اعطوني الطريقة

[الوردة المتفتحة]

خطوة كبيرة انك اخرجت ما انت تعانين منه وهاذي اولى بوادر التوبة وانك ماكيش راضية على روحك والله شي جميل وربي راه فرحان انك حاسة روحك مقصرة في حقو
ياختي ديما تفكري بلي ربي راه يفرح بصلاتك على ديك كوني مستعدة ودايما هدري روحك بلي تصلي وتدعي من قلبك كي تولي تصلي ربي يثبتك عليها وسحر الصلاة يبدى من لما تغتسلي للطلاة تنزل عليك راحة وطمانينة
باه تثبتي على صلاتك اقراي فالنت فوائد الصلاة وعقوبة تارك الصلاة ختي هكذا تححب ليك الصلاة وتقربي منها بزاااف وتاني بعدي على الامور اللي تخليك متصليش نعطيك مثال المكياج ديريه بعد م تتوضاي وليس قبل باه ماتقوليش مانصليش لاني ماتوضيتش ثاني طلاء الاظافر شباب وكامل نحبو نديروه بصح مش دايما تفكري نظة الناس تاكدي اذا ديما شافوك دايراتو رح يحكمو عليك بلي ماكيش تصلي وتطيحي من عينيهم على ذيك خصصيلو فترة باه تديره وراكي فهمتيني زيدي اليليفيزن ماراحش يهرب كي تنوضي تصلي وزيدي لما تبداي تصلي رح يروحلك هذا التوسويس وتاكدي البركة رح تكون في كل حاجة راكي تديريها
ياختي كثرت الهدرة والله ران كامل نصلو لكن مرات نحسو رواحنا ديما مقصرين في حقها ربي يهدينا ويغفرلنا كامل
وربي يثبتك على صلاتك امين يارب

[حسام]

اللهم علق قلوبنا بالصلاة وثبتنا على طاعتك
امييييييييييييييييييين

[الكـ الطيبة ـلمة]

ربي يحبب اليك الايمان و يزينه في قلبك

فقط تذكري انو رب العالمين يناديكِ في كل صلاة لتقفي أمامه

فهو يقربنا اليه فكيف لنا أن لا نجيب و خير داع .

الحمد لله على نعمه

[zahra13]

الطريقة اول حاجة ادعي الله دايما يتبثك على الصلاة في وقتها
ثاني حاجة 10 دقايق قبل الآذان ديري alarme قبل كل صلاة باش تنوضي او تتركي اي شيء من يدك وتتوضي وتروحو تصلي لرب العزة لي يناديك للفلاح تخيلي تناديلك صديقتك المقربة او جارتك أو اي انسان عزيز عليك تنوضي ليه تجري فمابالك برب العباد الذي خلقك ورزقك نعمة الاسلام وسترك شحال من مرة ورزقك الصحة والحمد لله الذي بيده الملك بيده مصيرك وروحك يناديك للصلاة وانتي تسمعي الآذان ولا تبالين ...؟؟؟؟ مارأيك والله انا دايما افكر هكذا واستحي من نفسي....والله تعالى لما أمرنا بالصلاة مش باش نصليولو وفقط لا ربي سبحانو غني وجبار حنا لنحتاجولو هاذ الصلاة تفيدنا حنا في الدنيا والآخرة الله تعالى في رمشة عين يجيب ناس يعبدوه احسن منا ولكن الصلاة فايدة لنا تحمينا من انفسنا وشهواتنا ...ومن كل شر ...هذه الطريقة دايما افكر بها لذلك احب الصلاة والحمد لله ان شاء الله نكون افدتك.

[doba]

الصلاة لا يمكن أن تحافظي عليها من اليوم الأول

[مواطنة]

اختي الكريمة اسألي الله التوفيق
كل شي بالارادة انت حددي موقف مع نفسك و باذن الله تقدري تستمري في الصلاة اختي عظمي شأن الله في قلبك و تأملي خلقه وذلك كفيل ان يستحي الانسان من عدم طاعته لله .لما يجد الانسان سبب وجوده في الكون و لماذا خلقه الله تصير عندو ارادة قوية للعمل بما امرنا الله به ورسوله صل الله عليه وسلم
و كاين شي اخر اذا حبيتي تولي تصلي لازمك تخالطي الناس لي يصلو ماشي لي لهوك على الصلاة مثلا تكون عندك صديقة تعملك اتصال في اوقات الصلاة.و تاني مليح تحضري صلاة الجمعة او اي وقت جماعة تحسي بحلاوة لا مثيل لها .مثلا واحد كي يحب يحبس دخان لازمو يبعد على المدخنين على الاقل حتى يفترق على الدخان بشكل رسمي .
اختي الله تعالى خلقنا في هذه الدنيا و اعطانا نعم لا تعد و لاتحصى و نحن الفقراء و الله الغني و اقل شي نعملو هو ان نؤدي الفروض.
كل يوم جاهدي نفسك و اذا راحلك وقت اخلفيه و كثري الاستغفار بلعقل باذن الله حتى تنتظمي في الصلاة

[zahra13]

المشاركة الأصلية كتبت بواسطة مشكلتي

السلام عليكم
اخواتي على بالي بلي حرام وعلى بالي بالاحاديث والايات القرانية والقصص والعبر
على تارك الصلاة
كني انا اليوم جيتكم باه تمدولي طريقة تخليني ماعاتش نفوت حتى ركعة في وقتها لانني متهاونة لدرجة كبيرة نهار نصلي وعشرة لا ممكن طريقة تخليني نلتزم بكل وقت
وشكرا

اختي الكريمة نضيف لك هذا الرابط لعله يفيدك
محاضرة الصلاة للأستاذ عمرو خالد
5- https://audio.islamweb.net/audio/down...?audioid=86211

[sabah93]

مع تسمعي الاذان نوضي للصلاة واذا كنتي تسمعي لغنا بطليه
وادعي ربي يعينك

[ام احمد]

السلام عليكم انا مع هذه الأخت ديري هذي النصيحة و اتكلي على ربي
كي تسمعي الاذان لازم لازم تنوضي توضي و تصلي يعني عودي نفسك على هذا الشئ
و اكثري من قول اعوذ بالله من الشيطان الرجيم
ان شاء الله باقي الاخوة يفيدوك بطرق احسن
ربي ينور بصيرتك