات بلادي
اسمعو لبارح سمحتلكم اليوم ما نسمحش كفاش هذي تجو يديكم فارغين راكم فاهمين رواحكم شكون ما كان علاه نسمي جماعة ام انس ووووو
هي صحيح الدار داركم بصح انتوما كريمات واحنا نستاهلو عري على ضرعيكم وخرجو المكبوتات هههههههههههه
وشراكم لباس
راهي تالفة وش ندير غدا جيت نغش كاش فكرة
ام ماجد باش تعاونك في العض وقيلة الثنين بح ههههههههههههه حرام عليك طومة يجي النهار تولي كما هي ههههههههههه ويديرولك احفادك ما كثر كما تدين تدان ههههههههههه سلمي على البركة وقلها تدعيلي

ام اماني77 · 2013-12-09, 09:29

صباح الخيرات والمسرات على الجميع
واش راكم مع البرد ان شاء الله كامل بخير
بعد ماحطيت حلوى التاج روحت نشوف الردود نقولكم يعطيكم الصحة على الردود
فقط رد مافهمتوش؟شوفو واش تقول مولاتو

اختي ام اماني هاذ الوصفة حطتها اخت في منتدى سيدات الجزائر قبل عيد الفطر ...

ماكانش حتى كلمة شكر
انا والله ماشفتو حتى في منتدى انا اصلا ماندخلش للمنتدديات الاخرى الا هنا وفي المسلمة لاني مشتركة فيهم
ليس من صفاتي نسرق الوصفات من المنتديات ونعاود نحطهم
مافهمتش حاجة هل اذا كانت الوصفة في النت مالازمش نديروها؟
حبيت نقول واحدة ماتخترع الوصفة كل واحدة وعندها مصادرها المهم والفائدة ان الوصفة تكون ناجحة ومضمونة
لاحول ولا قوة الا بالله

بريق الامل& · 2013-12-09, 09:30

ام ماجد حكمتك وشمن وكر راكي تروحي تذاكري رحمي على الي اعطاتك لا كلي هههههههههههه
وقيلة راحت علينا هههههههههههه الفاهم يفهم
وش درتي فطور
امنياتي على بالك ليك معزة خاصة في قلبي نفرح منين نشوفك
وش درتي غدا؟؟؟؟؟؟؟؟؟؟؟؟؟؟

lamia zina · 2013-12-09, 09:31

صباح الخير بروقة راني نستنى في الجواب اين اجد وصفات نعيمة علاوة ياخاه اعطيتك زوج حوتات و ما جاوبتينيش

بريق الامل& · 2013-12-09, 09:32

حلوى صابلي التاج حطيتهالكم مرة هنا في كوزينة من الكوزينات بصح بلمسة ام اماني خرجت تحفة

lamia zina · 2013-12-09, 09:32

ام اماني ما تقلقي روحك ما والو المهم انت افادتينا بوصفاتك و جزاك الله خير

بريق الامل& · 2013-12-09, 09:33

اقتباس:

المشاركة الأصلية كتبت بواسطة lamia zina

صباح الخير بروقة راني نستنى في الجواب اين اجد وصفات نعيمة علاوة ياخاه اعطيتك زوج حوتات و ما جاوبتينيش

في الفيسبوك انت عندك فيسبوك نمدلك تاعها؟ وصحيتي على الخوتات لالا ندي غير وحدة ونخليلك وحدة ههههههههههه
وهي الي جبت من عندها حلوى صابلي التاج قصدي نعيمة علاوة
عندها حلويات روعة زعما درتهم في الفافوري باش نطبق ساعة والو

lamia zina · 2013-12-09, 09:37

اييه عندي فايس بوك بروقة اعطيني الفايس بوك تعها راني حوست و ما لقيتش

الأمنيات · 2013-12-09, 09:37

بروووووقه ربي يعزك يا زينة تفكرتك في الليل انتي والجماعه لهيه والله بقيت غير ندعيلك في ربي
ربي يستجيب ان شاء الله
كنت راح نحط طيابي تاع البارح الله غالب ما حبوش يطلعوا الصور
راكي تسالي باروك الكوزنه ههههههههههههههه